مشروع التخرج ولمسه تطوير

**حفيد سيف الله المسلول** · 02-03-2011, 09:04 PM

[GASIDA="type=center bkcolor=#FFFFFF color=#000000 width="100%" border="4px solid #0033FF" font="bold large Arial" bkimage="""]

بسم الله الرحمن الرحيم وبه نستعين والصلاه والسلام على اشرف المرسلين سيدنا محمد عليه افضل الصلاه واتم التسليم
طبعا كلنا عارفين الحاله اللى بتمر بيها بلدنا فى المرحله الحاليه ولكنا عارفين ايه اللى بيجرى فيها
انا كنت من مؤيدى المظاهرات المندده بالاضطهاد الحكومى والحمد لله جزء من المطالب اتحقق اى نعم حصل خساير مكنش حد فينا يتوقعها وبغض النظر الاضرار دى بسبب مين بس يكفينا انها فى البلد اللى كلنا طلعنا علشان نقول فيها عن حقوقنا اللى مش موجوده
وبعض النظر لو كان فعلا هيتنفذ الكلام اللى اتقال من رئيس الجمهوريه ونائبه ام لا
فدى هتكون فتره تطوير منهم ومننا ان احنا نغير نفسنا وهما يغيروا اللى قالوا انهم هيغيروه طبعا مفيش اى حد عاجبه اللى بيحصل فى الشارع بعد اخر قرارات قالها الرئيس
وانا عارف ان كتير من زمايلنا هينتقضونى فى النقطه دى بس احنا على الاقل زى ما ضغطنا عليهم علشان ينفذوا نديهم فرصه نشوف هما هيعملوا ايه وانا زى ما قولت زى ما هما هيسعوا للتغير احنا كمان لازم نسعى للتغير
وانا بطالب اداره المنتدى وكل الاعضاء فيها اننا
السنه دى نحول مشروع التخرج لاختصاص بحت
يعنى بدل ما كان كل مهمتنا اننا نخرج ندرس ظاهرات ونوقع على خرايط لا احنا لازم يكون لينا يد فى المساهمه فى تعمير اللى اتخرب فى البلد وعلى الاقل علشان نكون كلنا ايد واحده على حب البلد دى
برجو من المسؤلين فى المنتدى من
اداره
ومشرفين واعضاء وحتى زوار

انهم يدروسوا الفكره ونحاول نطبقها حتى نروح نقدم الفكره لادراه الكليه ونستغل
دراستنا فى Gis وجمع المعلومات وتحليلها فى مساعده التعمير وحتى بتوع شعبه مساحه اكيد هيكون ليهم دور اكبر مننا
اتمنى ان الفكره تكون محطه دراسه
اخوكم فى الله
حفيد سيف الله

[/GASIDA]

**الورده البيضاء** · 02-03-2011, 09:17 PM

بجد يافاروق فكرة كويسة جدااااااااااااااااااااااااااااا
ربنا يكرمك

انا حبعت لينك الموضوع لدكتور سيد

**حنين الحياة** · 02-03-2011, 10:17 PM

**mohamed ali** · 02-03-2011, 11:16 PM

معاك يافارق فى الفكرة الروعة دى

وياريت اى حد من الادارة يدخل فى هذا الموضوع سواء الدكتور او استاذ محمد سعد او البشمهندس

**مشتاقه للجنه** · 02-04-2011, 12:47 AM

فكرة جميله فعلا

يارب تتنفذ

**دكتور / السيد الزغبى** · 02-04-2011, 01:01 AM

تحياتى لكم والله الموفق والمستعان

**المهندسه اسماء** · 02-04-2011, 02:18 AM

هى فكره جامده بس زى ماانت فكرت وخطت وكتبت فكرتك ع المنتدى لازم كلنا نتناقش فى الموضوع ده يعنى لازم نتفق هنعمل ايه ؟؟ بمعنى كل واحد يدخل ع المنتدى يقول فكرته ونحاول نجمع افكارنا عشان نعمل حاجه تجذب الدكاتره والمعيدين

**MUHAMED SAMY** · 02-04-2011, 02:19 AM

الله ينور افاروق

وفعلا زميلنا محمد مختار طرح الفكرة امبارح

لكن لوتمت الفكرة ميكنش هو المشروع الرسمى للتخرج
ويكون عمل اضافى

**حفيد سيف الله المسلول** · 02-04-2011, 05:39 AM

شكرا على كل من رد على الموضوع
ويشرفنى طبعا ان الموضوع يجذب اهتمام الدكتور سيد
وشكرا على الفكره الرائعه للباش مهندسه اسماء وان شاء الله يكون فعلا اللى عنده فكره يدخل يحطها
وكمان كويس جدا ان مختار طرح الفكره وان شاء لله تبقى تنفيذ فعلا
وتكون عمل اضافى او مشروع التخرج اى حاجه بث انا بتمنى ان زى ما رابطه المساحه سباقه فى حاجات كتير تكون سباقه فى خدمه مصر