واثق فى نفسك...ادخل واقف فى الطابور

[Wild_Angel]

بسم الله الرحمن الرحيم

من يقف فى الطابور هو احسن طالب..

مقوله كنا نصدقها ونؤمن بها فى اعماق قلوبنا ونحن صغار
نتشاجر لكى نقف فى اول الطابور الدراسى ..

ولكن كنت اخاف ان اقف فى اول الطابور المدرسى ..احساس بالخجل ان يرانى المدير وجميع المدرسين
حتى فى مجال الاذاعه لم اقربه يوما

وكثيرا ما كان يعترينى شعور بأن من تلقى عليه الاضواء هو من يقف اول الطابور
وان ذاك الشخص له مقدره عجيبه غير موجوده بى كأنه (سوبر مان مثلا)

ولكن اكتشفت اننى من خلقت هذا الشعور بداخلى لاننى كنت اخاف ان اقف امام الناس ربما بسبب طبع الهدوء والحياء الموجود بى من الصغر

احمد الله بعد كل تلك السنين اننى فهمت لماذا شعرت بكل هذا وكيف استثمر طباعى وان لا ترجعنى للوراء

فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر الطابور صامتا..
ولكن عليه دائما ان يحارب دائما ليصل الى اول الطابور...ولكن ليس طابور الصباح ولكن ان يكون الاول فى طابور يصنع تقدم وانجازات تفيد البشريه.

[Mimi]

ياااااااااااااه فعلآ صدق اللي قال " خير الكلام ما قلّ ودلّ "

لا عجبني جدآ كلامك ياوايلد بجد

الأهم في دا كله فعلا ان الواحد يدرك قدراته ويدرك نقاط ضعفه

ميررسي ليكي بجد موضوع هايل ..متااابعه لكل جديدك ان شاء الله ياعسولة

[Hassan Mohamed]

كلام جميل قوي يا ويلد

بس بليز كبري خطك علي الحجم 6 وهتيه في النص بليز يعني

[Wild_Angel]

بسم الله الرحمن الرحيم

السلام عليكم ورحمة الله وبركاته

اهنيكى دائما على مواضيعك بسم الله ما شاء الله تمتاز بالتنوع والجوده

على فكره تقدرى تقوليلى وايلد لان حوريه ده ملخبطنى خالص عامل كده شبه انشراح و تفيده

وميرسى على ردودك ومتابعتك..

[Mimi]

معلش ياوايلد انا بلخبط بينك وبين Witch

آسفة غيرتها تاني

[Wild_Angel]

اوك يا باشمهندس حسن كله فى التمام اهو احنا كلنا برضه نظرنا على قدنا
وميرسى لمرورك ومتابعتك

جودى ولا يهمك يا جميل واهو ممكن تميزينا بالصوره الرمزيه

[Hassan Mohamed]

لالالا شغل الله ينور يعني والله يا ويلد ايوا كده الله يكرمك انا نظري ضعيف

[AYMAN GAMAL]

في المدرسة الثانوية العسكرية انا كنت قائد سرية

الحجات دي مبتاثرش فية يا انسة Angle

بس انتي بقى رقيقة واحساسك عالي يمكن

حاولي تتشجعي وتقفي في اول الطبور

شكرا ليكي

[Wild_Angel]

شكرا زميلى ايمن لردك بس الظاهر ان حضرتك موصلتكش ال Point بتاعت الموضوع حضرتك لو راجعت الفقره دى:

فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر الطابور صامتا..
ولكن عليه دائما ان يحارب دائما ليصل الى اول الطابور...ولكن ليس طابور الصباح ولكن ان يكون الاول فى طابور يصنع تقدم وانجازات تفيد البشريه.


حضرتك ممكن ساعتها توصل للمعنى الذى كنت اوضحه هو ان الانسان زى ما قالت جودى لابد ان يدرك مواطن ضعفه ليقويها ومواطن قوتها ليجعلها نفعا له وليس ضررا له فى التعامل مع الناس

[AYMAN GAMAL]

فالانسان وحده يستطيع ان يصنع انجازاته سواء كان فى اول الطابور او اخره
فمن يفهم نفسه ويؤمن بها ويؤمن بالله اولا بالطبع وانه يستطيع من داخله ان يفعل انجاز حتى وان كان يقف اخر [/QUOTE]

مفهمتيش قصدي يا Angle

انا والله فاهم قصدك و انا لما كنت بقلك حاولي تكوني في اول الطبور

قصدي انك تحاولي تبيني للناس انك انتي صاحبة الانجاز و توريهم نفسك بدون خوف

ولما كنت بقول اني كنت قائد سرية كان قصدي اني لو انجزت حاجة مبخفش اعلن عنها خالص و افتخر بالانجاز دة و لو قدام مليون

بس مش افتخار بتكبر اكيد