برنامج •●• محــارة♥ قلــب •●• هديـــه من البرنامج لكل اللى شاركوا....ص 83

**Wild_Angel** · 07-25-2009, 12:44 AM

بصى يا أميره أنتى عندك حق بس المشكله دلوقتى بقت فى الناس
أحتمال الحلقه النهارده تكون بذره صغيره فى مجتمعنا
تغير مفاهيم كتير عند الناس
لأننا اتكلمنا عن الرحمه
والحجاب الشرعى
والظلم والمحسوبيه

بس يبقى أن كل أنسان لو أصلح من نفسه ده حيكون له عائد كبيييير جدا للمجتمع
حاسبوا انفسكم قبل أن تحاسبوا

**ميرا مار** · 07-25-2009, 12:44 AM

المشاركة الأصلية كتبت بواسطة spider girl

عارفه يا ميرا احساس ان الواحد متكتف

ومش عايز يضايق حد بس لما بيفيض بيه

بينفجر ساعتها كل الى كان كتمه بيظهر

لو ليكى موقف مع الاحساس الى قلته ده
غير الى قولتيه من شويه ياريت تقوليلى عليه
وايه رده فعل الى حصل معاهم كده؟

COLOR="Red"]

انا فعلا يا سارة حصل لى الموقف دا

انا من النوع اللى باكتم غضبى جدا
وباحاول ماتكلمش ولا ارد
غير لما افكر كتيييييييييييييييييييير كتيييييييييييييير
عشان ماغلطش
وعلى ما افكر بقى يكون ضغطى على
و مرة حصل لى مع ناس
زعلونى كتير
وغلطوا كتير
وانا ماردش واسكت
لغاية ماخرجت طاقتى كلها من غضب واستنكار لتصرفاتهم
ونقد لشخصياتهم
وصوتى على

كانت النتيجة.. انا وحشة..قالوا كدا
ماتخيلوش مها الهادية المطيعة الطيبة شايفاهم على حقيقتهم
والانسان الوحش لما بيلاقى حد شافة صح بيكرهه

واتعلمت من الموقف دا
انى ماكلفش نفسى فوق طاقتها

واتعلمت

انك على ماتعودى الناس هياخدو منك

لو عوديتهم ع التسامح هيتمادوا ويفكروه حق مكتسب ليهم
عشان كدا لازم كل شئ يبقى بحساب

وان على راى اللى قال
من ضعفى جات قوتك
فى ناس كدا لما تلاقيك انسانة متسامح وبتسكتى بيستغبوا فيها
ف نصيحتى ليك يا سارة
عبرى دايما عن اللى جواكى
حتى لو هتواجهى مشاكل
لان غير كدا بيبقى مش كويس لصحتك النفسية

تعرفى ان فى رجل دخل الجنة بس
لانه كان بينام ولا يحمل حقد فى قلبه لاحد.

[/COLOR]

**ميرا مار** · 07-25-2009, 12:45 AM

والحقد ساعات بييجى لما بنظلم انفسنا
ونحملها فوق طلقتها
وخصوصا مع ناس مش فارق معاها زعلنا
فعلى ايه بقى

**Wild_Angel** · 07-25-2009, 12:47 AM

بس فى حاجه يا ميرا عايزه أقولها قبل ما نختم
هو أن الواحد لو كظم غيظه وعفا عن الناس بيكون اجره كمان كبيييير جدا عند ربنا

على فكره الواحد لما يكظم غيظه أو يسامح حد عمره ما يبقى فى قلبه حقد أو زعل من حد

**ميرا مار** · 07-25-2009, 12:48 AM

المشاركة الأصلية كتبت بواسطة Wild_Angel

بصى يا أميره أنتى عندك حق بس المشكله دلوقتى بقت فى الناس
أحتمال الحلقه النهارده تكون بذره صغيره فى مجتمعنا
تغير مفاهيم كتير عند الناس
لأننا اتكلمنا عن الرحمه
والحجاب الشرعى
والظلم والمحسوبيه

بس يبقى أن كل أنسان لو أصلح من نفسه ده حيكون له عائد كبيييير جدا للمجتمع
حاسبوا انفسكم قبل أن تحاسبوا

عندك حق والله
لو بس نبدا مع نفسنا
طب ايه رايك.. قبل مانختم
كل اللى هنا النهاردة
كل واحد فينا يختار حاجة فى نفسة هيغيرها من النهاردة
ويقول لنا عليها
وتبقى فرصة حلوة نساعد بعض

**Wild_Angel** · 07-25-2009, 12:50 AM

أنا بجد سعيده بتواجدكم معانا

ومعلش أننا سهرناكم
أن شاء الله الحلقه الجايه تكون بدرى شويه

وأن كان فى أى تعليق على البرنامج ياريت تراسلونى على الخاص
بشكر كل اللى شرفونا بمشاهدتهم
واللى ساهموا بآراء من خلالها نقدر نصنع لؤلؤه مش لازم تخرج دلوقتتى
ممكن تاخد سنين كتير اوى عشان تنضج
لكن يكفى أننا بدأنا فى أولها

جزاكم الله خيرا
أستودعكم الله الذى لاتضيع ودائعه

**ميرا مار** · 07-25-2009, 12:51 AM

المشاركة الأصلية كتبت بواسطة Wild_Angel

بس فى حاجه يا ميرا عايزه أقولها قبل ما نختم
هو أن الواحد لو كظم غيظه وعفا عن الناس بيكون اجره كمان كبيييير جدا عند ربنا

على فكره الواحد لما يكظم غيظه أو يسامح حد عمره ما يبقى فى قلبه حقد أو زعل من حد

اه يا اسراء صح
بس مرة
اتنين
لكن نفس الشخص يغلط تكرارا
هنا بس يبقى فى وقفة

مش معقول لو حصل موقف مع حد مانعرفوش مثلا
نزعق او نتعامل بزعل
هنا ساعتها نكظم غيظنا ماشى
لكن لو حد بتتعاملى معاه يوميا مثلا
هنا ردود افعالك هتحدد طريقة دايمة فى التعامل
عشان كدا بنقول
لازم يبقى فى حدود
ونعرف امتى نسكت
وامتى نعبر عن غضبنا:o:o

**spider girl** · 07-25-2009, 12:52 AM

شكرا يا ميرا

هحط النصيحه دى

قصادى ديما

شكرا ليكى اوى وشكرا لويلد

وتسمحولى ابدا انا بالتغيير

عايزة اغير حاجه فيه

انى بتسامح كتير اوى
وده غلط فمن النهرده
كل واحد ليه خط احمر
مينفعش انه يتعداه