عريس2010(موضوع للنقاش) ارجو المشاركة.......

[الورده البيضاء]

ممكن أكمل بيت الشعر دا :
ومسرح شعره على أودام
ولابس دبلة فى الابهام
وبيخش كتير الحماااام
عشان عنده اسهاااااال
من كتر اكل البتنجاااان
وشرب الدخان والبرشام
ياترى هى دى الرجدولة يا جدعان

ايه رأيك بقى
والله كل دا شعر ارتجالى
شفتوا الموهبة
ماشاء الله يابنى
ربنا يحرسك
ههههههههههه
طبعا بهذر


بس فى حاجة يا أمووول
انتى ذكرتى ناحية واحدة من الشباب
ونسيتى الشابات يا اشابة
ياترى انتى عاجبك دلوقتى حال البنات اللى فى ستك
المعظم طبعا عشان عارف ان فى بنات محترمة كتير
زيك طبعا يا آنسة أمل مش مجاملة فعلا
بس انتى عندك حق طبعا والحل بجد
ان الشباب يعود لدينه ,,,,,,,,,,,,
بس بفكر ليه كل ما الشباب يعود يرجع
طب ما برضو الشباب الضغوط عليه كتير
ودا كلام شيوخ كبار
دلوقتى فى دش وفى نت وفى بنات ماشية
فة كل شارع ولا مؤاخذة
زى ما كلنا عارفين
وبنرجع نلوم ع الشباب
طبعا أنا متأكد لو الشاب دا متربى كويش فى بيته صح
حيعرف يعف نفسه من كل دا ويتغل على كل شهواته
والشيطان كفاية انه قدر يهزم نفسه
كما قال الرسول (( عليك بنفسك التى بين جنبيك ))
بس انا عندى فى دماغى حل غريب شوية
بس ممكن يكون هو دا الحل
ان احنا ندخل فى حرب مع اسرائيل او امريكا
بجد الناس بترجع لدينها فى وقت الشدة
زى ما حصل وكنا بعاد فى 67 ورجعنا لدينا
فانتصرنا فى 73 وزى ما سمعنا
ان مفيش حالة سرقة واحدة اتسجلت اثناء فترة الحرب
والله احنا شععب عندنا دم بس مش حاسين
أعتقد ان الحرب دى حترجع حاجات كتير أوى لينا
زى الانتماء وطبعا حنرجع لدينا
طب نضرب مثال أهل غزة وقربهم لربنا
وفى التعليم
جامعة غزة المحاصرة واخدة الترتيب الثالث على جماعات العالم
فى حين ان ولا جامعة مصرية واخدة أى ترتيب
انا لله وانا اليه راجعون
عايزكم تناقشونى فى الرأي دا وتقنعونى اذا كنت صح أو غلط
وشكر جزيلا ليكم
وشكرا ليكى يا أستاذة امل
على فتحك للنقاش الجميل دا

اولا احب اشكرك جدا جدا ياكريم عالرد والمرور واسفة على تاخيرى فى الرد عليكم لان كان عندى مشكلة فى النت
انا معاك فى كل اللى بتقولو لكن احب اعلق على موضوع الحرب بعد اذنك
انت بكدة بتطالب انها تقوم حرب ومن رايك ان الحرب هى اللى هتغير الشباب
مهى حرب 73 قامت وبردو فى شباب فاسد يبقى الحرب مش حل لانها هتاخد فترة تاثيرية معينة وتنتهى بعد كدة بتعاقب الاجيال
احنا عايزين حل جذرى
واكيد اتباع سنة رسولنا الكريم علية افضل الصلاة والسلام والحفاظ على القران الكريم واتباع اوامر المولى عزوجلاسلم طريق للمسيرة الحسنة
وربنا يبارك فيك وفى جميع شباب المسلمين اجمعين

[الورده البيضاء]

مستحيل يجى اليوم ده .............

الراجل هيفضل راجل..............ومنسميش الشباب اللى مبوظين الرجولة بشباب ولا رجالة؟؟؟؟؟؟؟؟؟؟؟؟؟؟

بجد شكرا على الموضوع ده بس الرجالة لسه موجودين

وفى انتظار مواضيعك المتميزة............

ومتخلينى الملك وتكسبى فيا ثواب

هههههههه
الملك؟
ابدااااااااا
ميرسى لمرورك يامجهول
واكيد زى مابتقول فى الكويس وفى الوحش
ميرسى جدا لمرورك

[الورده البيضاء]

الاول بشكرك جدا على اثارة الموضوع دة
وعايزة اقول لكريم ان واللة انا خايفة ان احنا منفوقش غير لما نلاقى الدبابات فوق راسنا ويا عالم كمان هنفوق ولا لأ بعد الغيبوبة الفظيعة دى
بس بردة ارجع واقول ان البيت لية دور كبير ان لو كل اسرة مشيت بس على القشور اللى الرسول قالنا عليها اتفرج على العفة اللى هتكون موجودة
ما باللك لو تعمقنا فى كلام الرسول ..
وجزاك اللة خيرا على الموضوع

اكيد ياحبيبت قلبى البيت لية عامل كبير جدا فى تربية اخلاق النشىء الجديد وهو اللى بيحدد اخلاق ابناءة
الف شكر على مرورك ومشاركتك اللى نورتنى ميرسى جداااااااا

[الورده البيضاء]

انا بصراحة شايفة ان فى شباب كتيييييييير جدا زى المواصفات اللى امل قالتها بس برضه فى شباب تانية محترمين جد جدا جدا وانا شخصيا بحترمهم جدا وانا مع الاستاذ كريم فى رأيه وفعلا البنات زودتها اوى بس المحترم مفيش حاجة هتغيره وياريت كل شاب يعرف واحد من اللى بنتكلم عنهم يحاول يصلح منه ويخليه راجل بجد واحنا البنات لما نلاقى حد نعرفه من البنات يا ريت نحاول معاها يمكن ربنا يهديها على ايد وحدة منكم و اكيد لو قربنا لربنا هنكزن احسن بكتير. اسفة على الاطالة وشكرا يا امولة على الموضوع الجامد ده يا جميل

ربنا يخليكى ياقمر
وعندك حق طبعا فى الكويس وفى الوحش
وميرسى كتير على نصيحتك الجميلة
ميرسى اوى يامروة لمرورك ومشاركتك الجميلة

[الورده البيضاء]

أيمى طرحك للفكره اصلا فكره هايله
عارفه هى المشكله فى البنات والشباب
ربنا يهديهم جميعا
على فكره سهل جدا ان الشاب يلتزم ويبعد عن الذنوب بس يلتزم بصحبه صالحه ودى اهم حاااااجه
والبنت كمان طول ما جنبها على الاقل بنت محترمه ومتدينه ربنا حيبارك فيها ويحميها لانها لو جرببت تغلط صاحبتها حتكون جنبها
والاهم اكتر ان الام تصاحب بنتها والاب يصاحب ابنه وده بجد حيفرق كتير جدا

وتصحيحا بس لكلام ساره الدين مش قشور احنا ممكن نقول خطوات بسيطه
وعلى فكره كلام الرسول عليه افضل والسلام حيفيدنا فى كل حياتنا من كل الاتجاهات

ارجو مكونش طولت عليكى يا أيمى ربنا يحفظك ويبارك فيكِ

ربنا يخليكى ياحبيبتى
بجد انا سعيدة جدا بمشاركتك
وفعلا عندك حق فى كل اللى قولتية
ولو دة حصل فعلا يبقى حالات الفساد هتقل جداااااااا
جزاكى الله كل خير
الف شكر ياحبيبتى لمرورك

[اسامه البنا]

ربنا يهديهم يا رب

هل هيجى اليوم اللى يبقى علية الراجل بالمواصفات دى؟

ان شاء الله اليوم ده مش هيجي

شكرا يا امل
موضوع جميل

[الورده البيضاء]

ربنا يهديهم يا رب

هل هيجى اليوم اللى يبقى علية الراجل بالمواصفات دى؟

ان شاء الله اليوم ده مش هيجي

شكرا يا امل
موضوع جميل

اتمنى من ربنا انة ميجيش
الف شكر لحضرتك يابشمهندس عالمشاركة
ميرسى جدا

[GooD_DrSh]

موضوع فعلا يستحق النقاش .. وللاسف دا بيحصل كتير دلوقتى

بس انا شايف ان الراجل رااجل مهما حصل وف اى وقت ومافيش حاجه تغيره دا لو راجل فعلا بمعنى الكلمه ...
اما الفرافير ال بتتكلمى عنهم مايستحقوش كلمة راجل اصلا

ThanX

[Hassan Mohamed]

احنا في زمن البت هيا اللي هتيجي تتقدم للولد

[الورده البيضاء]

موضوع فعلا يستحق النقاش .. وللاسف دا بيحصل كتير دلوقتى

بس انا شايف ان الراجل رااجل مهما حصل وف اى وقت ومافيش حاجه تغيره دا لو راجل فعلا بمعنى الكلمه ...
اما الفرافير ال بتتكلمى عنهم مايستحقوش كلمة راجل اصلا

ThanX

اكيييييييييييد طبعا عندك حق لايستحقوا كلمة الرجولة
ربنا يهدى شباب المسلمين
الف شكر لمرور حضرتك