مش عارف اقول ايه؟؟؟

**free eagle** · 05-09-2009, 08:25 PM

عايز اقول حاجات يامة حاجات المانى جدا
وهى ان خلاص قربت نهاية كل حاجة حلوة كانت بتحصل ليا ف الكلية
خلاص احلى صحاب مش هنتقابل تانى غير كل فين وفين
مش متخيل ازاى الواحد هيكمل حياته بعد منتفرق
مش عارف والله خلاص كدة السنين كلها فاتت بسرعة

الواحد صعبان عليه ان في ناس معرفهاش غير متاخر وطلعت ناس كويسة جدا
والواحد كان نفسه يقعد معاهم وقت اكتر من كدة بس نعمل ايه بقي

مش عارف بقي
معلش يا جماعة انا اسف والله انى شيلتكم هم الواحد شايله
ممكن انتم لسه مش هتحسوا دلوقتى بس معلش بقي سامحونى

**semsema** · 05-09-2009, 08:36 PM

يسري حرام عليك
احنا بنحاول نتعايش مع الحاضر المؤلم ومش ناقصين الم
ادينى امل فى الحياة
على فكرة
اللى عايز يفضل يشوف اصحابة هيفضل يشوفهم
كل واحد بيختار رغباتة وبيكون قدار يحققها
بس هو اللى بيختار الاصرار على الرغبة ولا الهروب والكسل

بالنسبة لى انا هبتدى اخد نمر كل الناس اللى مش معايا نمرها علشان اشوفهم بعد كدة
وانتم كمان ابتدم خدم خطوة ايجابية للموضوع دا علشان نعرف نحافظ على بعض
وانت يا يسري فكها شوية هنفضل سوا كلنا ان شاء الله

**free eagle** · 05-09-2009, 08:38 PM

ربنا يكرم يا سمسمة
تسلمى على التعليق دة
يعنى ادتينى امل

**الورده البيضاء** · 05-23-2009, 08:01 AM

عيب عليك يايسرى تقول كدة وانا موجودة
دانا امل
فعلا زى ماسمسمة بتقول لو عايز تشوف صحابك اكيد حتقدر تشوفهم وقت مانت عايز وياسيدى اما تخلص كلية مفيههاش حاجة لو خطفت رجلك للجمع شوية كدة وحتشوف صحابك وتهزر معاهم وتبقى زى ايام الكلية كمان ويمكن تتعرف على ناس بعد الدراسة تنسيك كل دة
ربنا يوفقك

**free eagle** · 05-24-2009, 12:54 AM

المشاركة الأصلية كتبت بواسطة زمان كان فى حب

عيب عليك يايسرى تقول كدة وانا موجودة
دانا امل
فعلا زى ماسمسمة بتقول لو عايز تشوف صحابك اكيد حتقدر تشوفهم وقت مانت عايز وياسيدى اما تخلص كلية مفيههاش حاجة لو خطفت رجلك للجمع شوية كدة وحتشوف صحابك وتهزر معاهم وتبقى زى ايام الكلية كمان ويمكن تتعرف على ناس بعد الدراسة تنسيك كل دة
ربنا يوفقك

يا امل محدش يقدر يعوضنى عن اصحابي دول عشرة 5 سنين
وبعدين دول اغلبيتهم بنات هجيبهم ازاى
وهقعد معاهم ازاى
بجد ربنا يصبرنى يامة جدا

شكرا ليكى يا ايمى على المجاملة اللطيفة دى