ازى تخلى الولد يحبك

[zoro313]

أولا : الولد بيحب البنت الرقيقة
-------------------------

رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى عليه
الليلة .


ثانيا الولد بيحب البنت الرومانسية
-------------------------

سبلى له .
اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .


ثالثا : الولد بيحب البنت المؤدبه
---------------------------

قولى له انه اول واحد فى حياتك حتى لو كنتى لفيتى على ولاد البلد كلها
و لو عارف و متأكد انه كان لك علاقات كثيرة مثله
:دى كلها اشاعات ده هما اللى كانوا معجبين بيا لكن انا ولا سألت فيهم
كلهم

رابعا : الولد بيحب البنت الاستايل style
------------------------------------

كل ما تشوفى حاجه جديدة قلديها . يقولوا الموضه الشعر الاصفر ..
اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى
يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و
قلديها .. خليكى نسخة منها .


خامسا :الولد بيحب البنت الدلوعة

---------------------------

ادلعى ياختى انتى و هى . ما تبقوش مسترجلين نفسكو كده .

سادسا : الولد بيحب البنت الجذابه اللى بتكون محور اهتمام الآخرين
---------------------------

فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك
و جمالك .

سابعا : الولد بيحب البنت اللى بتحسسه برجولته و تحسسه
بنفسه
---------------------------

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول
مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
---------------------------

كل شويه كلميه فى التليفون بأى حجة
. قابليه فى كل حته يروحها . إعملى عليه كماشة . بحيث مايعرفش يفلفص
منك و لا يشوفش غيرك ادامه . روحى له الشغل
اكبسى عليه مع السكرتيره .


تاسعا عددى مواهبك
---------------------------

اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده .
وبلون البيض المسلوق .

عاشرا رغم حبك الشديد للحريه والانطلاق
---------------------------

قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيـــــــــــجــة
لو الولد وقع فى دباديبك و قال عاوز يرتبط بيكى : اوعى تقولى ايوه !
لااااا .. اتقلى شوية . اعملى نفسك بتفكرى .. سهريه .. لوعيه ..
بهدليه .. لكن ماتتقليش العيار ليطير منك .
لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك فى قراءه الموضوع .

[سلمي جمال]

صرحة موضوع تستاهل علية ربع جنية عيدية

كل سنة وانت طيب

[zoro313]

ههههههههههه
طب ارفعيه على المنتدى وانا اعمله كوبى
كل سنة وانتى طيبة

[spider girl]

ههههههههههههههههه
بس فى حاجه بسيطه بمناسبه الدلع هوه فيه بنت تدخل قسم الجغرافيا وما تنساش الدلع وتتحول لعتريس او مرسى
ههههههههه
تسلم ايدك

[Marwa Magdy]

انا لاحظت ان شباب المنتدى كلة اخدين فكرة وحشة اوىىىىىىىىىى
ىىىىىىىىىىىىىىىىىىىىىىىىىىىىىىىىىىى
عن البنات له كدة؟
ممكن البنات اللى انتم تعرفوها كدة بس مش كلهم
وكل سنة وانت طيب يا زورو

[zoro313]

ههههههههههههههههه
بس فى حاجه بسيطه بمناسبه الدلع هوه فيه بنت تدخل قسم الجغرافيا وما تنساش الدلع وتتحول لعتريس او مرسى
ههههههههه
تسلم ايدك

والله عندك حق الى مفيش بنت يطلق عليها لقب بنت فى القسم
انا كده بلعب فى عداد عمرى
هههههههههههههههههههه

[zoro313]

انا لاحظت ان شباب المنتدى كلة اخدين فكرة وحشة اوىىىىىىىىىى
ىىىىىىىىىىىىىىىىىىىىىىىىىىىىىىىىىىى
عن البنات له كدة؟
ممكن البنات اللى انتم تعرفوها كدة بس مش كلهم
وكل سنة وانت طيب يا زورو

والله بلاش نتكلم احسن ههههههههههههه
لالا على فكره احنا معانا بنات زى القمر فى القسم ةالله بس النفس ههههههههههه

كل سنة وانتى طيبة

[Marwa Magdy]

اكيد طبعا بتلعب فى عداد عمرك
لأن كدة بنات القسم كلة حيقوموا عليك

[spider girl]

ههههههههههههه
ربنا معاك يا حليم هتموت النهرضه
ههههههههههههههههه

[zoro313]

ههههههههههههههههههه
ابقى خلى بالكم من المنتدى بعدى
ههههههههههههه