حتي إبليس زهق من البلد

**ريحانة الزهور** · 08-14-2009, 11:25 PM

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

**S2AH** · 08-15-2009, 12:21 AM

هههههههههة
تسلم ايدك يا ريحانة واللة فعلا ابليس نفسة ما يقكر فالحاجات اللى البشر بتعملها دلوقتى
يارب اهدى كل المسلمين

جزاكى اللة كل خير

**حسناء** · 08-15-2009, 03:57 AM

الموضوع حلو اوي
تسلم ايديك يا ريحانه

**Mohamed Hashem** · 08-15-2009, 05:48 AM

ههههههههههههههه
جميييييل جدا
فكره جديدة
ابليس زهق مننا
لاحول ولا قوة الا بالله
بس الموضوع جميل فعلا

**Wild_Angel** · 08-15-2009, 11:40 PM

سبحـــــانك ياربى

فكره جديده يا ريحانه وجميله

اللهم انى اعوذ بك من شياطين الجن والأنس

**sameh gamal** · 08-15-2009, 11:42 PM

هههههههههههههههه يالهوى زهقنا ابليس لا بجد حرام قوى ده طلع غلبان هههههههههههههههههه
بجد الموضوع فكرته حلوة بس هو بيعمل تمويه انا عارف حركاته ههههههههههههه كلها قرعه
بجد مشكورة على الموضوع الفكرة جميله قووى