برنامج •●• محــارة♥ قلــب •●• هديـــه من البرنامج لكل اللى شاركوا....ص 83

**Wild_Angel** · 08-21-2009, 07:51 PM

الحمد لله على نعمة الاسلام

طيب يا أيمن عاايزينك تكتبلنا نبذه مختصره عن الزكاه

**Mohamed Hashem** · 08-21-2009, 07:55 PM

الزكاة للأسف محدش بيطلعها زى ما ربنا قال
ومن غير ما أتأكد من كده
ببساطة الألف جنيه بيطلع عليهم 25 جنيه
يعنى لو جنابك عندى 100 الف حتطلع 2500 جنيه
ولو كانوا مليون حتطلع 25 الف
ممكن تقول لى كام واحد معاه مليون .. وبيطلع الزكاة مضبوط
لو افترضنا انهم بس الف واحد فى مصر
الزكاة حتكون 25 مليون جنيه
صدقت بقى ان اغلب الناس مش بتطلع الزكاة مضبوط
احنا محتاجين التزام بجد .. والغنى يعرف حق الله فى ماله
وانه حيتحاسب على كده يوم الدين .. وفلوسه حتأخره عن دخول الجنه
وممكن تضعه فى أعلى المراتب فى الجنه وممكن ... ربنا يهدى الجميع

**Wild_Angel** · 08-21-2009, 08:00 PM

جزاك الله خيراً يا باشمهندس هاشم

والله حقيقى ده احنا ماشاء الله عندنا اغنياء كتتييييير فى مصر
يلا كل واحد منه لله

طب انا عندى اقتراح وعايزه اخد رأيكم فيه

لو كل واحد عنده على الاقل طقم هدوم يعنى قديم بس يتلبس مش متبهدل
واخده ولو فيه عيب خياطه يوديه لوالدته او اخواته البنات يصلحوه و غسله وكواه وحطه فى كيس شيك
والكلام ده برضه للبنات

وحاول يدور على اماكن يودى الهدوم فيها او لناس يعرفهم وميقدروش يجيبوا هدوم

ها ايه رأيكم؟؟

**Wild_Angel** · 08-21-2009, 08:02 PM

نأجل الاقتراح لبعد صلاة العشاء عشان الشباب اللى حتنزل تصلى العشاء و التراويح

**AHMED FTIHA** · 08-21-2009, 08:02 PM

انا شايف ان الذكاه اعظم من اى قانون اتعمل لحمايه حقوق الانسان
ربنا حمى حق الفقراء والمساكين بالذكاه
الفكرة ان الاموال جميعها اموال ربنا وربنا قسم علينا نعمه بالعدل يعنى ربنا مظلمش حد ومعنى انى مثلا فقير ان دة ظلم من ربنا ومش معنى انى غنى ان دة رضا من ربنا
يعنى ربنا قسم علينا النعم غنى وفقير بالتساوى
وعشان كدة ربنا امر الغنى انه يدى الفقير من ماله لان ربنا ادى المال دة للغنى امانه ومعنى انه تغاضى عن حق الفقير فى المال يعنى انه مصنش امانه ربنا فى المال اللى معاه
ومعلش طولت

**AYMAN GAMAL** · 08-21-2009, 08:02 PM

نبذه مختصرة عن الزكاة

الزكاة فريضة من فرائض الإسلام فهي فريضة اجتماعية تؤدّى في صورة عبادة لتطهير القلوب و الانفس

يقول تعالى "خذ من أموالهم صدقة تطهرهم و تزكيهم بها"

وسيلة تراحم و تضامن بين أفراد الأمة

و هي ضريبة الإسلام الاجتماعية التي جعلها الله حقاً في أموال الأغنياء للفقراء

الله هو صاحب المال

ليست إحساناً من المعطي و ليست تسولاً من الآخذ

تعريف الزكاة :

حصة مقدرة من المال فرضها الله عز وجل للمستحقين الذين سماهم في كتابه الكريم‏

وفي الحديث الصحيح قال صلى اللّه عليه وسلم لمعاذ حين أرسله إلى اليمن‏:‏ ‏(‏أعْلِمْهُم أن اللّه افترض عليهم في أموالهم صدقة تؤخذ من أغنيائهم وترد على فقرائهم‏.‏‏)‏ أخرجه الجماعة‏.

نراكم بعد الصلاة انشاء الله

**Wild_Angel** · 08-21-2009, 08:03 PM

فاصل اعلانى

وسنتواصل بعد صلاة العشاء والتراويح

جزاكم الله خيراً

**Wild_Angel** · 08-21-2009, 08:30 PM

فاصل أعلانى

شاهد معنا اجدد موضوعات قسم
رمضان على منتدى الرابطه

**ميرا مار** · 08-21-2009, 08:44 PM

احم احم

السلام عليكم ورحمة الله

كل عام وانتم بخيييييييييييييييييير يا اهل المنتدى

ويارب

يااااااااااااااارب نخرج من رمضان مغفور لنا والرب عنا راضى

انتم وانا وكل من يقرأ هذا الموضوع اللهم امين

**Wild_Angel** · 08-21-2009, 08:45 PM

كل عام وانتِ بخير يا ميرا

سعيده اوى انك جيتى
خليكى معانا

بعد صلاة التراويح البرنامج حيبتدى عشان نكمل معاكم

الموضوع: برنامج •●• محــارة♥ قلــب •●• هديـــه من البرنامج لكل اللى شاركوا....ص 83

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة