رمضان عندك شكله ايه ....؟

[Horiaa Swedan]

بسم الله الرحمن الرحيم

السلام عليكم ورحمه الله وبركاته

اذكركم واذكر نفسى بذكر الله

رمضان جانا وفرحنابه بعد غيابه اهلا رمضان ... اهو جه يا ولاد اهو جه يا ولاد اهو جيه ياولا

هل هللك شهر مبارك قربت ايامك كل سنه وانتم بالف خير خلاص رمضان على الابواب وده تقريبا تانى رمضان يمر على المنتدى وعشان كده قلت اهنيكم بدرى وندعى كلنا سوى اللهم بلغنا رمضان يارب العالمين واجعله سعاده وفرحه وخير علينا اجمعين اللهم اجعله هدنا ونورا وطاعه لك وحدك يا الله

مش حوصيكم برمضان
والقرأن والصلاه
والترويح بقى والحاجات الجميله دى

وامانه عليكم الدعاء للجميع بالخير والطاعه والهدى

كلنا ندعى لبعض
ومحدش يبقى انانى ويدعى لنفسه بس

ونبدأ باول دعاء

اللهم بلغنا رمضان و اعننا على صياامه
اللهم بلغنا ليله القدر
قولوا امين

كل واحد يدخل يضيف دعوه ندعيها كلنا سوى
سبحان الله رمضان ليه لذه خاصه وفى حاجات مميزه بتميزه عن اى مناسبه
ومن اهم سمات رمضان

ا

لقران

اوصيكم بالقران يكون فى كل وقت مش شرط رمضان يا جماعه امانه عليكم لا تهجرو القران
مش بس القران وكنت عايزه اقترح عليكم اقتراح كنت ديما بعمله انا واصدقائى كنا بنقسم علينا القران ونختم كل يوم ختمه قد ايه بتكون جميله اننا نتجمع على طاعه ربنا احنا كتير لو كل واحد اخد جزء ان شاء الله نختمه واسال الله ان يرزقنا بيه ويجعله لنا نورا .

صلاه الترويح

صلاه التراويح وناس ريحين جاين وحياه 24 ساعه عباده ومساجد مفتوحه ومجالس علم اصوتها فى كل مكان شئ عظيم اننا ربنا يعنا ونصلى الترويح بلاش نفطر ونقعد نتفرج على التلفزيون اقسم بمن خلقنى كل ده حيتعاد تانى مفيش احلى من لذه صلاه الترويح وانت بتسيب ملاذات الدنيا عشان تقف بين ايدين ربنا
واوصيكم ان لا تكثرو بالفطور عشان تقدروا تصلوا يعنى كلوا نصف بطن زى مبيقولوا

الفوانيس

فوانيس رمضان من اكتر اللى بيميز الشهر الكريم وصلت 20 سنه ولسه بشترى فانوس وبغنى زى الاطفال ده شئ مش عيب فانوس رمضان رمز لايام جميله فاتت ومن اجمل مظاهر رمضان فى ايدين اطفال ريحين جاين فرحانين
ويا سلام على اغانى رمضان حلو يا حلو ووحوى يا وحوى ايوحا وكمان وحوى ايوحا
وفانوس زمان ابو شمعه طبعا اطفال دلوقتى الفانوس بتعهم بقى بيرقص كمان ههههههههههههههه

مش بس الفانوس لا والزينه كمان بالونها واشكلها
وناس وقفين قبل ليله رمضان بيعلقوا الزينا حياه المشركه والتهانى بين الناس قد ايه يا بلدنا جميله واهلك ديما فى ترابط

الكنافه والقطايف

كنت بحب اتفرج على الراجل وهو بعمل الكنافه والقطايف وعيش الصيام ولازم اكلهم من غير سوى

من اشهر اكل رمضان كنافه بالمكسرات ولا بالقشطه وجنبها قطايف مغموسه فى العسل وجنبها قمر الدين ولا خوشاف يا سلام

من ذكرياتى مع رمضان

بوجى وطمطم وبكار
اخ كنت حنسى المدفع

مدفع رمضان اللى الكل عينه عليه صوته بيفتح باب الفرج والكل لحظه الفطار فى نفس واحد يارب يضرب
كانت ايام
ده رمضان بتاعى اللى عشت فيه 20 سنه تعرف تقولى رمضان بتاعك بيكون شكله ايه

[Marwa Mahmoud]

بشكرك جداا على الموضوع الجميل ده

ربنا يخليكى يا قمر ويجزيكى كل خير

وكل عام وانتوا طيبين والأمة الإسلاميه كلها بخير

[Mimi]

ايه الموضوع الجميل دا ياريموندا

وايه الكلام والنصايح والذكريات الجميلة دي

بجد ما شاء الله قدرتي تجمعي كل حاجة في تنسيق روعة والله

وانا بحب جدآ شهر رمضان .. لانه شهر روحاني اوي وبيطهر النفوس من الذنوب

وانا زيك على فكرة بحب آكل القطايف وهيا عجينة لسة بحبها مووووت

بس ماشاء الله عليكي حبيبتي والله موضوعك جميل جدآ

وكل سنة وانتي طيبة

اللهم بلغنا رمضان

[samomran]

شكرا ليكى على الموضوع الجميل ده

و فعلا هو شهر روحانى

لكن انا حشهدك بحاجه بالله عليكى اول ما يقولوا ان رمضان بكره بتحسى بايه
كلنا بنحس بايه

نحس ان فى حاجه كانت رايحه مننا و جت
و تحسى ان قلبك كله بقى ايمان

و ان المعاصى اللى كنا بنعملها حتى لو كانت فى منتهى الصغر بيقينا مش عايزين نعملها تانى ابدا


سبحان الله فعلا

صدق رسول الله عندما قال

القلوب بين اصبعين من اصبع الرحمن يقلبهما كما شا


بجد شهر عظيم فوق ما يمكن التصور

و انا بوصيكم بالصلاه عشان الصيام يتقبل با\ن الله

و ختم القرأن مرتين او ثلاثه مرات

و الدعا لينا كلنا

[S2AH]

جزاك اللة كل خير يا ريموندا
فعلا واللة رمضان دة اجمل ايام
اللهم بلغنا رمضان
اللهم اعتق رقابنا من النار فى هذا الشهر الكريم
اللهم بلغنا ليلة القدر وتقبل اعمالنا اللهم أمين

[Horiaa Swedan]

بجد يا جماعه انا سعيده بمروركم جدا

وسعيده جدا ان الموضوع نال اعجبكم

بجد ان بحس النشوى فى قلبى بوجود رمضان

لو كان بيدى لجعلت السنه كلها رمضان

اسأل الله ان يبلغكم رمضان ويثوبكم ثواب عظيم

واشكرك اختى مروه على متبعتك المتميزه للموضيع وعلى ردك الذى يعطينى اشراقه امل لاعطاء المزيد

كما اشكرك اختى ميمى يا ريحانه المنتدى التى لطالما اعطى ردها رونق جميل للموضوع يعلم الله انى احبكم فى الله

كما اشكرك اخى اسلام على مرورك الكريم وكلماتك الرائعه

واشكرك s2ah على المرور الكريم

وياريت كل واحد يقولنا رمضان بيبقى فى ايه مميز بالنسباله

وكلنا نجاوب ع السؤال

رمضانك بيكون شكله ايه ؟؟

[alaa eid]

جزاكي الله كل خير علي الموضوع فعلا رااااائع

اللهم بلغنا رمضان و اعننا على صياامه
اللهم بلغنا ليله القدر


كل سنة وكل الامة الاسلامية بخير

[Horiaa Swedan]

جزاكى الله خير على مرورك اخت الاء

بس برضوا محدش جاوب

ده رمضانى رمضانك بيكون شكله ايه ؟؟

وفين الدعوه الحلوه؟؟