نكت 2009

**الدلوعة** · 07-08-2009, 01:47 AM

مرة جماعة راكبين عربية أجرة و مسافرين و السواق عمال يجري بسرعة قوي

واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
*****
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
*****
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين

اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي
الأول وسأله البحراوي:حاجه بنلبسها لونها أسود وليها رباط
فجاوب الصاعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره
الصعيدي وهو خارج همس في ودان ذميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟
رد الصاعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه
=====
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون
=====

دكتور مجانين اخد المجانين بتوعه ووداهم البحر قال يمكن حد مع جمال الطبيعة ربنا يشفيه المجانين وهما فى البحر الى بيلعب فى الراملة بالجاروف والى بيلعب بالجردل لقى واحد منهم قاعد تحت شمسية وبيبص للبحر ومش بيلعب سأله انت مش بتلعب ليه معاهم قالوا دول مجانين شوف بيعملوا ايه قال الحمد لله ربنا شفا واحد منهم قالوا انت بتبص للبحر ليه كده قالوه بتخيل لو البحر ده كله ملوخية هيكفوه عيش منين

=====
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
=====
مره واحد صعيدى قابل واحده سالها : انتى منين
قالتله: وات؟
قالها: اجدع ناس الوتاوته
=====
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
=====
واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟

احد مسطول اشترى جوز جزم جوز بني وجوز اسود ومن كتر السطل لبس فرده بني وفرده سوده ونزل قعد عالقهوة
وقعد جنب اتنين مساطيل فبص عليه واحد من المساطيل وراح قايل للي جنبه شوفت ياااض
على الطلاق اول مرره اشوف واحد حاطط رجله على رجل اللي جنبه
___
واحد عنده ديدان في بطنه
المهم راح لكل الداكتره ومفيش فايده
فواحد صاحبه قاله انا عندي حل
انت تروح للدكتور هاني بتاع العلاج الطبيعي..... فراح للدكتور هاني
فقاله الدكتور انت تجيب بطيخه وتكون كبيره وحمرا وطعمها حلو وتقطعها نصين وتقعد عليها
هتنزل دوده تدوق طعمها وهتنادي على باقي الديدان ينزلوا من بطنك
راح صاحبنا واشترى بطيخه وقطع راسها وقعد عليها فلما نزلت الدوده داقت طعم البطيخه لقاتها حلوه فنادت على الديدان الباقيين وقالت:دي طعمها حلو قوي ..طلعوها
___
واحد بيقول لمراته اقولك نكته
قالتله قول
قالها النكته فقالتله هههههه بااايخه
قالها ههههه طالق
___
مرة واحد احول سالوه ايه امنيتك في الحياه
قالهم اني اشوف واحد ماشي لوحده
___
لو كل الرجال اصبحو رجلا واحدا
وكل الاشجار اصبحت شجرة واحده
وكل البحيرات اصبحت بحيرة واحده
وكل الفؤوس اصبحت فأسا واحده
ثم جاء الرجل الواحد وامسك بالفأس الواحده
فضرب الشجرة الواحدة ضربة واحده
فوقعت الشجرة الواحده في البحيرة الواحدة
أكييييييييييييييييييد
هيحصل طرطشه كبييييروة أوي

**الدلوعة** · 07-08-2009, 01:48 AM

يا رب تعجبكم اكيد فى منكم عارف اغلبيتهم

**AHMED FTIHA** · 07-08-2009, 01:52 AM

ههههههههههههههههههه لا بس حلوين حتى لو عارفين منهم
بس خلتينا نضحك تانى
الف شكر

**الدلوعة** · 07-08-2009, 01:59 AM

شكرا ليك يا احمد وانا فرحانة انك اول واحد قراهم
وبجد نورت الموضوع

**جوليت الحب** · 07-08-2009, 11:15 PM

ههههههههههههههههههههههه لا بجد تمام اوى فى منهم معروفين بس خلتينى اضحك والله منورة يا جميله المنتدى كله بجد قشطة استمرى بقى ........... هههه
ههههههههه

**الدلوعة** · 07-08-2009, 11:35 PM

ميرسى يا جوليت على ردك الحلو دة
ونورتى الموضوع بجد

**Ma7amed Adel** · 07-09-2009, 11:46 PM

بامانه انا ما ضحكتش ما فيش نكت ضحكتنى بس الواحد كان نفسه يضحك هههههههههههههههههههههه ودى ضحكه على الماشى

**الدلوعة** · 07-10-2009, 12:01 AM

بامانة انا خايفة عليك اصل لما يكون فى ناس ضحكت وانت مضحكتش
رغم ان النكت تضحك يبقى العيب فيك
ويا ريت يا دووووووووله تطمن على نفسيتك لاحسن شكلك كدة بقيت كئيب لدرجة انك مش عارف تضحك
هههههههههههههههههههههههههه