علي القهوه ( الحلقه الحاديه عشر حتشتري الساعة )

[سلمي جمال]

السلام عليكم و رحمة الله و بركاته

الموضوع اسمة
على القهوة

و الموضوع دة عبارة عن دردشة مع بعض

تخيل لو انك جلست علي قهوة او كافيه مع اصدقائك و بدردش معاهم في مشاكل الحياة التي تواجهك

هي دية فكرة الموضوع

انك تتخيل نفسك علي قهوة مع اصدقائك و بتقول لهم عن مشكلة واجهتك او واجهة احد اصدقائك



نفسك تتكلم بصوت عالي و تفضفض معانا



سنقوم بطرح موضوع للنقاش كل اسبوع

و ذلك حسب رغبة الجماهير

او مشكلة تريدوا ان تتكلموا عنها

و ستقوموا بارسال المشكلة عن طريق الرسائل الخاصة حتى يكون للعضو (صاحب موضوع النقاش) خصوصيته

ثم نقوم بعرضها و كل عضو يرد بما يراه من وجهه نظره في هذا الموضوع الذي يناقش



موضوعات علمية



موضوعات سياسية



موضوعات دينية



موضوعات اجتماعية





حاسس بالوحدة؟؟؟؟؟



مشكلة عائلية



مشكلة مع الاصدقاء



مشكلة في الدراسة



مشكلة في العمل



مشكلة عاطفية



مشكلة مع نفسك





كل هذا نناقشه هنا مع بعضنا
و كل واحد يقول رأيه و اقترحاته

اتمنى ان ينال الموضوع اعجابكم


و ما هي اقتراحتكم في اول موضوع للنقاش:confused:؟؟؟؟؟

[Zooma]

موضوع جميل جدا يا شكشك
بس اهم حاجه انك قولتى ع القهوة يعنى
براحتى فى الكلام :D:D
بالنسبه للاقتراحات مش هتبان دلوقتى هتبان

مع اول مشاركه او اول مناقشه هتحصل
وشكرا يا سولى اى خدمه بدلعك اهو :D

[Zooma]

اه ع فكرة القهوة دى فى الحسين وانا اعد فيها قبل كده
فى وش المسجد ع طول بس شكلها الصبح احلى من بليل :D

[Marwa Mahmoud]

شكرا ليك ىيا اسلمى
موضوع راااااااااااااااائع
وهيكون فىة تفاعل جميل جداااااا بين الأعضاء
تسلمى يا قمر على الحجات الجميلة دى

[reda_bebo99]

موضوع جميل ونرجو من الجميع المشاركه

[ميرا مار]

[

موضوع حلو قوى يا سلمى
وطريقة عرضك للموضوع رااااااااااائعة ..
فى انتظار اول موضوع للنقاش

..

[سلمي جمال]

الموضوع الاول

ماذا تفضل زواج الصالونات ام انك تعيش قصة حب؟

و ما هي مميزات الاتنين؟

و ما هي عيوب الاتين؟
و هل لك تجربة في اي منهم؟

او تعرف احد له مشكلة في احدهما؟

[خالد أبوسعده]

الموضوع الاول

ماذا تفضل زواج الصالونات ام انك تعيش قصة حب؟

انا افضل قصه حب
و ما هي مميزات الاتنين؟

مميزات قصه الحب انها بتكون قايمه علي تفاهم بين اتنين
شعور متبادل
مستحملين بعض
بيخافوا علي بعض
مشاكلهم بينهم و بين بعض بتتحل بسرعه و التضحيات فيه بتكون كتير
اما جواز الصالونات
فهو رغم انى مبحبهوش
بس ليه مميزات
انه كل حاجة بتبقى علي نور من اولها
و بيقصر المسافات اوى و بينجز الموضوع اسرع بكتير من قصه الحب



و ما هي عيوب الاتين؟

و الله الاتنين من رايى عيبهم واحد
تعب قلب

و هل لك تجربة في اي منهم؟
اه كان ليا تجربه و انتهت

او تعرف احد له مشكلة في احدهما؟
هههههههههههههههههههههه
انا كل الى اعرفهم عندهم مشاكل فى الموضوع دا

متنسيش السحلب و الشيشه معاكى وا نتى جايه يا سلمى

[farida]

موضوع جميل يا سلمي

هو انا افضل ان الانسان يعيش قصة حب احسن

عشان زواج الصالونات بتكونوا قاعدين مع بعض و متعرفوش عن بعض حاجة

فبالتاكيد حيحصل مشاكل بعد كل واحد يعرف التاني علي حقيقته و عرف عيوبه و مميزاته

انما ان الواحد يعيش قصة حب فانه بيعطي لنفسه فرصة وللتاني انه يعرف كل واحد الاخر

بس يا سلمي ممكن يكون برضه زواج الصالونات كويس علي حسب الزوج ده

و سواء زواج صالونات او قصة حب لازم الانسان ان يصلي استخارة الاول في تحديد الخير له

علشان ميستمرش في الغلط و الاوهام و يندم في الاخر وطبعا ربنا حيقدم الي فيه الخير

معلش يا قمر طولت عليكي

[Youssef Mostafa]

الموضوع الاول

ماذا تفضل زواج الصالونات ام انك تعيش قصة حب؟
زواج الصالوناااات
و ما هي مميزات الاتنين؟
مميزات زواج الصالونات:-
1-زى مالكتاب مقال يعنى فى الحلال ادخلوا البيوت من ابوابها مش من قصة حب
2-يقيم ثقة قوية بين الزوجين وكمان حيبقوا لسة متعرفين على بعض فحتبدا بقى قصة الحب اما التانية فحيكونوا زهقانين من بعض

اما مميزات قصة الحب فانا مش لاقى فيها مميزات او ممكن يكونوا الاتنين بيضحكوا على بعض

و ما هي عيوب الاتين؟
عيوب زواج الصالونات:-

طول محنا ماشيين بما يرضى ربنا مش حيكون فى مشاكل ابدا
عيوب قصة الحب:-
يعنى ايه واحد يحب واحدة سنتين 3 وفى الاخر يقولها انا مش نصيبك واكيد حتلاقى واحد احسن منى!!!!!

والله الواحد شايف ان الحب الايام دى بقى عقيدة عند بعض الناس بس لسة الدنيا بخيييير
و هل لك تجربة في اي منهم؟

لأ
او تعرف احد له مشكلة في احدهما؟

اممممممممممممم اظن قابلنا ناس كتييير سواء كانوا قريبين منا او لأ كبار مثلا يكونوا جربوا الاتنين

وبجد يعنى ياسلمى موضوع اكتر من رائع