الدعم الفنى للعاملين بالمساحة البحرية

**Mohamed Hashem** · 06-12-2009, 09:56 AM

بسم الله الرحمن الرحيم

أعزائى الأعضاء الكرام

هذا الموضوع مخصص لكم ... أنتم المحررين فيه ..

هل عندك سؤال يخص المساحة البحرية ؟
أو استفسار عن أى شئ يخص هذا المجال
هل أنت خريج وتعمل فعلا بهذا القطاع وتحتاج دعم فنى ؟

نحن هنا من أجلك .. اترك سؤالك بوضوح ..
وبإذن الله تعالى نرد عليكم أو نستعين بالله ثم أهل الخبرة ونرد عليكم ..

الغرض من تخصيص موضوع بذاته للأسئلة .. تجميع الأسئلة كلها فى مكان واحد يسهل على القارئ أن يجد مبتغاه .. لعل سؤاله مكرر .. فلا يحتاج للبحث فى موضوع موضوع فى القسم

من ناحيه أخرى الاستفاده من خبرات الآخرين حتى ولو لم يكن لديك تساؤل ..

وفقنا الله وإياكم لما يحبه ويرضى

**ميرا مار** · 06-12-2009, 11:11 AM

ربنا يجازيك كل خير يا بشمهندس

بالتوفيق باذن الله

**Mohamed Hashem** · 06-12-2009, 12:31 PM

شكرا جدا يا ميرا
شرف ليا تكونى أول رد على الموضوع
وربنا يوفقنا جميعا

**Mohamed Hashem** · 06-12-2009, 04:35 PM

والله يا استا> محمد يا مشرف قسم المساحه البحريه كنت عاوز اسال حضرتك عن شويه حاجات كداوياريت تفدني بخبره حضرتك واسف اولا علي تعبك معايا في الرد بقول لحضرتك هوة ايه رايك في الgisوياتري ينفع لو انا مهندس مساحه خريج شعبه مساحه مش شعيه gisينفع ااخد كورس في المجال دا في الاكاديميه البحريه واشتغل بيه ولا لازم اكون خريج الشعبه نفسها ولو ينفع انهون احسن مكان ااخد فيه الكورس دا وفي رايك حضرتك الشخصي انهون الاحسن مهندس المساحه ولا مهندس الGISوشكرا لحضرتك جدا

نقلا عن الزميل : hemdan00

**Mohamed Hashem** · 06-12-2009, 04:36 PM

الأخ العزيز حمدان .. يا مرحب بيك واحنا كلنا - ادارة ومشرفين واعضاء - تحت أمرك فى أى وقت فمفيش تعب ولاحاجه
بص اولا : صعب قوى نقول مين الاحسن .. مساحة ولا Gis كل تخصص له مميزاته اللى بتخلى الواحد يحبه ويبدع فيه
يعنى بمعنى آخر .. حب الشخص لتخصصه هو اللى بيجعل هذا التخصص جذاب .. فممكن تقرأ لفلان عن الـ Gis فتحبه وبعدين تقرأ لعلان عن المساحة الجوية فتحبها وهكذا .. لكن مفيش حاجه اسمها مين الاحسن .. دا غير طبعا ان اللى يناسب واحد مش بيناسب التانى
فمثلا فى ناس مش بتحب المساحة الارضية وتعشق العمل فى البحر .. وناس لو دفعت لهم مليون جنيه مش حيطلعوا بحر ابدا وهكذا

الـ Gis تشبه المساحة البحرية كتير فى تأثرها بتقدم علوم الإلكترونيات وفيزياء الإستشعار عن بعد وبرامج الحاسب الآلى .. ولذلك الجوانب الآخاذه فى المجالين كثيرة .. والإختلاف الوحيد فى السفر والترحال فى البحرية والعمل المكتبى فى الـ Gis ودى ليست عيوب ولا مميزات دى طبيعة ممارسة العمل .. مفهاش خلاف .. ولا أحبذ انها تكون نقطه مفاضلة .. يعنى بلاش نختار مجال عمل لمجرد انى حابقى قاعد فى التكييف .. أو أختار البحرية لأنها كلها سفر وبلاد جديدة وممكن تلف العالم فى اربع سنين .. شوف الأول انت ميال لمين أكتر .. لان الحاجات دى بتروح بهجتها بعد فترة طالت ام قصرت .. والعمل هو العمل ... التزام طول الوقت ..

ولو انت مهندس مساحة خريج شعبة المساحة ينفع تاخد كورس فى الـ Gis .. اعتقد نعم ينفع .. ولو تسأل حد متخصص فى الـ Gis اكتر منى يكون أحسن مثل دكاترة القسم الافاضل

اما مكان الكورسات فهى فكره ممتازة ولا يعيبها سوى غلو سعرها بالنسبة للأكاديمية

اتمنى انى اكون رديت على تساؤلاتك وياريت تنقل استفسارك ده لقسم المساحة البحرية .. علشان الاعضاء المهتمين بالفرع ده يستفيدوا كمان
وجزالك الله خيرا

**Mohamed Hashem** · 06-13-2009, 12:13 PM

المشاركة الأصلية كتبت بواسطة magdysa3ed

لو ممكن حد من الزملاء الكبار يعنى يقولى يعنى ايه مساحه بحريه وايه الفرق بينها وبين المساحات التانبه

وهل ليها قوانين خاصه ؟

وكيف يمكن التخصص فيها

المشاركة الأصلية كتبت بواسطة جغرافيّة دلوعة

السلام عليكم ورحمة الله وبركاته..

شخباركم .. ان شاء الله مستانسين..
انا عضوة يديدة عندكم .. وفي بداياتي مع تخصص نظم المعلومات الجغرافية وحاليا ادرس المساحة ..\
وابي منكم طلب صغيرووووووووووووون ..

معلومات مكثفة عن المساحة بشكل عام والمساحة البحرية بشكل خااااص...واكون شاكرتكم..
:)

للمزيد عن المساحة البحرية راجع مقالاتنا عن " قراءات فى مانيوال الهيدروغرافيا " Manual on Hydrography
اما عن كيف يمكن التخصص فيها راجع سلسلة حلقات موضوع " يعنى ايه مساح بحرى؟ "

المشاركة الأصلية كتبت بواسطة bare_footed

السلام عليكم ورحمة الله وبركاته

ليه سؤاال يخص المساحه البحريه

انا كنت حابب أدرس مساحه بحريه فقولت اسئل بعد ما خلصت كلية أيه النظاام

فقلولى مفيش غير الأكادميه البحريه للنقل البحري هى اللى بتدى كورساات ف كده

فسئلت ناس أعرفهم ف الأكادميه فقلولى في كورس مساحه بحريه شهرين بيعمل تقريبا 6000 جنيه مصري

وفي دراسه سنه ف الأكادميه تخصص مساحه بحريه بيعمل تقريبا 5000 دولار يعني حوالى 27300 جنيه

فصح الكلام ده

يعني يا ريت اى حد يدلنى لو في حاجه تانيه غير دول

وأكون شاكر دمتم جميعا بود

الكورسات حاليا عبارة عن سنه دراسه كاملة تعادل دبلومه فى المساحه البحرية
الموضوع كله 12 مادة تاخدهم على اربع ترمات
الترم بمايعادل 3000 جنيه مصرى
يعنى الموضوع كله 12 الف جنيه
وممكن تضغطهم على 3 ترمات أو أقل لكن الفلوس نفس الرقم طبعا
ودا حسب تفرغك (ممكن تكون بتشتغل مثلا)
أما موضوع إشتغل وخلاص فالكلام دا صحيح ووفر فلوسك ولكن
فى أحد العقود التى إشتركت بها خارج مصر فى ماليزيا العميل وهو الشركة الوطنية للبترول (تاليسمان) طلب السيرة الذاتية لأعضاء فريق المساحه
وكانت المفاجأة .... إعتمد فقط الأعضاء الذين يحملون شهادات فى المساحه البحرية
قد لا تحتاج لذلك داخل مصر ولكن لماذا لا تفكر بالعمل بالخارج ..... العائد المادى مختلف تماما ... تمام ... أكثر من عشرة أضغاف الدخل بلا مبالغه
وشكرا وربنا يوفقك

إضافة أخرى لموضوع الكورسات
ما يلى المواد التى درستها بالأكاديمية العربية للعلوم ولكن كان ذلك عام 1995
والأسعار كانت مختلفة جدا بالطبع

Course Title
Geodetic Survey
Plane Surveying
Marine Geophysics
Depth Surveying
Comprehensive Planning & Operations
Surveying Instruments
Remote Sensing
Satellite Positioning
Nautical Charts
Physical Oceanography

ومادة درسناها باللغة العربية وإسمها : القانون الدولى
وشكرا

المشاركة الأصلية كتبت بواسطة سلمي جمال

طيب ممكن تقولنا علي الشاركات او الهيئات الي ممكن ندور علي شغل فيها للبنات و الولاد

الزميلة سلمى جمال والزميل احمد عبد الجواد
ولكل الاعضاء
الشركات التى تعمل فى مجال المساحة البحرية هى - وارجو ألا تخوننى الذاكرة - كالتالى :
Sub Sea
Misr Marine
سيرفينج سيستم
المصرية للمساحة ومعروفة ايضا بايكوس - او برسوم
شركة ماريدايف للخدمات الملاحية والبترولية
شركة الخدمات البترولية البحرية Pms والتى نشأت من بتروجيت
شركة الربان النجدى - آسف لعدم تذكر اسمها كاملا
فوجرو سيرفاى - مصر ومقرها القاهرة
شركة Mcs - مقرها القاهرة
أما مجالات المساحة الارضية والتصويرية فأكثر من ذلك بكثير أشهرهم القاهرة للأعمال الهندسية
وشركة زون Zone