ما حكم كتابه (هههههههههه ) للنساء في المنتديات ؟؟؟؟

[AYMAN GAMAL]

جزاكم الله كل خير
اظن ان كلامى وردى مكنش فيه اى استهزاء او تجريح
انا مجرد مقتنعتش بالفكرة وطلبت المناقشة
وحضرتك المشرف العام بتقول احترام الراى والراى الاخر
وعلى فكرة رغم انى اعترضت لكن انا شكرت الموضوع والعضو اللى كتبه فى اول رد

ازيك يا سلمى

انتي على فكرة فهمتي كلامي غلط خالص لانه فيه جزء ناقص في الحكاية

حسام حذف ردود لنفسه كان فيها استهزاء بالطرف الاخر و انتي مشوفتيهاش

انا شوفتها

عشان كده بقول محدش يستهزا بالتاني و يرد رد متحضر

اما عن اسلوبك فهو نموذجي في النقاش شكرا ليكي

[حسام المصرى]

ازيك يا سلمى

انتي على فكرة فهمتي كلامي غلط خالص لانه فيه جزء ناقص في الحكاية

حسام حذف ردود لنفسه كان فيها استهزاء بالطرف الاخر و انتي مشوفتيهاش

انا شوفتها

عشان كده بقول محدش يستهزا بالتاني و يرد رد متحضر

اما عن اسلوبك فهو نموذجي في النقاش شكرا ليكي

فى ايه يا ايمن بالظبط مش الموضوع خلص
اولا انا مكنتش بستهزء
بس انا حذفت ردى
لان لا صاحبة الموضوع مقبلتش الاعتراض والمناقشة

[ساره احمد عبد الفتاح]

اسمحيلى اعترض معاكى
حكايه الحرام والحلال والفتوه دى مينفعش حد يصدرها الا اذا كان من رجال الدين

مهما كانت اجتهادات الانسان وحفظه للاحاديث والقران "وده مش كلامى ده فى القران"

وبعدين فى فى حياتنا حاجات كتيره اوى اولى اننا نتعامل معها الاول......
اكيد كل شئ كبير يبدأ بشئ صغير لكن فى اولويات

[محبة الرحمن]

ا



الحمد لله رب العالمين، والصلاة والسلام على سيدنا محمد وعلى آله وصحبه أجمعين.. وبعد:
اولا : جزي الله خير الأخت الفاضلة حفيدة امهات المسلمين
ثانيا : اسفة علي تأخيري علي التدخل في ذلك الموضوع
ثالثا : جزي الله خير الأدارة علي التدخل
رابعا: بالنسبة للأخ حسام المصري والأخت سلمي

فإن الإسلام دين يهتم بشؤون الإنسان الخاصة، كما يهتم بشؤونه العامة. ويتتبع الإرشاد والتقويم تفاصيل حياته الصغيرة، كما يوجهه في كبيرها. ويتدخل في دقائق أموره الشخصية تهذيبا وتجميلا، كما يهتم بأمور الإنسانية عموما وشمولا سواء بسواء ويقينه في ذلك أن المجتمع الفاضل أساسه الفرد الفاضل. والأمة الراقية أفرادها لا شك هم الذين أقاموها على الرقي والحضارة والازدهار.

ولذلك فقد حظي الطفل في الإسلام بحصته من الرعاية والعناية والتأديب. وأعطي الفتى ما يناسبه من التربية والتعليم، ونالت الفتاة حظها من الهداية والإرشاد والتهذيب..
وإذا أهملت نبت في تربتها أشواك الشرور والانحراف والبطالة والرذيلة فأتى النخر على البنيان من القواعد والجذور، وآذن المجتمع بالانهيار والسقوط
قال تعالى:
{يَا أَيُّهَا الَّذِينَ آَمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ (6)} *سورة التحريم*

خامسا : بالنسبة للأخت سارة هي الكلام اللي الأخت كتبته مش من اجتهادات كما ذكرتي في ردك

اسمحيلى اعترض معاكى
حكايه الحرام والحلال والفتوه دى مينفعش حد يصدرها الا اذا كان من رجال الدين

مهما كانت اجتهادات الانسان وحفظه للاحاديث والقران "وده مش كلامى ده فى القران"

وبعدين فى فى حياتنا حاجات كتيره اوى اولى اننا نتعامل معها الاول......
اكيد كل شئ كبير يبدأ بشئ صغير لكن فى اولويات

حيث ان الأخت ذكرت مصدر الفتوي من موقع الإسلام سؤال وجواب

موقع الإسلام سؤال وجواب موقع دعوي، علمي، تربوي، يهدف إلى تقديم الفتاوى والإجابات العلمية المؤصلة بشكل واف وميسر - قدر الاستطاعة – عن الأسئلة المتعلقة بالإسلام سواء كان السائل مسلماً أو غير مسلم ، ويقوم بالإشراف على هذه الإجابات الشيخ محمد صالح المنجد محاضر وكاتب إسلامي .

يرحب الموقع بالأسئلة في الجوانب المختلفة سواء ما يتعلق بالعقيدة أو العبادة أو المعاملات أو الأمور النفسية والاجتماعية .

أهداف الموقع :

1- نشر الإسلام والدعوة إليه.

2- نشر العلم الشرعي ورفع الجهل عن المسلمين.

3- تلبية حاجة الناس بتقديم الفتاوى الشرعية المؤصلة.

4- توجيه الناس في القضايا الحياتية بتقديم الاستشارات العلمية والتربوية والاجتماعية وغيرها.

منهج الموقع :

يقوم الموقع على نشر العقيدة الصحيحة عقيدة أهل السنة والجماعة ، واتباع السلف الصالح ويتحرى أن تكون الإجابات مبنية على الدليل من القرآن الكريم والسنة النبوية الصحيحة ومأخوذة من كلام العلماء من أصحاب المذاهب الأربعة الإمام أبي حنيفة ، والإمام مالك ، والإمام الشافعي ، والإمام أحمد بن حنبل وغيرهم من أهل العلم المتقدمين والمتأخرين ، أمثال الشيخ محمد بن إبراهيم آل الشيخ ، والشيخ عبد العزيز بن باز ، والشيخ محمد بن صالح العثيمين وغيرهم رحمهم الله ، وكذلك الاستعانة بفتاوى اللجنة الدائمة للإفتاء وقرارات هيئة كبار العلماء بالمملكة العربية السعودية ، وقرارات المجامع الفقهية ، وكذلك الاستعانة بالعلماء وطلبة العلم من الباحثين في التخصصات الشرعية .



ويتجنب الموقع الدخول في كل قضية لا تفيد المسلم ولا تعنيه من المهاترات والسباب والشتائم والجدل العقيم ، ونسأل الله السداد والتوفيق .

[محمد الفرارجي]

تعرفوا أنا فرحان بالموضوع ده قوي.

مش عشان الطرح بتاعه ولا عنوانه الموحي بالاستفزاز لمن يكتفي بالعنوان دون الدخول للمتن.

لكن أنا فعلا فرحان بالمشاركة والاختلاف والنقاش.
حقيقي ربنا يبارك فيكوا.

حسام
سمسم
صلي عالنبي الموضوع بسيط خالص.
وزي ما قلت لك أنا بأكون سعيد بمشاركاتك معانا.

ويا ريت يا جماعة النقاش يبقى في حدود الموضوع والرد يبقى بالدليل

شكرا ليكوا

[حسام المصرى]

اولا : جزي الله خير الأخت الفاضلة حفيدة امهات المسلمين
ثانيا : اسفة علي تأخيري علي التدخل في ذلك الموضوع
ثالثا : جزي الله خير الأدارة علي التدخل
رابعا: بالنسبة للأخ حسام المصري والأخت سلمي

بما ان جزا الله صاحبة الموضوع خيرا والادارة خيرا
وانا وسلمى لا

فاحب اقولك ان الاسلوب بيفرق فى النصيحة ودعوه الناس

انا قريت فى كتاب اسمه استمتع بحياتك اكيد كلكم عارفينه

واحد كان رايح يصلى الضهر وشاف رجل فوق نخلة فقاله
انزل وصلى يا حمار الم تسمع الاذان
فالراجل اقسم ان هو هيقتله ونزل جرى وراه فهو خبا وشه وجرى بسرعة
والرجل نزل من على النخلة وتوضا وصلى الضهر وارتاح وعاد لشغله
وقت العصر نفس الرجل ماشى وشاف نفس الرجل فوق النخلة فقاله
السلام عليكم كيف حالك التمر طيب اليوم بارك الله لك وللاولادك
اخى لقد اذن العصر وانت لم تسمعه تعالى معى لنصلى وثم ارجع لعملك
فقال له انا اتى معك بارك الله لك فى اسلوبك ولكن ذلك الحمار الذى مر عليا فى صلاه الظهر اتمنى لو رأيته
للاعلمه من الحمار

يعنى نفس الرجل بس الاسلوب

بصراحة يا جماعة
بالاسلوب ده لو حد غير مسلم شاف المناقشة دى
هيقول هما دول الملتزمين شوفوا بيكلموا الناس المعترضة على كلامهم ازاى
وجزاكم الله جميعا خيرااااااااا
وانا عن نفسى
قفلت الموضوع من ناحيتى
لان انا متأكد لو انتوا شايفين هههههه حرام
يبقى لازم تغيروا اقسام المنتدى
من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه وهذا اضعف الايمان

واعتقد ان المفروض بقى الاخوة الملتزمين يناقشوا الادارة فى اقسام كتيره
اهمهم قسم التسلية لما يحمله من سفه ولا ايه
.

[esraa marey]

بجد والله احل موضوع قراته موضوع جميل جدااااا وياريت الكل يعمل بيه وربنا يحفظنا .

[blue_sky]

موضوع في منتهى الروعة جزاك الله خيرا يا حفيدة أمهات المؤمنين ونفع بك الإسلام والمسلمين
وفي أنتظار مواضيع جديدة بأسلوبك الرائع ده
أستمري