امامك 3 مواقف ودمعة واحدة فى عينيك هتعمل اية؟

**AHMED MoSTaFa** · 07-03-2009, 12:50 PM

امامك ثلاث مواقف وفي عينك دمعة واحدة

على أي موقف تسقط دمعتك وتبكي عليهاا؟؟؟؟؟؟؟

1- طفل يبحث في صندوق الزبالة عن شئ يأكله ولا يجد شيء فيبكي وأنت لا تستطيع مساعدته.

2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته.

3- تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم.

على من تسقط دمعتك
مستنية ردودكم وتفاعلكم فى الموضوع

**Mimi** · 07-03-2009, 01:06 PM

والله فكرت كتير يااحمد

هو للدرجادي الواحد مبقاش عنده دم عشان يبقى عنده دمعة واحدة بس ههههههههههههههههههه

بس في الاخر حسمت الموضوع على اول نقطة

السبب ان الانسان المظلوم اللي هيموت دا جزاؤه عظيم ان شاء الله عن ربنا في الاخرة وكدا كدا كلنا ميتين

والمرأة اللي فقدت أحد أطفالها ليها قصر في الجنة بسببه وممكن يكون شفيع لذنوبها يوم الحساب وربنا بيعوض وأكرمنا بنعمة النسان وتقدر تخلف 10 عيال بعد كدا

انما الطفل اللي مش لاقي ياكل وبيدور في أكياس القمامة دا مفيش اصعب من حاله واللي تخلي دمعتي الوحيدة دي تنزل عشان مش قادرة اساعده وبكدا هو عايش يتعذب قدامي طول الوقت

الموضوع شدني وجميل اوي .. انت بأه هتختار ايه ؟

**AHMED MoSTaFa** · 07-03-2009, 01:16 PM

انا بقى حختار ايه ؟؟

بصى يا ميمى

2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته.

عشان الطفل اكيد فى حد يساعده ومش معقول مفيش غيرى فى ناس كتير اكيد حتساعده

واما المرأه التى مات حد من عيالها فى دى جزائها عند ربنا وبعدين زى ما انتى ما قولتى ليها قصر فى الجنه

اما المظلوم دى حيعيش ايام صعبه لغايه معاد الاعدام وحتبقى اطول ايام عمره بالنسبه له

واخيرا شكرا على مرورك

**Mimi** · 07-03-2009, 01:21 PM

والله عارف كل واحد لو اختار حاجة مختلفة هيكون تفسيره منطقي جدآ ومقبول جدآ كمان

بس عارف ايه اللي مش منطقي بتاتآ

ان يكون عندنا دمعة واحدة

هههههههههههههههههههههههههههههههه

أصلآ اللي معندوش غير دمعة واحدة تفتكر هيفرق معاه المواقف دي هههههههههههههههههه

**إسلام محمد** · 07-08-2009, 01:55 PM

المشاركة الأصلية كتبت بواسطة AHMED MoSTaFa

على من تسقط دمعتك

مستنية ردودكم وتفاعلكم فى الموضوع

:eek:طب غير مستنية دى لما تيجى تنقل موضوع ولا حاجة:D

معلش عندى تعليق بسيط

الموضوع ده مكرر موجود فى القسم العام

الصراحة انا مش عارف.. معلش من غير زعل بالله عليك انا دخلت هجوم عليك كده من غير قصدى

**M A I - S K Y:::** · 07-08-2009, 04:45 PM

شكرا أوى على الموضوع..أنا فكرت لكن ملاقيتش حل غير الوضع الطبيعى فى ال 3 حالات
ازاى... بفرض انى قاعده مستنية مثلا الترام وبقرأ الجريدةالتى بها قصه الرجل المسجون .,وفجأة سمعت بكاء الطفل الجائع,وفى نفس اللحظة
حدثت حادثة سيارةلأحد أطفال المرأة..وأتى الترام.,أه وبكيت,وبكده أكون قسمت دمعتى على ال3 حالات
ده كان يوم ما يعلم بيه الا ربنا

**roma** · 07-08-2009, 05:11 PM

والله مش عارفه اعمل ايه ممكن اقسم الدمعه عليهم التلاته
فعلا الامر محير مهما كان جزاء المظلوم عند ربه وجزاء الام عند ربها فالطفل برده ليه ربه الا مش هيسيبه الا لما يرزقه
فالامر فعلا محير
انا ممكن اختار الام لان الموقف ده حصل قدامى ومش عايزه اقولكم قد ايه هو صعب جدا انك تخسر شئ كان فى ايك وبنيت عليه احلامك كلها وطموحاتك
وحياتك كلها