الفرق فى طريقة الاكل عند البنات والولاد

**white_heart** · 11-02-2008, 04:49 AM

الفرق في طريقة الاكل بين البنات والشباب ..

تحبوا تعرفوا هما بيكلوا أزاي ؟؟
اوكـــي تعالوا نعرف !!
بس أوعى حد يتخض أو يتصدم
أولا : البنت تغسل اديها بصابون لوكس ..
وتنشف بكلينكس ده قبل الأكل طبعاً
تمشي بخطوات هاديه الى ان تصل لغرفة الطعام
تدفع الكرسي الى الخلف بكل رقه وتجلس عليه بحنان،وإذا كانت الجلسه عربي .. جلست على السفره كالحوريه..
يعني تثني رجليها لليسارتمسك الملعقة برفق .. وتنظر اليها جيدا حتى تتأكدانها تبرق ..

تقول بصوت ناعم (بسم الله)
تبدأ بأكل السلطه حتى تفتح شهيتهاغرف الرز بالملعقه بحيث لايتجاوزعدد الرزات التي إلتقطتها (17) حبة فقط تمضغ الطعام جيداً بدون إظهار أي صوت عندما تنتهي من تناول الطعام تضع الملعقة جانباً .. وتقول (الحمد لله)
تنهض بنفس الهدوءالذي جلست عليه ..
وتذهب لغسل فمها وتتعطرعلشان تروح ريحة زفارة الاكل ..
(ياسيدي على الرقة)
(طبعا منتهي الرقةوالأنوثة)

********

ثانيا : الشاب ينهض من النوم متجهاً الى السفرة مباشره وهو مشمر الذراعين يجلس على السفره وكأنه يسقط من السماء ( نيـــزك )
أو صاروخ أرض جو مثلا يدخل يده كاملة في طبق الرز تاركاً بين كل أصبع والثاني مسافة 2سم يخرج يده بعنف من الطبق وكأنه بيلعب في التراب مثلا يرمي باللقمة الى فمه المفتوح 15سم يمضغ الرز بطريقة ........ (زلزال)

يأكل السلطة بعدما يقضي على الرز واللحمه ينهض بسرعة الصاروخ وفي يده علبة سفن أب ""
يا لذيذ يارايق ..

يظهر صوتاً بشعاً جداً .....
(مقولكومش طبعاا على الصووت)

يمسح يده في ثوبه (علشان مش هما اللى بيغسلوا طبعا).. مخلفاً ورائه دمار شامل
(يالهوووى على الخراب)
(معلش بقي هيفضلوا دايماكده)

**Zooma** · 11-03-2008, 05:50 PM

يا عينى يا حرام البنات فيهم ريقه الدنيا كلها والولاد هما ايلى حمير
يا بنتى ايلى انتى بتقوليه العكس طبعا :mad: :mad: :mad:
قال البت بتعد الرز 17 حبه يا سلام وبعد كده تقوم وتقول الحمد لله

على اساس ان البت معدتها معده عصاافييييير ده انتو بتكلوا اكل اكتر مننا ده انتو لو تطولوا تكلونا هتكلونا

**spring sun** · 11-03-2008, 06:59 PM

والله مش دايما البنات لما يكون في حد معاها بتعمل كده اما لو لوحدها فوالله بتعمل اكتر من اللي الشباب بيعملوه

بس قوللي انتي بتأكلي الزاي يا مي

ههههههههههههههههه

**شيماء رمضان الوهيبى** · 11-03-2008, 08:36 PM

البنات دايما رقيقة بس مش اوى كدة و كمان الولاد مظلومين هنا شوية هو مش كلهم بيعملوا كدة بعضهم بس

**خالد أبوسعده** · 11-03-2008, 08:41 PM

علي فكره مش كل الولاد بياكلو كده
في ولاد بتاكل بأديها و رجليها
و في بياكلو بكل اتيكيت ( بالشوكه و السكينه)....و انا شخصيا معرفش حد بياكل كده بس اسمع عنهم

و في بنات بتاكل و مبتطلعش صوت بس بتطلع روايح

**اسامه البنا** · 11-03-2008, 08:50 PM

بصي يا مي احنا مختلفين في حكايه اهلاويه وزملكويه
كفايه كده متخليهاش صبيان وبنات كمان
احسنليكي

**اسامه البنا** · 11-03-2008, 08:50 PM

ههههههههههههههههههههههه
جامده يا خالد

**magdysa3ed** · 11-03-2008, 11:36 PM

الكلام ده ان ممكن اصدقه لو كان من عشرين تلاتين سنه كده ايام سى السيد وده لا كان مينفعش تاكل مع الراجل بس دلوقتى هم بيجرو علشان يلحقو اللى يلحقوه من السفر او ما شابه