برنامج •●• محــارة♥ قلــب •●• هديـــه من البرنامج لكل اللى شاركوا....ص 83

**Mimi** · 08-07-2009, 11:42 PM

المشاركة الأصلية كتبت بواسطة sweet girl

ميمى يا حبيبتى انا فعلا سعيده جدا لانك كنتى ضيفه البرنامج النهارده

وعجبتنى اوى اوى ردودك على الاسئله وعجبتنى كمان فكره الهلال اوى

سؤالى ليكى يا حبيبتى سؤال واحد وخفيف كده \

ايه هو مبدئك فى الحياه او ايه هى الحكمه اللى انتى ماشيه بيها فى حياتك ؟؟؟؟؟؟؟

أنا والله الأسعد بمتابعتك ياحبيبتي بجد

بصي حبيبتي انا ماشية بمبدأ القناعة و الاخلاص في كل شئ والتعامل بصدق تام في كل حاجة في حياتنا

بالنسبة للحكم اللي ماشية بحياتي فيها كتير والله مقدرش اقولك واحدة بس خدي مثلا دي

من قنع من الدنيا باليسير هان عليه كل عسير

وبردو حكمة الأفعال أبلغ من الكلام

وفي حكمة كنت بحبها اوي اللي هيا بمعني اغضب كمان تشاء فستقول اكبر كلام تندم عليه طول حياتك

يبقى الصبر والقناعة والاخلاص في العمل والصدق

**AYMAN GAMAL** · 08-07-2009, 11:42 PM

حلقة جميلة فعلا و انا مش قادر اقولكم غير بشكركم بشدة

انا استفدت من كم الاضافات الهايلة اللي اضفتوها لينا

و ميمي النهاردة كانت متالقة و جاوبت بكل صراحة و وضوح و كانت اكتر من ممتازة

اما المذيعة فكالعادة دائما مميزة في الاسلوب الجميل اللي بتقدم بيه برنامجها

شكرا جزيلا ليكم و سؤالي بقى

ايه معنى الدنيا منغير ما يبقى فيها ناس بتحب بعض و ايه اكتر حلم ميمي بتحلم بيه و نفسها تحققه من الناحية الشخصية و من الناحية العامة؟

**Mimi** · 08-07-2009, 11:44 PM

المشاركة الأصلية كتبت بواسطة Wild_Angel

يا ميمي لسه قدامك ساعه تتناقشى مع الضيوف كل ده عشان الايس كريم؟؟:o:)

خلصى مع الضيوف وبعدين نبقى ناكله

ماشي ياوايلد انا اهو كلي آذان صاغية ههههههههههه

بس هيا الساعة معاكم بتمر ثواني :D

عشان كدا حسيت اني خلصت ههههههههه

**خالد أبوسعده** · 08-07-2009, 11:47 PM

بعد سؤال ايمن الجميل دا جاوبيلى على السؤال دا برضه

ايه اكتر حاجة مش عايزاها تحصلك و بتحلمى بانك عايشه من غير الموضوع دا ؟؟

و ايه الحاجة الى حصلتلك و كل يوم بتضايقك؟؟

**Mimi** · 08-07-2009, 11:51 PM

باشمهندس أيمـــن منور والله بجد الحلقة وانا مبسوطة جدآ بمتابعتك

سؤالك جميل جدآ والله .. أولا الدنيا متمشيش من غير ناس .. زي ما بيقولو الجنة من غير ناس ما تنداس .. ثانيا الحب .. الحياة بدأت بحب سيدنا آدم لحواء صح فلازم الحب يبقى صفة أساسية جوا قلوبنا كلنا

لان من غير حب مفيش عطاء .. مفيش مودة ... في حقد وكدب ونفاق .. من غير حب مفيش سلام .. في حروب وقتل وتدمير ... ومن غير حب بردو مفيش تضحيات .. في خيانة وغدر ... ومفيش ابداع من غير حب .. في كسل وخمووول

الحب هو أساس كل شئ في حياتنا بجد ومن غيره متمشيش الحياة

أما بالنسبة لحلمي ياأيمن متمناش يبقى حلم عشان بتمنى انه يتحقق .. على الجانب الشخصي أنجح جدآ في مجال دراستي وأكمل دراسات عليا ان شاء الله أما من الجانب العام بطمح أصمم مواقع اسلامية وأحاول أكون وسيلة لتثقيف الناس بديننا وبالثقافة العامة وبردو نفسي أبقى ناجحة جدآ في مجال الهندسة المعمارية ويارب يارب أقدر أعمل جدآ ونفسي أمل عمل خيري كبير قبل ما اموت واسيب صدقة جارية بعد مماتي نفسي والله في كدا

واسفة على الاطالة والله

**عبد الرحمن** · 08-07-2009, 11:56 PM

جزاكم الله خير جميعا
و اشكرك يا وايلد و اشكر ضيفتك ميمى على الحلقه الجميله ده
و اعجبنى الموضوع الخاص بالدعوه باللغات الاخرى
و فعلا موضوع فى غايه الاهميه لتكمله الدعوه للاسلام
و على فكره الناس ده معظمهم اذا حست بالحق بتتبعه
و الموضوع ده اصبح اللجوء اليه ملحاً لان الاسلام مشوه صورته فى الخارج عن طريقة الارهاب

وعن الضرب فى الاسلام فكان اذا ضرب الرسول صلى الله عليه وسلم ضرب بالسواك

و شكرا ليكى يا ميمى انت و وايلد

**AYMAN GAMAL** · 08-07-2009, 11:57 PM

ربنا يديكي طولة العمر يا ميمي و تحققي كل احلامك و امنياتك

فكرك ان الدنيا تستاهل اكتر من الكلام اللي قولتيه ؟ اي حد يفتكر غير كده يبقى غلطان

بحييكي جدا جدا مرة تانية و شكرا على مناقشتك الجميلة

و شهر رمضان جميل عليكي و على كل اخواتنا و حبايبنا في المنتدى

اعاده عليكم بكل خير و يمن و بركات و محبة لله

**Mimi** · 08-07-2009, 11:57 PM

المشاركة الأصلية كتبت بواسطة خالد أبوسعده

بعد سؤال ايمن الجميل دا جاوبيلى على السؤال دا برضه

ايه اكتر حاجة مش عايزاها تحصلك و بتحلمى بانك عايشه من غير الموضوع دا ؟؟

و ايه الحاجة الى حصلتلك و كل يوم بتضايقك؟؟

لا بجد منور ياخالد

:D:D:D:o:(

أكتر حاجة مش عايزاها تحصلي وبحلم اني كل يوم عايشة من غير الموضوع دا .. .. أنا نفسي مموتش على معصية و جوايا ضمير صاحي دايما لاغلاطي وأخطائي حتى لو شيطاني متمكن مني فيها بس ببقى واعياها وعارفاها وببقى نفسي مموتش عليها وانا بجاوب السؤال دا فعلا من قلبي ودياول حاجة خطرت في بالي لما قريت سؤالك

الحاجة اللي حصلتلي وكل يوم بتضايقني اممممممم هفكر في دي معلش انا بقلب في دماغي... بص ياخالد يعني هي الحاجات اللي ممكن تدايقني كل ما افتكرها هيا الحاجات اللي اكون دايقت فيها ابويا أو أمي .. دا اللي بيخلي قلبي معصور من الحزن والندم بجد مفيش شعور فوق انك تحس انك سبب زعل باباك او مامتك وربنا ما يحرمني منهم ويخليهم راضيين عني يارب

**Mimi** · 08-08-2009, 12:01 AM

المشاركة الأصلية كتبت بواسطة عبد الرحمن

جزاكم الله خير جميعا
و اشكرك يا وايلد و اشكر ضيفتك ميمى على الحلقه الجميله ده
و اعجبنى الموضوع الخاص بالدعوه باللغات الاخرى
و فعلا موضوع فى غايه الاهميه لتكمله الدعوه للاسلام
و على فكره الناس ده معظمهم اذا حست بالحق بتتبعه
و الموضوع ده اصبح اللجوء اليه ملحاً لان الاسلام مشوه صورته فى الخارج عن طريقة الارهاب

وعن الضرب فى الاسلام فكان اذا ضرب الرسول صلى الله عليه وسلم ضرب بالسواك

و شكرا ليكى يا ميمى انت و وايلد

شكرآ على كلامك ياعبد الرحمن وعلى اضافتك القيمة وفعلا في جدل عن موضوع ضرب الاطفال وضرب الزوجات بس فعلا زي ما قلت الرسول عليه افضل الصلاة والسلام في ضربه يكون بالسواك وخفيف كمان مش مؤلم ولا مبرح أبدآ

وأنا سعيدة ان عجبك نقطة الدعوة باللغات الاخرى لان على رائيك الناس دي فعلا لا تبحث عن الجدال ولكن تبحث عن الحقيقة وعندهم فعلا تقبل لاعادة التفكير والنقاش الجاد في المواضيع دي

شكرا ليك مرة تانية على متابعتك للبرنامج

**Mimi** · 08-08-2009, 12:03 AM

المشاركة الأصلية كتبت بواسطة AYMAN GAMAL

ربنا يديكي طولة العمر يا ميمي و تحققي كل احلامك و امنياتك

فكرك ان الدنيا تستاهل اكتر من الكلام اللي قولتيه ؟ اي حد يفتكر غير كده يبقى غلطان

بحييكي جدا جدا مرة تانية و شكرا على مناقشتك الجميلة

و شهر رمضان جميل عليكي و على كل اخواتنا و حبايبنا في المنتدى

اعاده عليكم بكل خير و يمن و بركات و محبة لله

بشكرك جدى ياأيمن على اهتمامك ومتابعتك وان شاء الله تحل ضيف قريبا ونستفيد كلنا من نقاشاتك الجادةوالقيمة في كل المواضيع

وكل سنة وانت طيب ان شاء الله يكون شهر مبارك وكريم عليك وعلى الاهل يارب

الموضوع: برنامج •●• محــارة♥ قلــب •●• هديـــه من البرنامج لكل اللى شاركوا....ص 83

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة