هو ايه اللى بيحصل فى بوابة المجمع ؟؟؟؟ حد عــــارف ؟؟؟؟؟

**KAREEM** · 03-09-2010, 12:36 AM

سلامو عليكو

عاملين ايه ؟؟؟
رحتو الكلية النهاردة ؟؟
شفتو ايه اللى بيحصل فى البوابة ؟
خدتوا بالكو من المناظر دى قبل كدا ؟؟؟؟؟؟؟

اللى عرفته من أحد المواقع على النت إن فى تطوير هيحصل للبوابة ودا خصوصا بعد تولى السيدة / هند حنفي رئيسا لجامعة الأسكندرية ووفق مخطط لتطوير بوابات الجامعة كلها
هذا وقد بدأ عمليا العمل بالكارنية الجديد في بعض الكليات ولكن ظلت البوابه كما هي بدون تغيير مثل كلية الهندسة

فاهمين العملية ماشية ازاى ؟
يعنى هيتم عمل بوابات المجمع كله بار كود زى المترو وزى مكتبة الاسكندرية كدا ونخش بكارنيه زى دا كدا

ويتوقع بدأ العمل بالبوابات الجديدة من الترم الأول للعام الجامعي 2010 / 2011 والكارنيهات الجديدة بالمجمع النظري بعد تغير الخمس بوابات للمجمع (كلية حقوق - كلية آداب - كلية التربية - بوابتين لكلية التجارة ) .

وبالفعل لو نلاحظ هو بدأ العمل من بوابة كلية تجارة كبداية وبقيت البوابات هيتعمل فيها نفس الكلام ولما يتم الانتهاء من جميع البوابات احتمال كبير تبدأ السنة الجاية ان شاء الله

جميل جدا الكلام دا وكويس ان هيكون فى تطوير
بس الى هيجننى بقى
ان الاصلاحات دى من ساعة ما دخلت الكلية فى 2008 وقبل ما اخش ولغاية دلوقتى اعمال الاصلاح دى شغالة مبتطبلش
اومال هتخلص امتى ؟؟؟؟؟
لأ بقى واللى يجنك أكتر بقى
ان الاصلاحات دى مبتتمش الا مع ايام الدراسة وأثناء المحاضرات شغالة ولا كأننا فى دار علم والمفروض هدوء ونركز عشان نتلعم
وتسمع الدوشة دى بتزداد مع ازدياد صعوبة المحاضرات وتلاقى الصاروخ بتاع الحديد شغال من هنا والشواكيش بتدق من هنا
وكأن الناس دى بتزود الدوشة مع ازدياد الضغط فى المحاضرات :evil:

اذا هى علاقة طردية :downloading:
والمطلوب مننا اننا نركز ونفهم فى المحاضرة كويس

يجى يرد عليا واحد فقييييييق اوى ويقوللى :
يانبى افههههههههههم
اصلهم بيستنوا لما بيلمو المصاريف عشان يعملوا الكلام دا كله ... اااااااه اومال انت بتحسب اييييييييه !!!!!

دا اللى عرفته وحبيت أعرفه لكم عشان نبقى موجودين فى الصورة بردو مع بعض

وتحيــــــــــــــا مصـــــــــــــــر

**MUHAMED SAMY** · 03-09-2010, 01:22 AM

هى من مميزات الدولة البطئ الشديد
نفسى استخدم البوابات دى قبل ما أخلص

**Mohamed Hashem** · 03-09-2010, 01:34 AM

والله يا كيمو .. الموضوع ده مسيطر على حياتنا كلها
تراخى شدييييييييييييد فى انجاز اى اعمال
الله يصبركم ويوفقكم جميعا
تحياتى لك

**MUHAMED SAMY** · 03-09-2010, 01:38 AM

معلش يا كيمو سؤال مينفعش ندخل من اى بوابة..ولا لازم نلف

**حسام المصرى** · 03-09-2010, 01:49 AM

بص يا كريم

انا هقولك

هى الفكره

ان مشروع بوابة المجمع ده يا سيدى

كانوا بيجمعوا تواقيع اللى بتأيد المشروع من ايام الملك خوفو

ولسه مخلصين من سنتين

تخيل الموافقة على المشروع اخدت الوقت ده كله
ما بالك التنفيذ

يا كريم
اصحى

انت فى مصر

**KAREEM** · 03-09-2010, 02:34 AM

المشاركة الأصلية كتبت بواسطة Mohamed Hashem

والله يا كيمو .. الموضوع ده مسيطر على حياتنا كلها
تراخى شدييييييييييييد فى انجاز اى اعمال
الله يصبركم ويوفقكم جميعا
تحياتى لك

دا النهاردة يوم المنى
وحشنى رد حضرتك على مواضيعى
ياباشمهندس والله
نووووووووورت التوبيك

**KAREEM** · 03-09-2010, 02:37 AM

المشاركة الأصلية كتبت بواسطة MUHAMED SAMY

هى من مميزات الدولة البطئ الشديد
نفسى استخدم البوابات دى قبل ما أخلص

هههههههههههههههههه
متخفش مش حيحصل
ولو كدا دبلر سنة مش مشكلة
:1::1::1::1:

المشاركة الأصلية كتبت بواسطة MUHAMED SAMY

معلش يا كيمو سؤال مينفعش ندخل من اى بوابة..ولا لازم نلف

شايفنى عميد الكلية يا اخويا
أسئلهم هما بالله عليك
احسن الموضوع دا كمان هيشلنى
عشان اروح اصور ورقة بلف سور المجمع كله
ربنا يهدى ياين عم سامى

**KAREEM** · 03-09-2010, 02:39 AM

المشاركة الأصلية كتبت بواسطة حسام المصرى

بص يا كريم

انا هقولك

هى الفكره

ان مشروع بوابة المجمع ده يا سيدى

كانوا بيجمعوا تواقيع اللى بتأيد المشروع من ايام الملك خوفو

ولسه مخلصين من سنتين

تخيل الموافقة على المشروع اخدت الوقت ده كله
ما بالك التنفيذ

يا كريم
اصحى

انت فى مصر

يعنى ايييييييه ؟؟؟
يعنى اشغل الاغنية واقعد
اسمع فيها لحد ما اليأس تزيد
ولا افضل اقول زى تامر حسنى
انا مش عارف اتغير مش عارف اتغير
لالالالالالالالالالا
أبدأ بنفسى وأبقى ايجابى
وسيب االباقى على الله

منوووووور ياسحس والله
وياريت متحرمناش من طلتك البهية