برنامج •●• محــارة♥ قلــب •●• هديـــه من البرنامج لكل اللى شاركوا....ص 83

[Mimi]

هو ايه اللي خلص ياوايلد هو انا لحقت اخد منك الهوت شوكليت !!!!!!!!

طيب ماشي ماشي :p

يلا هاتي السؤال وانا معاكي ياقمري :):):)

[Wild_Angel]

ميمي
فى ناس هوايتهم التعليم

والعلم نور

بس انتى ايه رأيك دلوقتى ان فى ناس كتير بتدرس العلوم الدنيويه ومش بتحاول تقرأ القرءان غير فى رمضان؟؟

مع أن دراسة القرءان والتجويد والتلاوه لهم اجر كبيييير جداً
وان الانسان لو قرأ تشكيل الحروف فى القرءان غلط ممكن يأثم عليه لو غيّر معنى الكلمه

[Wild_Angel]

بعد السؤال ده بما ان واجبات الضيافه احنا معملنهاش معاكى جامد يعنى وملحقتيش تشربى ولا تاكلى
الجاتوه بالفراوله ده هديه منى ليكى


لحد ما اجى ب اخر سؤال

وطبعا ضيوفنا الكرام الكل له ايس كريم

[Mimi]

هو بصي ياوايلد أنا معترفة اني معرفش كتير في الأمور الدينية زي الفقه والشريعة ودا طبعا غلط كبير لازم كلنا نحاول نثقف نفسنا في الجانب دا

بس أنا عايزه أربطلك بين العلوم الدنيوية والدينية لأنها بالأساس مستوحاة من الدين القرآن هو مجمع كافة المجالات العلمية بمختلف مناهجها

ولذلك أنا ممكن من خلال العلوم الدنيوية اللي مثلا فيها رياضة فيزيا كيميا أكون لمست جانب طفيف بحر العلوم اللي في القرآن

بس هقولك يمكن السبب في كدا الاعلام والمناهج التعليمية بتكثف تركيزها على الجانب الدنيوي بس في الغالب يعني مثال بسيط تشوفي المناهج المدرسية تلاقي فيها دين وجنبه 7 او 8 مواد تانية علمية بحت

بس مثلا في دول زي السعودية بتدخل الشريعة والفقة والتجويد في مناهجها حتى معانا محبة ممكن تكلمنا بشكل تفصيلي عنها دا بيساعد كتير في انه يخليكي تتعلمي بدون صعوبة

بس مش عارفه والله ياوايلد دلوقتي كل واحد بيتجه للمجال اللي بيحس انه هيستوعبه اوي ومفيش مانع انه يتثقف في كل المجالات

[Mimi]

الله انتو خلتوني انشغل وكلتو الايس كريم انا معلش هاخد الجاتو والايس كريم اللي في الاخر دا اللي لوحده عشان محدش واخد باله منه :p :p

ميرسي اوي ياوايلج والله حمستيني اكتر للبرنامج فعلا برنامج لذيذ جدآ مش عشان اكل اوعي تفتكري كدا .. عشان الايس كريم بس ههههههههه

لا ميرسي اوي بجد ياحبيبتي :):)

[Wild_Angel]

ماشى يا ميمي والله انا مبسوطه انك موجوده معانا

مع انك شقيه شويتين:)

نيجى بقى
لأخر سؤال

اما كلمتك عن البرنامج يا ميمي قولتيلى حاجه جميله اوى
قولتيلى عايزه تتكلمى عن ازاى احنا من خلال تعلم لغات تانيه نقدر نوصل للناس ديننا الاسلام صح

فكنت عيزاكى تتكلمى عن النقطه دى

[Mimi]

أنا اللي مبسووووطة بيكي جدآ جدآ والله ياوايلد وبجد متوقعتش يبقى البرنامج حلو كدا

بالنسبة للنقطة اللي قولتيها انا شايفاها بجد مهمة جدآ في حياتنا لازم نعلم أولادنا اللغة لأن مرة كنت بسمع برنامج للداعية عمرو خالد

وقال ان كل عصر ليه نقاط قوة ونقاط ضعف وكل أمة بتيجي بتميزها حاجة ... احنا دلوقتي في عصرنا دا القوة لطالبي العلم

يعني العلم هو الحد الفاصل بين الناس هو سلاحنا اللي بنعيش بيه

دلوقتي مع الاعلام وتطور كل وسائل الاتصال وعلى رأسهم النت بأه كل العالم دلوقتي سهل عليه أوي يعرف كل حاجة وبالتالي بأه ديننا معرض لكتير من الهعجوم

وفي نفس الوقت بأه مصدر هدى للملايين من الناس

بس لو جيتي تبصي لأغلب الجاهلين للدين دا هتلاقيهم من دول الغرب ودا اللي بتكلم عنه اننا كل يوم بنتعرض لشبهات كتير بنحتاج نرد عليها ودا ميحصلش الا بتعلم لغتهم

وعشان كدا أكدت على ضرورة اتقان الطفل للغة من صغره عشان ميلاقيش صعوبة لما يكبر ويقدر ينشر دعوته ورسالته في كل مكان

وكتير من اهل الغرب اهتدو بالطريقة دي

يعني انا حاليا قمت بخطوة بسيطة كدا في عمل موقع بيشرح فيها معجزات القرآن بس مش عارفه ينفع أعلن عنه ولا لاء

هو لسة معمول في بداياته ولسه ان شاء الله هطوره أكتر بس عشان مبقاش بستغل البرنامج للاعلانات انا قلت اضرب مثل بس

واحنا ممكن كلنا نعمل الخطوة في اننا نتعلم أساسيات اللغة الأول

وكمان نقطة تانية مهمة اوي

نتعلم ديــــنهم .. نتعلم عقيـــدتهم

عشان تعرفي تردي عليهم لأنهم بيهاجموكي من دينك دا دليل انهم بيثقفو نفسهم بديننا

فدا ضروري اوي والله اننا نتعلم الأديان الاخرى مش بس عن ديننا ونتعلم لغة نرد بيها وندافع بيها

ونكن سبب في هداية واحد على الاقل هتكوني سبب في انك نجيتيه من جهنم

وربنا يهدي الجميع

دي كانت الفكرة بس باختصار يعني

[Wild_Angel]

ميمي انتى خدتى الايس كريم وروحتى فين؟؟

جاوبى على السؤال عشان نتناقش مع المشاهدين:)

[Mimi]

سبقتك اهو بالاجابة دا الايس كريم ساح عشان قلت أجاوب الاول

هو مفيش تاني ولا ايه :p

[Wild_Angel]

ربنا يخليكى يا ميمي ويبارك فيكى انا كنت سعيده طول فترة الاسئله معاكى
ودلوقتى النقاش مفتوح للجميع لمدة ساعه