قصة فى منتهى الرومانسية

**جوليت الحب** · 04-20-2009, 03:13 PM

السلام عليكم ورحمة الله ورحمة الله وبركاته

بدون مقدمات

أتمنى أن تنال القصه إعجابكم
و نأترككم مع القصه

**** الجزء الأول ****

( فى المقهى حيث تجلس جولييت بالمقعد المقابل لروميو ، وقد أنهمكا فى لعب الشطرنج )

جولييت :كش ملك

روميو:نعم ..نعم..كش ملك دا أيه ؟

جولييت: أيدك ع العشره جنيه

روميو:أنتى هتنصبى كمان ؟

جولييت:أنا بردو اللى هنصب ولا أنت اللى مش عايز تتطلع العشره جنيه يا بخيل

روميو:الموضوع مش موضوع فلوس يا حبيبتى

جولييت:حبيبتى ، أه .. كل بعقلى حلاوه

روميو:أيه حلاوه وأيه بقلاوه ؟؟ أنتى شكلك داخله على طمع ، أنا مش هديكى قرش واحد

جولييت :خلاص يا بخيل مش عايزه منك حاجه..نادى ع الجرسون يلا

روميو:أنادى ع الجرسون ليه ؟

جولييت:عايزه أشرب شيشه

روميو:أنا ماشى بقى يا جولى أحسن أنا حاسس أنى عايز أنام

جولييت:أنا اللى هدفع

روميو:طيب أطلبى لى عصير قصب بالمره

جولييت:حاضر بس لاعبنى دور دومينو

روميو:كل ده عشان عصير القصب أمال لو قلت لك مانجه هتعملى أيه؟؟

جولييت :نعم وأنت تقدر تقول مانجه ؛ دانا كنت قتلتك

روميو:وأنا مجروئش أطلبها.. أيه رأيك بقى فى نص ساعه رومانيسيه؟

جولييت:لا .. خليها ربع ساعه بس

روميو:زى ما تحب يا قمر..يا عسل..يا جميل

جولييت:هتبدأ بكش من أولها

روميو:مين قال أنى ببكش عليكى..(فى نفسه) بصى فى المرايا وأنتى هتعرفى أنى أكبر كداب فى الدنيا.

جولييت:تعرف يا روميو أنا نفسى بجد الاعبك دور دومينو

روميو:أحنا مش قولنا رومانسيه

جولييت:وهو أنت نطقت

روميو:وحشتينى ياحبى..وحشنى صوتك والكلام الحلو بينا..وحشنى صوتك والغرام اللى فى عيونا دانا كل حاجه يا عمرى بتفكرنى بيك الو طمنى عليك ......

جولييت:هسسسس..خبرك أسود ومنيل.. انت بتغنى ولا بتنهأ..وبعدين هو أيه اللى وحشتك ده ، دانا كنت معاك امبارح من الصبح لحد الفجر وأدينى معاك أنهارده من الصبح كمان يبقى لحقت أوحشك أزاى يا نصاب يا ضلالى؟؟

روميو:أنتى ليه مصره تضيعى اللحظات الرومانسي اللى بنعيشها

جولييت:سيبك من ده كله..بقولك أيه أنت مش ناوى تيجى تقابل بابا

روميو:أقابل بابا .. ليه ؟؟؟؟؟؟؟

جولييت:أنت هتستهبل يا روميو

روميو:والله ما بستهبل.. بجد مش فاهم

جولييت:أقصد أننا نتجوز

روميو:أنا أتجوزك أنتى !؟

جولييت:نعم .. نعم .. نعم .. وهو أنت تطول يا رمه

روميو:ماهو عشان كده أنا مش عايز أتجوزك

جولييت:أزاى؟؟؟

روميو:أنا مرضاش لست الحسن والجمال أنها تتجوز الشاطر حسن

جولييت:وإذا كانت ست الحسن والجمال راضيه بنيله حسن؟

روميو (فى نفسه): ايه ده انا شكلى بتدبس ولا ايه؟

روميو: طيب أحنا مش كنا هنلعب دومينو يا جولى يا حياتى

جولييت:وبعدين يا روميو..أنت مش عايز تتجوزنى ليه؟

روميو:أنا أتمنى يا عسل لكن بصراحه أنا مش مستعد للجواز

جولييت:أزاى

روميو:دانا صايع لا شغله ولا مشغله

جولييت:مش مهم صايع صايع .. أنا موافقه

روميو (فى نفسه): لا كده انا بتدبس رسمى..

روميو: طيب هنعيش فين؟

جولييت:بيتكو واسع بلاش حجج فارغه

روميو:بصراحه بقى كده بابا عايز يجوزنى بنت واحد صاحبه

جولييت:اه..قول بقى أنك لايف على بنت من أياهم.. شفتها فين؟؟أعترف.. الأنكار مش هيفيد

روميو:والله ما شفتها..دا بابا عايز يجوزهالى عشان هى غنيه

جولييت:وهو أنا اللى فقيره؟

روميو:لا..بس هى مؤدبه وأخلاقها....

جولييت:نعم.. نعم.. نعم.. تقصد أيه بقى؟

روميو:مقصدش حاجه..هو فيه فى أخلاقك يا حبى دانتى من القهوه للبيت ومن البيت للقهوه وعمرك ما خرجتى مع واحد غيرى من يوم ما عرفتينى ، دانتى حتى عمرك ما أتأخرتى عن الساعه4 الفجر

جولييت:اصل بابا عودنى اصلى الفجر فى البيت

روميو:يا عينى ع الاخلاق..سيبك من ده كله كفايه انك يا حبى لا بتشربى شيشه ولا سجاير ولا أى حاجه تانيه خالص

جولييت:أه طبعا أنا بحب أحافظ على صحتى

روميو:أنا واثق من كده

جولييت:وبعدين يا روميو هنعمل أيه؟

روميو:ولا حاجه...ايه رأيك فى دور كومى؟

جولييت:لا دومينو

روميو:دومينو دومينو...اهى لعبه والسلام
اتمنى القصة تعجبكوا ومستنين ردودكوا على الموضوع
من روميو وجوليت الحب

**جوليت الحب** · 04-20-2009, 03:15 PM

مستنين ردودكوا على الموضوع
وان شا ءا الله فى جزء تانى للموضوع دة ويا رب يعجبكوا

**جوليت الحب** · 04-20-2009, 07:18 PM

اية يا جماعة مش لاقية بنات لية ترد على الموضوع الموضوع مش عجبكوا ولا اية
فين البنات؟
فين الرود ؟
يا ترى جوليت بقيت كدا ولالا ؟
وفعلا روميو بقى كدا ولا ؟ ولا بلاش ملناش دعوة بروميو خلينا فى جولى وبس
يلا بقى عاوزةردود كتير انا مستنية اهو ...........

**روميو الحب** · 04-20-2009, 07:22 PM

اية يا شباب انا شكلى بتدبس فى الجوازة دى حد يقولى اخلع ازاى وبعدين دى بتلاعبنى دومينو وانا مش احرف منها دى عايزة تدفعنى تمن العصير الحقوووووووونى

**جوليت الحب** · 04-20-2009, 07:29 PM

لية بقى ان شاء الله يا سي روميو
انت هتخلى بية ولا اية بقى ؟ فهمنى تعالى هنا
فهمنى يقى يا خويا ادبست ال ادبست ال والايام والسنين الى مشينها وقاعدنها على القهوة
اوام كدا تنساها
اة يا خاين يا غشاش
بس اعمل اية بحبك يا روميو
مش صح كدا القصة ولا انا غلطانة ههههههههههههه

**روميو الحب** · 04-20-2009, 07:49 PM

يا جماعة انتم فين محدش هينجدنى من الجوازة دى انا هماطل فى اللعب لغاية محد يرد بعد اذنكم بئا عندى كلمتين لجولى

جولى يا حبيبتى انا بهزر دانتى حبيبتى وعمرى وانا مش اقدر اعيش من غيرك وصورتنا مع بعض تشهد على كدة

انا هوريها للناس اهوة علشان يعرفو معنى الحب الى بجد

**جوليت الحب** · 04-20-2009, 08:54 PM

روميو حبيبى دة مقدرش استغنى عنة اكيد ولا اية يا روميو تقدر تنطق ..........؟؟؟؟؟
قول لو فى نفسك حاجة يعنى
بس المهم انا عوازة رايكوا فى الموضوع والصورة الجامدة دى يلا مستنين ردكوا اكيد

**Marwa Magdy** · 04-20-2009, 09:16 PM

هههههههههههههههههههههههههههههههه
هههههههههههههههههههههههههههههه
ايه الموضوع الجامد ده
لا بس بجد تسلم ايديكوا
انا مش قادره امسك نفسى من كتر الضحك

**جوليت الحب** · 04-20-2009, 09:19 PM

ميرسى اوووووووووووى يا ميرو على ردك الجميل دة بجد
والحمد لله اننا قدرنا نضحك شوية بس اية رايك فى الرومانسية بتاعتى انا وروميو بقى .............؟؟؟؟؟؟؟