ادخل هنا وقول رأيك في مسلسلات وبرامج رمضان

**el mosikaro** · 08-24-2009, 01:57 AM

" السلام عليكم ورحمة الله وبركاته"

الموسيقار

كما يقال الجواب بيبان من عنوانه و لمدة شهرين قبل الشهر الكريم جميع القنوات التليفزيوني منها والفضائي بيعرضوا بروموهات ومشاهد للمسلسلات والبرامج التي
ستعرض في رمضان والناس اصبح همها مش الفوانيس والياميش زي زمان بقت المسلسلات والكاميرا الخفية ومسلسلات الست كوم والضحكة العالية اللي بتنور ليالي رمضان
انا فكرت اعمل الموضوع ده عشان اضرب اكثر من عصفور بحجر بمعني:-

اولا هاتقولوا رأيكم في المسلسلات وكثرتها والبرامج ايضا الي جانب قلة البرامج الدينية
اللي هي طبيعي مكانها دلوقتي مع العلم بوجود قنوات دينية هايلة زي "الناس" مثلا
وكمان عايز اعرف رأيكم في الاعلانات بين المسلسلات والبرامج

ثانيا: عايز اعرف منكم :-

1- اجمل مسلسل ست كوم (حلقات كوميدية)
2- اجمل مسلسل تراجيدي درامي
3- اجمل برنامج كوميدي
4- اجمل اغنية تتر مسلسل
5- اجمل برنامج مأكولات
6- اجمل برنامج ديني علي قناة دينية
7- افضل مسلسل اطفال

ولماذا؟؟؟؟؟؟؟؟؟؟؟؟!!!!!!!!!!!!
هابتدي بنفسي طبعا لوتقبلوا :

اولا:- اكيد طبعا ان رمضان موسم للدراما كما اعتدنا لكن ليس علي حساب العبادة والدين فيجب ان يكون هناك اتزان "لاتبسطها كل البسط ولا تقفلها علي الاخر"
يعني مافيش مانع لو القنوات عملت برنامجين اتنين بس ديني يفكروا الناس ( اوما صلوا التراويح) زي ايام زمان وقت الحروب الاغاني الوطنية كانت بتشتغل عشان تحفز الناس
واحنا دلوقتي برده في حرب مع الشيطان ولازم نكسب ان شاء الله وارجع اقول برده
صاحب المحطة معذور الاستثمار وعمايله السودا عايز كده هو ده السوق

ثانيا:-
رأيي في مسلسلات رمضان والبرامج

1-اجمل مسلسل ست كوم كتير بس في رأيي المتواضع ( عبودة ماركة مسجلة - راجل وست ستات - كريمة كريمة )
2- اجمل مسلسل تراجيدي درامي( ونيس واحفاده - حرب الجواسيس باحب الحاجات اللي فيها جاسوسية)
3- اجمل برنامج كوميدي ( برنامج حيلهم بينهم كمان وكمان ورامز حول العالم)
4- اجمل اغنية تيتر مسلسل ( تيتر اغنية مسلسل ابن الارندلي - وتيتر مسلسل ماتخافوش)
5- اجمل برنامج مأكولات ( مافيش)
6- اجمل برنامج ديني علي قناة دينية ( برنامج قصص القرأن علي الرسالة - برنامج الدين والحياة علي قناة الحياة)

7- افضل مسلسل اطفال ( طبعا بوجي وطمطم )

لماذا ؟؟؟؟؟؟؟؟؟؟؟؟؟!!!!!!!!
1- عبودة و راجل وست ستات بحبهم عشان سامح حسين لأنه حد كوميدي بفيضان .
2- ونيس واحفاده عشان تكريم لسعاد نصر وكمان لانه مسلسل تربوي قبل ان يكون للمشاهدة والكسب.
3- حيلهم بينهم ورامز حول العالم عشان مالقتش غيرهم.
4- تيتر اغنية مسلسل ابن الارندلي عشان بحب نانسي عجرم والمزيكا والكلمات حلوة
تيتر ماتخافوش كلماته جميلة وصوت احمد سعد هايل ولايق عليه
5- مافيش عشان بابقي صايم وطبعا مش موجود
6- برنامج قصص القرأن عشان باحب القصص عموما خصوصا قصص القرن والانبياء والتراث
الدين والحياة لأن اختي بتجبرني اشوفه
7- بوجي و طمطم عشان احياء لذكريات طفولة رمضانية جميلة
مع تحياتي

الموسيقار

**AHMED FTIHA** · 08-24-2009, 02:00 AM

رمضان شهر القرأن

اعظم من كدة

**مروة على** · 08-24-2009, 02:15 AM

بوص يا موسيقار انا معاك ان الواحد ميقفلش اوى ولا يفتحها اوى بس بصراحة انا رمضان ده معرفش اى حاجة عن التليفزيون ولا عن البرامج مع انى من عشاق الحاجات دى بس بحاول ابعد وبعدين الوقت مش مكفى انا بحاول استفيد من اى وقت فاضى بقراية القران وياريت كلنا نعمل كده على فكرة ده اول رمضان ابدأ قرايه القران فيه رمضان اللى فات قريت سورة البقرة ووقفت بس ان شاء الله اكمله بقى لكن البرامج والمسلسلات معنديش اى فكرة عنهم الحمد لله وشكرا لموضوعك يا موسيقار

**AHMED FTIHA** · 08-24-2009, 02:25 AM

تمام يا مروة وعايزك تكملى ان شاء الله ربنا يبارك فيكى
بص يا موسيقار هو رمضان شهر كنز للمسلمين لانه شهر لازم نزود فيه العبادة اكتر من اى شهر مش عايزك تزعل من كلامى
يعنى الشهر دة هديه من ربنا
يعنى عايزك تبص للمعادة دى
احنا المفروض نزود طاعه ربنا فى رمضان وفى المقابل زيادة فى المسلسلات وغيرها من البرامج

انتا ممكن تعدل فى فكرة الموضوع وتخليه مثلا يتكلم عن برامج ليها قيمه بتتكلم عن حجات بجد
زى البرامج الدينيه الكتير
حتلاقى كل مواعيدها
هنـــــــــــــــــــا

**مروة على** · 08-24-2009, 02:31 AM

تمام يا مروة وعايزك تكملى ان شاء الله ربنا يبارك فيكى

بص يا موسيقار هو رمضان شهر كنز للمسلمين لانه شهر لازم نزود فيه العبادة اكتر من اى شهر مش عايزك تزعل من كلامى
يعنى الشهر دة هديه من ربنا
يعنى عايزك تبص للمعادة دى
احنا المفروض نزود طاعه ربنا فى رمضان وفى المقابل زيادة فى المسلسلات وغيرها من البرامج

انتا ممكن تعدل فى فكرة الموضوع وتخليه مثلا يتكلم عن برامج ليها قيمه بتتكلم عن حجات بجد
زى البرامج الدينيه الكتير
حتلاقى كل مواعيدها

هنـــــــــــــــــــا

ربنا يكرمك يا احمد ويا رب اخونا الموسيقار ميزعلش احنا هنا كلنا بندور على مصلحت بعض وبنشجع بعض وحاول تدور فعلا زى ما قال احمد عن برنامج دينى او مش شرط دينى اى برنامج بس يكون هادف بجد واعرضه وربنا معانا ان شاء الله وبشكرك على اهتمامك يا احمد

**el mosikaro** · 08-24-2009, 03:52 AM

الموسيقار اخي احمد واختي مروة بالعكس انا مش زعلان انا مبسوط من رأيكم وهو 100*100 صح وانا الحمد لله متدين بس مش بالدرجة اللي انتو ا بتوصفوها دي واتمني فعلا اكون كده بس يعني انا زي ماقولت مش كلها مقضيها هيصة ومسلسلات بالعكس في النهار اما برجع من برة شئ رئيسي عندي اقرأ في المصحف وبعد اذان الفجر وبأصلي التراويح وكل الفروض وطبعا صايم بس مابعملش ازيد من كده بس وبشوف برامج دينية في وسط هوجة المسلسلات
حتي باين ده علي رأيي اني نفسي المسلسلات تقل وتبقي برامج دينية او مسلسلات دينية
وانا باأوجه رسالتكم لكل الناس

ده كان مجرد رأي

وسعدت جدا برأيكم وكنت اسعد بمروركم الكريم

مع تحياتي

الموسيقار

**حسناء** · 08-24-2009, 10:52 AM

اكيد مش حعرف اقول رأي

لان انا الحمد لله دي تاني سنه متفرجش فيها علي المسلسلات في رمضان

بس اتفرجت علي برنامج أ / عمرو خالد ولقيته جميل جدا

وان شاء الله ححاول اتابع برنامج أ / مصطفي حسني وابقي اقولكم رأي

جزاك الله خير الجزاء

**سانتا مونى** · 08-24-2009, 11:37 PM

1-اجمل مسلسل ست كوم : مافيش
2-اجمل مسلسل تراجيدى درامى: مافيش
3- اجمل برنامج كوميدى: مافيش
4-اجمل اغنية تتر مسلسل : مافيش
\5-اجمل برنامج ماكولات : مافيش
6- اجملبرنامج دينى : لا ده بقى اكيد فيه : برنامج مشكاة الانوار للشيخ محمد حسان بس هو لسه مبداش لان الشيخ مريض ربنا يشفيه يارب - وبرنامج خايف عليك وده بنصحك انك تشوفه بيقول بعد السحور تقريبا - الربانيون فى رمضان وبرامج تانيه كتير وكل دول على قناة الرحمة
7- افضل مسلسل للاطفال: كرتون السيرة : برده على قناة الرحمة عالفطار

انا اصلا ياجماعة مبتفرجش على المسلسلات فى رمضان او غير رمضان الحد لله
انا بقالى سنتين الحمد لله مشفتش القنوات الفاشلة الفاضية دى
وانا بارجوك اخى انك تبطل انت كمان داء المسلاسلات على الاقل فى رمضان ودى ان شاء الله تكون بداية وممكن ده يكون اخر رمضان فى حياتك فاغتنم الهدية اللى ربنا بعتهالنا عشان نرجعله قبل فوات الاوان
وبعدين مينفعش انك تصوم بالنهار وانت شايف الدنيا حر وتقوم من النوم عشان تصلى قيام الليل وتفضل واقف تصلى التراويح وفى الاخر تتضيع ده كله عشان مسلسل او فيلم او برنامج فاضى ملوش لازمة
صح
اروك متزعلش من كلامى ده
انا بتكلم لمصلحتك
معلش طولت عليك
تقبل مرورى

**S2AH** · 08-25-2009, 12:06 AM

امتى اتفرجت عل دة كلة ؟؟؟؟
دة انا يا دوب اللى بتفرج عليهم وقت الفطار على قناة الرحمة
كرتون السيرة النبوية وبعدة برنامج لماذا محمد ؟؟؟للشيخ حازم شومان واللى لازم لما تشوفو تبكى لوحدك ومن غير ما تحس
بجد بدعى كل اللى فالمنتدى يتابعو البرنامج دة وهم بيفطرو هيعرفو قد اية سيدنا محمد عانى كتيييييييير عشان انا وانت وكل واحد فينا النار متمسهوش وان ربنا يرضى عنا وقد اية انة كان مشتاق لرؤيتنا واحنا الله اعلم مشتاقين ولا لاء؟؟؟؟

الموضوع: ادخل هنا وقول رأيك في مسلسلات وبرامج رمضان

أدوات الموضوع

عرض

ادخل هنا وقول رأيك في مسلسلات وبرامج رمضان

بالعكس انا مش زعلان

الكلمات الدلالية لهذا الموضوع

المفضلات

المفضلات

ضوابط المشاركة