الحب خلاص بقى موضة قديمة

**جوليت الحب** · 04-12-2009, 01:49 AM

و أصبح الحب ....... موضة قديمة ...

الموضوع النهارده غريب جدا فعلا ممكن يكون كلنا بنشوفه خاصة انه فعلا بقى شبه وجبة تيك اواى او دليفيرى بنطلبه يجلينا حالا
حاجات غريبه فعلا بتحصل قدامى وبشوفها ويااما تصيب ويااما تخيب فعلا الحب بقى مع وقف التنفيذ لازم تنفذ شوية شروط وبعدين نحدد بقى اذا كنت هتقدر تكمل مع الى بتحبه ده ولا لاء
طبعا الموضوع ببساطه الى بيحصل بين الاولاد والبنات اليومين وده المشهور فعلا اليومين دول وبيخلقوا قصة حب من الهواء فعلا وزى ماقلت ممكن القصة دى تضرب معاك زى البورصة لااما تطلع فوق لااما تنزل وتخسر فعلا هيا بقت كده ...............
.................................................. ......................

واحد صاحبنا معاه موبيل وهوه قاعد فاضى مش وراه حاجه يمسك موبيله ويضرب رقم غريب فجأة يسمع صوت رقيق صوت جميل الو انت مين لا انت الى مين طيب ممكن نتعرف طيب انت جبت نمرتى منين طيب انت عاوز مين فجأة تلاقى الحوار بيتحول بسرعه جدا وتلاقى الاتنين بيتفقوا على انهم لازم يتقابلوا عشان يتعرفوا على بعض وفعلا يتم اللقاء ويتقابلوا وبعدها يااه انتى الى كنتى بتكلمينى فى التليفون وانت بقى الى كنت بتكلمنى فى التليفون طيب انا بحبك وانا كمان طيب وانت عرفتى حد قبلى اكيد لاء انت اول واحد فى قلبى او خلاص نسيت كل الى عشته قبلك وحياتك بقت ليا لوحدى
طبعا لو مش اتفقوا مع بعص لما المقابله تخلص يتصل بيها ويقولها على فكرة احنا هنبقى اصحاب يعنى كده كده مش هنخسر اهم حاجه نكون مع بعض
فعلا زى ماتكون صفقه وبنتفق عليها على العموم احنا مع بعض كملنا حبيبين كملنا كملنا صديقين كملنا
.................................................. ..............................
.......
الحوار ده بيدور كتير بين الشباب اليومين دول وبقى الموضوع عامل زى صفقه بيتفقوا عليها انت هتعملى ايه وانا اعملك ايه ..
اكيد انا قولت مثال واحد بس وفى امثله تانيه كتير كل الى عاوز اقوله ليه الحب الوقتى بقى بيجى من الهوى
ليه الحب وصل لدرجة انه يبقى ضربة حظ !
ممكن نسمى العلاقة دى علاقة حب ممكن فعلا تحب الحب ده

انت توافق ان الحب يبقى تيك اواى او اما بورصه يطلع فوق او ينزل تحت
طب ازاى انت حبيت واحده من خلال الصوت من خلال مقابله من خلال وعد قاله لسانك ده كفايه عشان نثبت حبنا ده كفيل لااحياء حبنا
بس دى موضه والكل ماشى عليها انتشرت بصورة غريبة بكذا صورة وبكذا طريقه الكل بدأ يلعبها وكل ده ليه ؟؟
هو ده حب ؟ هو ده احساس ؟ هو ده امان ؟ هو ده وعد ؟ هوه ده صدق ؟ هوه ده تعاون ؟..ده ايه وليه كل الى بيحصل !

كل واحد يقرا الكلام دة يعلق علية ضرورى بجد

**Youssef Mostafa** · 04-12-2009, 02:01 AM

مش بيحص كتيييير ياجوليت

والدنيا دى كبيرة حتلاقى فيا الوحش وفيها الحلو وفيها الحلو اوى كمان

**جوليت الحب** · 04-12-2009, 12:25 PM

بص يا يوسف طبعا انا محترمة جدا رايك اكيد ووجهة نظرك دى بس انت اهو قولت مش كتير يعنى بيحصل وانا شايفة انة كتير بجد والله بيحصل كدا مفيش حب حقيقى وشكراعلى الاضافة بتاعتك بجد

**Ma7amed Adel** · 04-12-2009, 07:08 PM

والله انا اويدك في هذه النظرة الجميلة يا برنسيسة علشان هو عمال يا جاوح معايا فى الموضوع دى من يومين ان الحب اصبح حب مظاهر وراس مال

**samomran** · 04-12-2009, 08:07 PM

انا اؤيدك يا برنسيسه

بجد موضوع جميل اوى اوى

**Yamyam** · 04-12-2009, 08:14 PM

بس ده ما يبقاش اسمه حب

ممكن تسليه او لعب بالمشاعر

**Marwa Mahmoud** · 04-12-2009, 08:55 PM

بشكرك جدااا على الموضوع الجميل ده

تسلمى يا قمر

**جنات** · 04-12-2009, 10:42 PM

اولا بشكرك على الموضوع يا جوليت ده طبعا مش حب ابدا ااااا ده تسميه تسليه بسبب الوقت الفاضى او فراغ عاطفى وبيستغله غلط او لعب عيال المهم انه ابعد ما يكون عن الحب والاحساس