اعتــــــــــــذار رسمى الى المنتدى والاداره من اجل راحة ضميرى امام الله

[احمد_فتيحة]

اولالازم اوضح حاجة وهى انى عمر ماحد زعل منى الحمد لله وانا بطبعى مش بكون راضى من جوايا انى ازعل حد
وبيكون ضميرى مش مستريح لو حسيت ان فى حد زعلان منى

انا شوفت ان الاعتزار اقل حاجة ممكن اقدمها للمنتدى اللى حسيت انه بيتى التانى بجد واللى استفدت منه كتير اوى فى حجات كتير
واللى عرفت منه على ناس كتير كويسه اوى

واكيد اى انسان فينا معرض للغلط فى مواقف حياته المختلفه واحنا انسان مش ملاك يعنى كلنا بنغلط والكمال لله وحدة
وانا شرحت موقفى والموضوع اللى ادى لغلطى بس مش عارف الادارة متقبلتش توضيحى ليه
بالرغم انى ذكرت انى غلطان

ومن المؤكد ان الاعتذار بيرفع من شأن صاحبه لانه اعتراف بغلطه اللى بيكون مش عايزة يتكرر تانى ويحاول يغيرة فى نفسه

وانا بقدم اعتذارى لأى حد زعلان منى وشايف انى غلط فى حقه
ودة بجد والله العظيم مش اقصد ان حد يزعل منى اصلا

ومتزعلش ياحسن لو كنت غلط واعتبر اخوك الصغير هو اللى غلط وارجو من ادارة المنتدى تقبل اعتذار ابن او اخ صغير لهم
لم يقصد الاساءه

ويا جماعة لو انتم مش عايزنى معاكم فى المنتدى انا مستعد اتقبل الوضع بشكل عادى وحقبله
ولكن مش عايز حد يكون شايل منى اى حاجة وحشه

وارجو تقبل الاعتزار فقط لله وليس لشيء اخر
اخوكم :احمد