الانسان اصله فرخه !! ايون حد عنده اعتراض؟

**الشبح** · 02-04-2009, 03:04 PM

اشمعنى دارون والعالم دى الناس بتسمعها لما قالوا الإنسان أصله قرد ؟

وطالما العباقرة عندنا كتبوا كلامهم فى منهج الثانوية ودرسناه معاهم زى المجانين .. أحب أوضح وجهة نظر المطبخ فى المسألة دى … ما هى زاطت بقى
هتقولى .. أيه دليلك على أن الإنسان أصله فرخه ؟

هقولك دليلين مفحمين أوى ..
وعن طريق اللغة العربية والإنجليزية ..
يعنى اللغات العالمية كمان ..

أولا فى العربى
.. لما الطالب فى المدرسة خطه يبقى وحش بيقولوا عليه أيه؟ بيقولوا خطه “نكش فراخ” ..
وهذه وراثة من الأجداد الفراخ .. مما تتأثر الأجيال الجديدة بالمقولة.

وثانيا بالعنجليزى ..chicken out
تعبير معناه يفقد أعصابه أو يرتعد خوفا .. غير تعبير فرخة دليل على الجبن والخوف للشخص الموصوف .. شوفت الكلمة بتفرض نفسها كفعل ازاى؟ .. مش كده وبس .. ده كمان فى أغانى عن الفراخ كتيييير .. كوكو واوا مثلا دى أغنية أسبانية عن الفرخة والكتاكيت بس ده مش موضوعنا النهاردة.
تاخد بالمرة دليل طبى على السريع؟ مرض الجدري الكاذب أو الجدري المائي اسمه أيه بالعنجليزى؟ اسمه
Chicken pox
مش محتاجة جدال خالص
عاوزين بقى الدليل الساحق الماحق؟ انفلونزا الطيور جبتش انا حاجة من عندى؟ عندك الفيروس رايح من الفراخ للانسان .. طيب ليه؟ علشان كان الانسان زمان فرخة كبيرة واتحورت لحد ما بقت دودة ثم يرقة وبعدها كائن اسمه انسان ..

============================

ملحوظة : المقال ساخر جدا .. أوعى حد يفتكره جد لحسن نروح فى داهية .. ده ممكن يعملوا جمعية حقوق الفراخ على أساسه .. بس أنا شخصيا اقتنعت بالكلام ده

تحياتي لاحلى اعضاء منتدى

**The[H]KinG** · 02-04-2009, 03:17 PM

والله يا عم
أنت راجل زى العسل

شكرا يا معلم وأنا معاك لو عايز تأسس جمعية حقوق الفراخ

**الشبح** · 02-04-2009, 03:28 PM

تسلم يا كينج

ده من زوقك اما بالنسبه للجمعيه اصبر لما العدد يكبر شويه

نورت يا مان

**محمود حجاج** · 02-04-2009, 04:17 PM

يا عم الفرخة إيه إللى بتقولو دة؟
واحشنى أوى يا ميدو
أيوة كدة عايز أشوف المحاربين القدامى

**محمود حجاج** · 02-04-2009, 04:23 PM

طب مش نعرف الناس أعراض أنفلوانزا الطيور؟؟؟؟؟؟؟؟؟؟
شوف يا سيدى
إنك تكون مفؤوس بين الناس
إنك تكون مريش
إنك لما تشوف ديك تتكسف
وبعدين لازم نشيل من اللغة الإنجليزية الكلمتين but & with علشان العدوى