`·.¸¸.·¯`··._.· ( صالون الرابطة العلمى ) `·.¸¸.·¯`··._.·

[samomran]

محمود

لسانى يعجز عن الكلام و الله


و بجد الف الف شكر

لانها فكره فريده من نوعها

و هى طرح اسالها و احنا اللى نجاوبها كل على حدى و على مستوى خبرته


بجد الف الف شكر و اسمحوا لى انى اشترك

[samomran]

طيب يا جماعه

ممكن ننتقل لمرحله ثانيه

الخطوات فى حقل العمل

[Mahmoud Slem]

انا بجحد بشكر حضراتكم فعلا على الردود دى
بس عايز مشاركة بالاجابة
وكل واحد يشوف اى اضافة للاجابة

ويحطها مايلتزمش باجابة وحده فقط
فين بقى اسلوب الحوار والنقاش
حول الموضوعات العملية

عايز اشوف تفاعل منكم اكتر بجد

واتمنى اننا عندما نطرح سؤال فى موضوع معين
نخوض فى الاجابة والاستفسارات حول هذا الموضوع ولا نهمل هذا الموضوع ونتطرق الى موضوع اخر

الموضوع اللى احنا بنتكلم فيه النهارده وبنتناقش فيه
هو عمليات الرفع المساحى والاخطاء الناتجة عنة

وارجو من كل من ليس متابع للموضوع ان يتصفح كل الصفحاتحتى يكون ملم بالموضوع


شكرا جزيلا لكم

[ALY ELSAYED]

شكرا لاخي محمود سليم للمره الثانيه

واسف لتاخير المشاركه بالرد

عمليات الرفع المساحي

تتخذ عمليات الرفع المساحي ثلاث مراحل

المرحله الاولي : هي مرحله الاعدادات وفيها يتم:

1- تحديد منطقه الدراسه (اي المنطقه التي سوف تقوم برفعها).

2- تحديد الهدف من عمليات الرفع.

3- وضع الخطه وبرنامج العمل اليومي.

4- جمع خرائط قديمه للمنطقه في ازمنه مختلفه وبعض المرئيات والصور الجويه للمنطقه.

5- تحديد الاجهزه المساحيه المستخدمه في عمليات الرفع ( التوتال استيشن- الميزان- الديتوليت- gps - وغيرها).

ملحوظه : الجانب الروحي في العمل الجماعي مهم جدا وله تاثير مباشر في العمل.

المرحله الثانيه: هي مرحله العمل الميداني:

1-وفي هذه المرحله تتم عمليات الرفع المساحي للمنطقه باستخدام اجهزه الرفع المساحي المختلفه.

2- يتم تسجل كل الملاحظات والمشاهدات ويجب الاهتمام بكل المعلومات الصغيره والكبيره.

3- ويتم الرفع من خلال تحديد نقاط حدود المنطقه ورفعها ونقلها الي الورق.

ملحوظه : اي خطاء في هذه المرحله سيكون له اثر كبير في الناتج النهائي لعمليه الرفع.

المرحله الثالثه : وهي مرحله العمل المكتبي :

1- هذه المرحله يمكن ان تستغرق وقت اطول من المرحلتين السابقتن.

2- يتم تصحيح اخطاء عمليات الرفع.

3- تهدف الي عمل خريطه نهائيه للمنطقه.

[NOHA SHABAN]

من الاخطاء التى تنتج عند الرفع المساحى

اخطاء الية

واخطاء طبيعية

واخطاء شخصية

الاخطاء الالية وذلك ناتج عن عيب فى الجهاز وهذا يجب ان يتم معايره للتاكد من سلامة الجهاز وذلك بقيام الفنيين المتخصصين فى هذا المجال وليس مجالنا

الاخطاء البيعية وهى الاخاء الناتجة عن حاله الجو
مثل الاشعاع الشمسى

ومثل الامطار

الضباب

والتعامل مع هذه الاخطاء يكون فى عدم العمل فى وقت تعامد الشمس على الجهاز

العمل على حماية الجهاز قدر المستطاع من الاشعة القوية

عدم العمل فى المطر

وايض الضباب

الاخطاء الشخصية

مثل عدم مسك القامة راسية

قراءه القامة خطا (( وهذا يعيب على المساح ))

ارجو ان اكون قد اوضحت لاجابة على قدر استطاعتى

جزاك الله خيرا يا بشمهندس على الشرح المفيد ده

[NOHA SHABAN]

موضوع جامد جدا جدا يا محمود

وردود الناس والتفاعل مع الموضوع من منك ومن ايمن ومن المهندسه نهي رائعة جدا

وانا اوعدك اني هشترك دايما فيه

بس اعزورني مش هينفع ارد دلوقت لاني خارج لتأدية الواجب العسكري

جزاك الله خيرا يا بشمهندس حسن

[eslam mamdouh]

صديقى العزيز محمود سليم

فكره جديده ومميزه......لكن مش جديده على تميزك وتفكيرك الراقى

بجد انا متاكد ان شاء الله ان فى المستقبل هيكون اسمك من اهم الاسماء فى سوق العمل

بجد ربنا يكرمك ويقدرك على فعل الاحسن


واسمحلى وبعد اذن الجميع المشاركه فى الموضوع.....بقدر المستطاع

شكرا لحضراتكم جدا

[خالد أبوسعده]

اولا الموضوع جميييييييييييييييييل جدا و الله يا محمود

فكره حتفيدنا كلنا

و اسمحولى اشارك معاكوا

طبعا الخطوات تقريبا اتغطت كلها بس انا حقولها من الى انا شايفه

اول حاجة معرفه المنطقه الى حنقوم برفعها

اليوم الاول

• زياره ميدانيه مبدأيه للمنطقه بغرض الاستكشاف و معرفه العوائق و امكانيه ازالتها من عدمه
• اثناء الاستكشاف يتم اختيار لاماكن النقط الثابته ( المحطات ) و رسم كروكى مبدأى للمنطقه

بقيه الايام

• يتم تكوين فريق من 3 مساحين و عدد كافى من العمال لتغطيه الموقع واحد علي الجهاز وواحد بيرسم الكروكى وواحد بيحرك العمال بالقامات او البريزمات
• يتم رفع المنطقه بالجهاز و يتم رسم كروكى مرفق لها بواسطه احد المساحين

بعد الانتهاء من العمل الحقلى يتم تفريغ البيانات الى اجهزة الحاسب الالى

و فكرته طبعا بتقوم زى ما ايمن ما قال

نيجى بقا للاخطاء

1. اخطاء طبيعيه
2. اخطاء شخصيه
3. اخطاء اليه

الاخطاء الطبيعيه زى اشعه الشمس و الالبيدو و الضباب و الامطار و مشكله انه مينفعش تشتغل تحت المطر

الاخطاء الشخصيه و دى بتبقى علي اساس خبره المساح
زى انه ياخد اماكن نقط ثابته غلط او يقرا غلط علي الامه

او ان الى ماسك القامه او البريزم بيبقى واقف مش عادلهم فبيعمل فرق كام ميلى او كام سم

الاخطاء الاليه كلها بتدور علي الجهاز و الضبط الدائم او المؤقت

و يمكن حل مشكله الاخطاء الطبيعيه اننا نختار يوم مشمس ميكونش فيه ضباب
و اننا فتره الصباح قبل الظهر نشتغل فى طرف المنطقه الشرقى فى اتجاه الطرف الغربى بحيث ان اشعه الشمس تبقى فى ظهرنا و العكس بعد الظهر بحيث اننا نشتغل فى الجزء الغربى فى اتجاه الشرق

الاخطاء الاليه يمكن معالجتها بالمعايرة للجهاز من وقت لاخر و التاكد من تعامد محاوره علي بعضها

و الاخطاء الشخصيه ان المساح يكون عنده خبره و كفائه عاليه

[Marwa Magdy]

الله ينور عليكم يا شباب
بجد اسلوب الشرح بتاعكم مبسط جدا و يتفهم بسهوله

بس انا عايزة اعرف العواق اللى خالد بيقول عليها دى فى الزياره الميدانيه المبدأيه
ممكن تكون ايه؟
وازاى نقدر نحلها؟

[Mahmoud Slem]

شكرا ليكم جميعا يا شباب

وهما دول فعلا ابناء الرابطة

بس كان نفسى نفل كتر فى الموضوع لان الموضوع مش عباره عن رد وخلاص
دى بنعتبرا قاعة للمناقاشات
انا عارف بس ظروف الشغل وكده فربنا يقويكم
بس عايزين همة اكتر
وبالتوفيق للجميع ان شاء الله