برنامج •●• محــارة♥ قلــب •●• هديـــه من البرنامج لكل اللى شاركوا....ص 83

**AHMED FTIHA** · 08-21-2009, 07:42 PM

المشاركة الأصلية كتبت بواسطة Wild_Angel

سؤال تانى للمشرفين اللى معانا بقى عشان يفكروا فيه عقبال ما نهى تجاوب

* معظم الشباب للاسف بيحاولوا يقتلوا وقت الصيام بالنوم!! على حد قولهم والاخرون بينزلوا يشتغلوا بس حرانين طووول الوقت وتعبانين

واسهل حاجه انهم ممكن يتنرفزوا لانهم تعبانين من الصيام نصيحه صغيره ليهم كده يا شباب

فعلا ان معظم الشباب بيقضوا معظم وقتهم نوم فى رمضان
لكن انا شايف ان اللى مشغول بطاعه ربنا والصلاة و القرأن يعنى اللى بيستغل رمضان صح عمرة ما حيفكر يزود عدد ساعات النوم بل حيزود عدد الساعات اللى حيكون صاحى فيها
بس انا شايف ان الشباب اللى بيحولوا يزودا وقت النوم دول مستنيين ميعاد المغرب بسرعه يعنى سورى فى اللفظ مستنيين الاكل والشرب
وحتى الحر فى رمضان برضه اعتقد ان اللى مشغول فى العبادة ويفتكر نار جهنم مش حيبص لحاجة اسمها حر فى رمضان

ورمضان مش بييجى غير مرة واحدة بس اعتقد عيب اوى نستقبله بالنوم طول النهار
دة حتى هديه من ربنا
والرسول صلى الله عليه وسلم كان اجود مايكون فى رمضان

**Wild_Angel** · 08-21-2009, 07:23 PM

جزاكِ الله خيراً يا نهى
والله فعلا خير الكلام ما قل ودل

ربنا يبارك فيكِ وصوماً مقبولا وافطاراً شهياً

**AHMED FTIHA** · 08-21-2009, 07:27 PM

السلام عليكم ورحمه الله وبركاته
ازيكم يا شباب كل رمضان وانتم بخير وان شاء الله رمضان مقبول الاجر والثواب
اسف على التأخير

**Mohamed Hashem** · 08-21-2009, 07:28 PM

والله يا اسراء .. قتل الوقت باى شئ مفهوش اكتساب حسنات خسارة
فى رمضان وفى غيره
تخيلى واحد قال لحضرتك اتفضلى ادخلى محل الدهب ده واتفرجى واللى يعجبك .. خديه ببلاش
تدخلى حضرتك .. تتفرجى وتقعدى تتكلمى مع زميلتك شويه .. وتردى على الموبايل شويه وانتى ماشيه جوه المحل
وتطلعى من باب الخروج وما اخدتيش ولا حاجه
هو ده رمضان .. وهى دى حسنات رمضان .. ولله المثل الأعلى
أى عقل فى قتل الوقت .. أى حكمه فى تصييع نهار رمضان بمسلسلات ولا فوازير ولا نوم

**Wild_Angel** · 08-21-2009, 07:29 PM

اهلا بيك يا احمد منورنا
لا مفيش تاخير ولا حاجه

ععايزينك بس ترجع الصفحه اللى فاتت
وفى سؤال مطلوب من المشرفين يقروه

جاوبلنا عليه

**Wild_Angel** · 08-21-2009, 07:39 PM

والله تشبيه جميل يا باشمهندس هاشم
واجابتكم كلكم ممتازه

طب ننتقل بقى لسؤال تانى عشان بعد اجابتكم ناخد فاصل عشان اذان العشاء

رمضان ضيف وزائر بييجى فى السنه مره واحنا وقتها بنصوم 30 او 29 يوم

والجوع اللى بنشعر بيه للاسف بيشعر بيه 365 يوم فى السنه ناس كتير جداً ؟؟ ايه النقاط اللى ممكن تقترحوها علينا جميعاً

نقدر نقضى على شعور المساكين والفقراء بالجوع والمشقه وياريت تكون فى افكار جديده تفيدنا

**AYMAN GAMAL** · 08-21-2009, 07:49 PM

المشاركة الأصلية كتبت بواسطة Wild_Angel

رمضان ضيف وزائر بييجى فى السنه مره واحنا وقتها بنصوم 30 او 29 يوم

والجوع اللى بنشعر بيه للاسف بيشعر بيه 365 يوم فى السنه ناس كتير جداً ؟؟ ايه النقاط اللى ممكن تقترحوها علينا جميعاً

نقدر نقضى على شعور المساكين والفقراء بالجوع والمشقه وياريت تكون فى افكار جديده تفيدنا

الحل الوحيد للحكاية دي طبعا طبعا اوجدها الاسلام من قديم الازل

الزكاااااااااااة يا جماعة الزكاة

الزكاة ركن من أركان الإسلام ,قال النبي صلى الله عليه وسلم: «بني الإسلام على خمس: شهادة أن لا إله إلا الله، وأن محمداً رسول الله، وإقام الصلاة، وإيتاء الزكاة، وصوم رمضان وحج البيت الحرام».

الزكاة تطهير للمال و بتعلم التكافل و اللي من نتايجها انه محدش هيلاقي محتاج او محروم

**Wild_Angel** · 08-21-2009, 07:45 PM

اللهم صلى وسلم وبارك على سيدنا محمد وعلى اله وصحبه اجمعين

بارك الله فى شباب المسلمين

طيب معاكم سؤال فوق اهو ياريت تجاوبوه قبل اذان العشاء
يلا يا نهى جاوبى معاهم :)

عقبال ما اجيب واجبات الضيافه واجى :)

**NOHA SHABAN** · 08-21-2009, 07:46 PM

عارفة يا أسراء لو زكاة المسلمين كلها تتجمع فى مشروع كبير لتشغيل الناس الفقراء والمحتاجة القادرة على العمل أو فى عمل مشاريع مفيدة للمجتمع أما الناس اللى ما تقدرش تشتغل فعلا هى بس اللى يدفع لها فلوس نقدية
نقدر بكده نقضى على ظاهرة الفقر أو على الأقل نقلل منها

**Wild_Angel** · 08-21-2009, 07:49 PM

فكره متميزه يا نهى

فعلا بس اللى يفكر فى حكومتنا
ربنا يسهل الحال للجميع

بس هى فكره حلوه وياريت نكون مثل الصحابه
ويكون الجيل الجديد فيه حد قدوته عمر بن الخطاب يحكم البلاد ويكون عادل

الموضوع: برنامج •●• محــارة♥ قلــب •●• هديـــه من البرنامج لكل اللى شاركوا....ص 83

أدوات الموضوع

عرض

العرض المتطور

الكلمات الدلالية لهذا الموضوع

المفضلات

المفضلات

ضوابط المشاركة