كسول صيفاً نشط متحرك شتاءاً ....!!!!

[Marwa Mahmoud]

كسول صيفاً نشط متحرك شتاءاً

يأتى الصيف و ترتفع درجات الحرارة
و نجد بعض الناس فى مصر قد انتاباها الكسل و الخمول

قاعد ممدد على السرير أو كنبة الانتريه و مشغل المروحة
فطسان و عرقان و كل شويه تروح تشرب ميه ساقعة من التلاجة
و بعد ما تشرب بالهنا و الشفا و الرطوبة
تقتح بقك ... ااااااااااه طويلة ثم استكمال لحالة الكسل و الخمول

و يجيلك شعور بالرغبة فى الجلوس تحت دش من الماء
أو إنك تنزل تعوم فى أى مكان فيه ميه :D :D


اطلع ياد يا عيد



فى الشغل ...
الله يكون بأمانة فى عون الناس اللى شغالة تحت الشمس المباشرة
زى عساكر المرور و العاملين فى مزارع الفاكهة أو الخضار
و العاملين فى هيئة الطرق و الكبارى اللى شغالين فى رصف الطرق



الراجل منهم يروح البيت ممكن تلاقيه واقف كده قدام المروحة



بعد الغدا دا إن جاله نفس يتغدى أساساً
يحلى بالبطيخ ... بيرطب و يهضم و كله ميه
بس انسوا الأحجام العائلية دى تعدى من جنب البيت


العال يا بطيخ

الطلبة فى المدارس ... ممكن نلاقى منهم نسبة بتروح علشان تقضى الوقت و خلاص
و الكسل و الخمول يشتغل و نلاقى واحد زى الأخ ده كده



اللى مربيين قطط فى بيوتهم
هايلاقوا حتى القطط عندها كسل فى أيام الحر و فى الصيف عن الشتا


كملى نوم ياختى .. معلش أزعجناكى



المهم بنلاقى إن تأثير الحر على بعض الناس مش ولا بد
و نلاقى كسل و خمول و عدم رغبة فى العطاء فى العمل
و الحجة و المبرر " أصل الجو حر "

طيب نروح لبلد زى الصين
و هى تعتبر من أولى الدول تحقيقاً لمعدلات نمو اقتصادى كبيرة
و لغزوها دولاً عديدة بمنتجاتها و مصنوعاتها
درجة الحرارة عندهم فى الأيام دى تتراوح ما بين 37 و 40 درجة
يعنى تقريباً زينا و ناس شغالة و 100 فل و 14 و الناس هناك بتفكر
و تاخد احتياطها من الحر و تحاول تتغلب عليه و مافيش مشاكل
و شعب يعشق العمل


فى مدينة تايجين الصينية .. المواطنين يبتكرون طرقاً للتغلب على اشعة الشمس



نيجى للشتا و نقول أهه مافيش شمس ... مالناش حجة بقى
المفروض نكون أكثر نشاطاً و على أساس إن الدول الغربية التى تتمتع بجو بارد أغلب فترات العام نجد مواطنيها أكثر إنتاجاً فى عملهم و أكثر نشاطاً
هاتلاحظوا معايه ملاحظة إن دول زى ألمانيا و فرنسا و روسيا و بريطانيا و السويد و هولندا و حتى آيسلندا
أغلب دول أوروبا ذات الجو البارد جداً فى الشتاء و أغلب فترات السنة دول متقدمة صناعياً


شوفتوا النشاط باين عليهم إزاى


علمياً الطاقة المبذولة و التحرك يولد حرارة تعمل على الدفء فى الجو البارد


فى أوروبا و الدول المتقدمة .. الناس بتطلع تجرى فى عز البرد و لا تقولش لأ

عندنا حاجة لذيذة قوى بنعملها لما تكن ايدينا ساقعة فى الشتا
إننا نعمل احتكاك بين راحتى كف اليدين فـ نحس بعدها بالدفء

لكن بنلاقى ساعات مظاهر عن بعض الناس للخمول و الكسل حتى فى الشتا
... يلا قوم اصحى علشان تروح الشغل
طب سيبونى شويه يا جدعان ... ماحدش يعين البطانية من عليا
بردان يا جماعة

بعض الناس تلاقيها تحت اللحاف أو البطانية و الريموت كنترول فى ايدهم
و كسل بقى عن مزاولة الرياضة الصبح و كسل عن حل الواجب لبعض الطلبة


الناس اللى بتعانى زى حالاتى كده من الكسل عند الاستيقاظ من النوم
سواء فى الشتا أو فى الصيف و فى الشتا بأمانة بتكون أكثر



تعالوا نشوف الطرق العلمية دى للاستيقاظ بدون كسل :

1 - رؤية شكل حيوي لامع عندما تفتح عيونك سيزيدة من مستوى الأدرينالين " وتلك الطاقة المفاجئة ستساعدك على التخلص من الخمول والكسل. استعمل اللون البرتقالي أو الأحمر أو الأصفر في غرفة النوم مثلا الوسادة ، البطانية، أو لوحة فنية في أو منطقة تنظر إليها في الصباحِ

2 - رؤية باقة من الزهور عند الاستيقاظ في الصباح سيرفع من مستوى المزاج الجيد والطاقة. كما أن رائحة الزهور الجذابة ستجدد نشاطك وتجعلك أكثر حيوية وانتعاش

3 - لما يرن جرس المنبه قوم على طول و ما تستناش لما يضرب تانى
هناك حقيقة في القول المأثور " عندما تغفو فأنت تخسر" .
عندما يرن جرس المنبه في المرة الأولى يستيقظ الدماغ،
و لكن إذا ضغطت على زر المنبه المؤقت فيمكن أن تسبب الضرر لدماغك لأن المنبه سينطلق بعد بضعة دقائق فقط – أي بينما تكون قد دخلت في المراحل الأكثر راحة والأعمق للنومِ. مما يسبب الازعاج والضيق للدماغ.
لذا إذا رن جرس المنبه في المرة الأولى استيقظ
و هكذا لن تشعر بالسوء طول النهار

4 - عندما تستيقظ في الصباح أجلس على حافة السرير و تنفس بعمق
ثم تخيل كم سيكون نهارك ممتعا وكيف ستحل المشاكل وتنتهى من المواعيد.
فى الحقيقة هذا التصرف سيساعدك أكثر على التفكير المنطقى والإيجابى
فى حل المشاكل وتذكر المواعيد الهامة

5 - تناول كوب من الماء عند الاستيقاظ
يعد طريقة رائعة لتعزيز السوائل التي خسرها الجسم خلال الليل ،
و توفر الطاقة الفورية ، كل ما يحدث في جسمك يحتاج إلى الماء.
و حتى التراجع بمقدار 2 بالمائة من مخزون الماء يمكن أن يسبب تعباً وارهاقا جسديا وذهنيا.

6 - دع أشعة شمس تداعب وجهك فى الصباح ستجعلك أكثر يقظة ونشاطا ً
و تمد جسمك بالفيتامين . ضوء النهار يخبر ساعتك البيولوجية بالاستعداد واليقظة،
عبر وقف إفراز هرمون ميلاتونين ، الذي يسبب النعاس

7 - تدليك الوجه يعزز الدورة الدموية ويجعل الخلايا تستيقظ وتبدأ بالعمل.
ابدأ بالجبهة ثم الخدود والذقن ، استعمل أطراف اصابعك للضرب الخفيف
على اسفل الذقن والخدود ... هذه الحركات ستمنحك إشراقا طبيعيا وصحياً

واخيرا أذهب مبكرا للسرير ولن تجد صعوبة في النوم أو الاستيقاظ



نفسى نبقى كلنا فى نشاط على طول و اللى عنده كسل يزول
و نتعلم من دول سبقتنا ... إزاى نمحى الكسل و نحط بداله نشاط

ياترى بتحس إنك كسول فى الصيف و نشيط فى الشتا ؟
و لا كسول فى الاتنين ؟ و ليه ؟؟
و لا انت نشيط على طول و مالكش دعوة بالجو ؟

[حسناء]

والله برررررررافو عليكي يا مرمر
الموضوع جميل جدا جدا

جزاك الله كل خير

[NOHA SHABAN]

موضوع جميل يا مرمر جزاكى الله كل خير عليه وفعلا موضوع مهم أوى

[Wild_Angel]

عارفه بجدددددد موضوع يجنن وجميل أوى يا مرمورتى
أنا ببقى نفسى أقوم بدرى بس بجد بقالى كام يوم مقرره أنى اظبط ساعتى البيولوجيه
بس انا حعمل بالنصايح دى وأن شاء الله أقولك على النتيجه

على فكره حكاية أن الواحد يقوم من النوم ويحس أد أيه ان ربنا حيباركله فى اليوم وأن اليوم حيكون جميل جدا
بجدددددددددد فكره رائعه جدا

وعايزه أضيف حاجه صغنونه اددد كده (صغنونه خالص)
وهى أن الواحد مينساش أذكار الصباح والمساء ويقرأ المعوذتين وسورة الاخلاص وآية الكرسى قبل ما ينام

أه صحيح نسيت أقولك ان القطه اللى كانت نايمه زى العسل

[Marwa Mahmoud]

والله برررررررافو عليكي يا مرمر
الموضوع جميل جدا جدا
جزاك الله كل خير

شكرا ليكى يا قمر
نورنى مرورك جداا

[Marwa Mahmoud]

موضوع جميل يا مرمر جزاكى الله كل خير عليه وفعلا موضوع مهم أوى

ربنا يكرمك يا نهى

تسلمى يا حببتى على مرورك الجميل ده

[Marwa Mahmoud]

عارفه بجدددددد موضوع يجنن وجميل أوى يا مرمورتى
أنا ببقى نفسى أقوم بدرى بس بجد بقالى كام يوم مقرره أنى اظبط ساعتى البيولوجيه
بس انا حعمل بالنصايح دى وأن شاء الله أقولك على النتيجه

على فكره حكاية أن الواحد يقوم من النوم ويحس أد أيه ان ربنا حيباركله فى اليوم وأن اليوم حيكون جميل جدا
بجدددددددددد فكره رائعه جدا

وعايزه أضيف حاجه صغنونه اددد كده (صغنونه خالص)
وهى أن الواحد مينساش أذكار الصباح والمساء ويقرأ المعوذتين وسورة الاخلاص وآية الكرسى قبل ما ينام

أه صحيح نسيت أقولك ان القطه اللى كانت نايمه زى العسل

بشكرك جداااااااااا يا حبيبه قلبى على مشركتك العسل دى

ربنا يخليكى ويكرمك وطبعا إضافة جميلة جداا الاذكار جزاكى الله كل خير

صحيح القطة عجبتك هههههههههههههه هبقى اجبلك واحدة :

D :D

[alaa eid]

موضوع جمييييييييييييل جدا جدا جدا يا مرمر

تسلمي حبيبتي

[Marwa Mahmoud]

موضوع جمييييييييييييل جدا جدا جدا يا مرمر

تسلمي حبيبتي

شكرا ليكى يا لولو

نورتينى يا قمرايه

[kiky younes]

الله ينور
تسلم ايدك