مجموعة الأحاديث النبوية الصحيحة عن رسول الله صلى الله عليه وسلم

**محمد حمدى** · 11-24-2008, 01:52 AM

السلام عليكم .ازيكم يا أخوانى
نكمل مع بعض السيرة الشريفة واحداث جديدة . وأسأل الله العظيم أن ينفع بى وبكم وأن يقربكم من الرسول الأعظم حتى نستطيع سويا الدفاع عنه . عشان بجد ناس كتير لما يحصل اساءه للرسول الموضوع بيعدى عليهم عادى خالص ومفيش اى مشاكل فى البتنجان ،وكلو عند العرب صابون والحياة ماشية عادى خالص
.المهم.............
لما الرسول بقى عنده 12 سنة طلع مع عمه ابو طالب فى تجارة للشام _ لاحظو_ 12 سنة وبيشتغل يعنى ما عاش طفولة . المهم سافر مع القافلة اللى كانت رايحةالشام .......الراهب بحيرا شاف فوق القافلة سحابة بتضلل القافلة من حرارة الشمس، ففهم ان القافلة دى فيها حد مهم وضايف القافلة وسلم على القافلة واحد واحد لغاية ما شاف النبى فقال:هذا سيد العالمين وحذر ابو طالب انه يسافر معاه للشام عشان هناك يهود حيعرفوا ان ده نبى وحيقتلوه ....
طبعا ابو طالب استغرب جدا وزهل ان محمد له شأن عظيم زى ده .
حرب الفجار......
اتسمت بحرب الفجار عشان قامت فى الاشهر الحرم وكان الرسول مشارك فيها وهو عنده 15 سنه كان بيناول الاسهم لعمامه .
حلف الفضول.........
ده بقى حلف قام فى مكه لنصرة الضعيف فى دار راجل اسمع "عبد الله بن جدعان" ويا ريت يا أخوانى تركزو فى الاسامى بالله عليكم .
الرسول الأعظم شهد الحلف ده وشارك فيه
وقال صلى الله عليه وسلم: لقد سهدت فى الجاهلية حلفا ،لو دعيت له فى الاسلام لأجبت.
وده كان من احسن الحجات اللى كانت فى الجاهلية.
زواجة من خديجة.........
كان الرسول بيشتغل راعى غنم وكان حياته صعبه جدا .....
لما بلغ سن ال25 من عمره اشتغل فى مال السيدة خديجة فى الشام ،ولما شافت اسيده خديجه ان محمد صادق امين بيحافظ على مالها وهى شافت ان مالها فيه بركة اكتر من الاول ........
ركزوا بقى فى الحته اللى جاية دى ، السيدة خديجة كلمت واحدة صاحبتها عن الرسول ..

صاحبتها اسمها (نفيسة بنت منية) . المهم نفيسه راحت للرسول وعرضت عليه الأمر انه يتجوز السيدة خديجه فوافق الرسول ألا عظم فكلم عمامة ففرحوا جدا وراحوا خطبوها للرسول وتم الزواج المبارك من السيدة خديجة _رحمك الله يا اماه _ بالمناسبة كل اولاد الرسول منها الا ابراهيم .....
بناء الكعبة ومشكلة الحجر السود.....
كلنا عارفين القصة دى . ان قريش قامت ببناء الكعبة من اول وجديد عشان كانت عايزة تترمم . وكل قبيلة خصصت لنفسها جزء تبنيه.
المهم لما خلصوا بناء الكعبة اتبقى الحجر الاسود وكان حيحصل قتال على شرف وضع الحجر فاتفقوا انهم يحكموا اول واحد يخش عليهم وكان الرسول الأعظم فخلع ردائه ووضع الحجر وخلى كل رئيس قبيلة يمسك طرف ولما اقترب من موضع الحجر وضعه الرسول بيديه الشريفتين رزقنا الله رؤيته فى الجنة وتقبيل يداه وقدماه صلى الله عليك يا حبيبى يا دوائى ياشفائى يارسول الله ..
كده حياته قبل الوحى والبعثة انتهت .......
انتظرونى فى المرة الجاية ومع بداية الاثارة ونزول الناموس الأكبر جبريل عليه السلام......
لا تنسونى فى دعائكم....

**AYMAN GAMAL** · 11-24-2008, 10:48 AM

الف شكر ليك يا حمدي

ربنا يوفقك يا رب

**محمد حمدى** · 11-24-2008, 10:51 AM

ربنا يكرمك يا مون .
وبشكرك على حسن المتابعة.......

**Wild_Angel** · 11-24-2008, 07:26 PM

جزاك الله خيرا
ننتظر دائما الجزء القادم من هذه السلسله
الاسلوب جيد ولكن نتمنى تطويل الجزء ولو شويه
اللهم صلى على محمد وال محمد كما صليت على ابراهيم وال ابراهيم
وبارك على محمد وال محمد كما باركت على ابراهيم وال ابراهيم

**محمد حمدى** · 11-25-2008, 01:06 AM

ربنا يجازيكى خير يا أخت وايلد على المرور وحسن المتابعة .......
بالنسبة لتطويل الجزء انا خايف الناس تمل بس والله .. وان شاء الله حبقى اطول اكتر من كده شوية ....
ابقى ادعيلى بقى بصحبة الرسول الأعظم صلى الله عليه وسلم فى الجنة...

**Wild_Angel** · 11-25-2008, 01:12 AM

ربنا يكتبلنا جميعا نكون بصحبة الرسول ويكون فخور بأمته بأذن الله

**محمد حمدى** · 12-05-2008, 05:01 PM

السلام عليكم ..انا فى الأول بعتذر عن التأخير..
الرسول صلى الله عليه وسلم لما كان عاوز ينتحر .. طلع فوق جبل ووقف فى وسط الجبل ولما كان حينط سمع جبريل بيقوله يا محمد انا جبريل وانت رسول الله وكررها كذا مرة..
هنا الرسول فهم انه بقى رسول من رب الكون ده..
اول يوم من ايام دعوة الرسول الاعظم اسلم على ايده كده بالترتيب.
خديجة بنت خويلد .. وزيد بم حارثة .. وعلى بن ابى طالب ..وابو بكر الصديق..
بعد كده نشط ابو بكر فى الدعوة ،فأسلم على يده كبار الصحابة ..
عثمان والزبير وعبد الرحمن بن عوف وسعد بن ابى وقاص وطلحة بن عبيد الله ...
لاحظو ان دول من العشرة المبشرين بالجنة اسلمو على يد ابو بكر رضى الله عنه ..
وبعد كده اسلم بلال وابو عبيدة وابو سلمة والارقم بن ابى الارقم وعبيدة بن الحارث وسعيد بن زيد وزوجته فاطمة بنت الخطاب رضى الله عنهم اجمعين..بكرة ان شاء الله حكمل عشان المغرب اذن دلوقت ..
لا تنسونى من صالح دعائكم..

**Wild_Angel** · 12-07-2008, 03:24 PM

جزاك الله خيرا يا محمد
منتظرين القادم بأذن الله
على فكره انا اول مره اعرف موضوع الانتحار اذا سمحت يا محمد تقولى مصدر القصه حتى اقرأ هذا الجزء وهذا ليس تشكيكا ولكن لزيادة المعرفه
وشكرا جزيلا