عزيزى العضو ... طير إنت .. !!

**Mohamed Hashem** · 07-31-2009, 04:32 AM

ركنت رأسى إلى حافة نافذة التاكسى وحمدت الله على أننى صدمت سيارتى قبل ذلك ببضعه أيام ليتسنى لى فى تلك اللحظة الشرود والتفكير العميق
ولا تستعجبوا فان 90% من حوادث السيارات سببها الشرود وعدم التركيز وتذكرت سيارتى التى لاتزال بين أيدى الخبير يستخدم وسائلة العتيقة البسيطة لإصلاح ما أفسده شرودى ورجعت مرة أخرى لجملة فى الأغنية : إوعى تبقى أى حد تانى إلا نفسك
ثم تنبهت .. فألقيت نظرة سريعه على الكرسى الخلفى أتفقد أطفالى قبل أن أذهب فى نوبة التأمل المقدسة وكأننى إتخذت من ذلك التاكسى معبدا صغيرا متنقلا وحمدت الله ثانية فقد إسترخى طفلاى وإبتسامات الرضا تعلو وجهيهما وآثار الضحك العميق ماتزال عالقة بهما ... وحمدت الله الثالثة أن المسافة من كارفور سيتى سنتر فى مدخل الاسكندرية وحتى بيتنا المتواضع فى سيدى بشر مسافة طويلة بتلك المركبة البطيئة التى تئن من أوزان ما تحمل ... و قررت البدء فى طقوس التأمل المعتاده
تذكرت الفيلم الذى شاهدته العام الماضى " إتش دبور " لأحمد مكى .. لقد كنت أرفض بشدة مجرد المرور على نوعية تلك الأفلام .. ولولا توسل ملاكى الجميل التى لا أستطيع أن أرى تلك النظرة فى عينيها وأرفض .. ما دخلت ذلك الفيلم .. وبمجرد خروجنا من صالة العرض .. أيقنت أن حدسى يعمل كما ينبغى فقد كان الفيلم .. لا يستحق ثمن كيس "الفيشار" الذى إلتهمته غيظا بدلا من الضغط على أسنانى
ثم كان هذا العام .. والتاريخ دائما يعيد نفسه .. نفس البطل .. نفس توقيت عرض الفيلم .. نفس الطلب : بابا عاوزه أدخل فيلم طير انت ؟ ونفس النظرة المتوسلة ونفس الإنهيار المتوقع من جانبى ..... ولكن ليست نفس النتيجة ... الفيلم هذه المرة حمل معنى بليغ جدا ....و رغم كوميديا التفصيل .. للفنان أحمد مكى .. ورغم وجود نفس الأبطال تقريبا من الفيلم الأول بإستثناء فردين فقط موهوبين ومغمورين ورغم السخرية المفرطة جدا فى الفيلم حتى طالت الفكرة الخيالية المعتادة للجنى الذى يحقق الأمنيات .. فقد أصبح تحقيق أمنيات البشر فى نظر الفيلم مشروع تخرج المارد من المدرسة
إلا أن الفيلم ساق كل تلك الوسائل بنظافة فلم نشاهد مشهدا واحدا ولو حتى لقطة سريعه خارج عن حدود اللياقة .. وإن كان الفيلم يمتلئ بالعبارات التى ستصبح قاموسا جديدا للمفردات بين الشباب
وعادت كلمات الأغنية تلف رأسى .. من منا يستطيع الرضا بما قسمه الله له .. بدون أن يدور رأسه ليجرب .. يجرب القوة المفرطة التى تختلط بقساوة القلب .. أو يجرب الثراء الفاحش الذى لابد له من الغطرسة وكبرياء خص الواحد الأحد به نفسه عز وعلا شانه .. أو يجرب الدوران حول جمال الخلقة الذى يآتى بدون جمال الخلق .. أو يجرب أو يجرب ...
من منا رضى بما قسمه الله له بدون أن يجرب ولو فى خياله
الفيلم يحكى لنا أن البطل .. جرب .. ثم عاد فأيقن أن ما هو عليه ... هو أفضل حال له ...

أحمد مكى .. كممثل تفوق على نفسه .. برغم تكرار كل شئ تقريبا .. وإن لم يرجع عن ذلك .. فقد تلاشت نجوم أعظم منه فى سماء الفن بسبب ثقوب التكرار الأسود وليس عن إسماعيل يس ببعيد
أنصحك أن تشاهد الفيلم .. وإضحك من قلبك .. وعندما تدمع عيناك . لا تنسى
إوعى تبقى أى حد تانى إلا نفسك

**Mimi** · 07-31-2009, 12:06 PM

انا مبسوطة جدآ بالكلام دا ياباشمهندس

الاول حمد لله على سلامة حضرتك

انا بحب الفيلم دا جدآ جدآ وكنت حاسة ان حضرتك هتهاجمه زي اتش دبور

فكنت ناوية أدافع عنه بس لقيت حضرتك عكست وجهة نظرك فيه ومدحت فيه

لأنه فعلا فيلم نضيف ومفيد جدآ وفكرته واضحة اوي

وانا بحب بطل الفيلم جدآ وحابة اللون دا

ميرسي لحضرتك وبنصح فعلا كل الناس تشوفه لانه جامد موت

**Wild_Angel** · 07-31-2009, 03:03 PM

جميييييل جداً نقد حضرتك البناء
وتوضيح حضرتك للفكره بصوره رائعه

أشكرك وربنا يخلي كل الملائكه الحلوين ويفرحك دوما بيهم

**Mohamed Hashem** · 07-31-2009, 03:48 PM

المشاركة الأصلية كتبت بواسطة Mimi

انا مبسوطة جدآ بالكلام دا ياباشمهندس

الاول حمد لله على سلامة حضرتك

انا بحب الفيلم دا جدآ جدآ وكنت حاسة ان حضرتك هتهاجمه زي اتش دبور

فكنت ناوية أدافع عنه بس لقيت حضرتك عكست وجهة نظرك فيه ومدحت فيه

لأنه فعلا فيلم نضيف ومفيد جدآ وفكرته واضحة اوي

وانا بحب بطل الفيلم جدآ وحابة اللون دا

ميرسي لحضرتك وبنصح فعلا كل الناس تشوفه لانه جامد موت

اشكرك ميمى على تحيتك الرقيقة
فى الحقيقة لا يصح الا الصحيح والفيلم فعلا خالف توقعاتى كما شرحت
والمفاجأة اننى لم أكن أهتم لهذا الفنان من قبل
وعلى العموم أتمنى الابتسامة للجميع وأن يعى كل منا الدرس من هذا الفيلم
وحلوة جامد موت ... على اعتبار أنه آخر تلات اربع حاجات هههههههههههه

**Mohamed Hashem** · 07-31-2009, 03:51 PM

المشاركة الأصلية كتبت بواسطة Wild_Angel

جميييييل جداً نقد حضرتك البناء

وتوضيح حضرتك للفكره بصوره رائعه

أشكرك وربنا يخلي كل الملائكه الحلوين ويفرحك دوما بيهم

اللهم آمين .. ويجزيك الله كل خير على تمنياتك الرقيقة دوا يا آنجل
أشكرك على تعليقك الراقى .. وتخيلى لم أكن يوما ناقدا فنيا
ولكن رأيت أن الفيلم أسلوب سهل وقريب من الشباب لتوصيل الفكره
وهى جديرة بالاحترام
مرة أخرى أشكرك على مشاركاتك .. منورة مواضيعى دوما

**Soma** · 07-31-2009, 04:19 PM

ميرسى كتيييييييير لحضرتك
انا مشوفتش الفيلم بس من كلامك انه فعلا فيلم كويس ان شاء الله اشوفه
جزاك الله كل خير

**sweet girl** · 07-31-2009, 04:29 PM

شكرا اوى لحضرتك

حضرتك تحدثت بطريقه جميله جداا ووضحت الفكره الموجوده فى ذهن حضرتك باسلوب رائع

انا بصراحه مشفتش الفيلم لانى مبحبش افلام احمد مكى لكن بعد كلام حضرتك ان شاء الله اشوفه

وجزاك الله كل خير

**alaa eid** · 07-31-2009, 05:47 PM

موضوع بصراحة جميييييييل جدا جدا

**Mohamed Hashem** · 07-31-2009, 07:44 PM

المشاركة الأصلية كتبت بواسطة Soma

ميرسى كتيييييييير لحضرتك

انا مشوفتش الفيلم بس من كلامك انه فعلا فيلم كويس ان شاء الله اشوفه

جزاك الله كل خير

المشاركة الأصلية كتبت بواسطة sweet girl

شكرا اوى لحضرتك

حضرتك تحدثت بطريقه جميله جداا ووضحت الفكره الموجوده فى ذهن حضرتك باسلوب رائع

انا بصراحه مشفتش الفيلم لانى مبحبش افلام احمد مكى لكن بعد كلام حضرتك ان شاء الله اشوفه

وجزاك الله كل خير

المشاركة الأصلية كتبت بواسطة alaa eid

موضوع بصراحة جميييييييل جدا جدا

شكرا جزيلا على تعليقاتكم
واتمنى لكم مشاهده ممتعه وأوقاتا سعيدة
واستفادة دائمة