.•:*¨`*:•.رمضـــــان ايام زمان كان عامل ازاي؟؟ .•:*¨`*:•.

**emu** · 08-11-2009, 12:06 PM

بــســـــم اللــــه الرحمن الرحيــــم

أولا

احب أهني كل الاعضاء الكرام في منتدانا *منتدي المساحه* بقرب حلول شهر رمضان الكريم

وكل عام وانتم بخير جميعاً بمناسبة قرب حلول شهر رمضان المعظم أعاده الله علينا وعليكم وعلى الامه الإسلامية بالخير واليمن والبركات .

وثانيا

...انا جبتلكم النهارده موضوع جديد يارب يعجبكم..

عــن

رمضان ايام زمان..

احنا دلوقتي مع اننا لسه مش كبار اوي يعني بس من رمضان للتاني بنلاحظ ان في عادات وتقاليد بتتغير ..
مثلا بالنسبه لمسلسلات الاطفال
فين ايام زمان السندباد و بوجي وطوطم وفوازير عمو فؤاد والحاجات الجميله دي..جه بعدها بكار وظاظا وجرجير طازه وحاجات تانيه كتير

وكمان الفوانيس انا فاكره زمان كان في فوانيس حديد وبشمعه زي بتاعت اسماعيل يس والفوانيس اللي بلمبه صغنونه وغيرها كتييير

بس دلوقتي بقي الزمن اتغير بقت فوانيس موديرن
السنه اللي فاتت مثلا كانت الموضه فانوس ماما نونا والتوكتوك
والسنادي المكتسح طبعا فانوس كرومبو.... والبقيه تاتي

دا طبعا غير الزينه والفوانيس بتاعت البيوت

وغيرها كتير من التغيرات

علشان كل ده حبيت اعمل الموضوع ده واللي بتدور فكرته حول
((رمضان زمان كان عامل ازاي))
ومن خلاله هعرض علي حضراتكم الفترات التاريخيه والعصور اللي فاتت وشكل رمضان في كل فتره فيهم كان عامل ازاي؟؟؟ وازاي كانت مظاهر استقباله والاستعداد ليه ؟؟؟ وازاي كان بيعيش المسلمين ايامه ولياليه؟؟

ويــــــارب الموضوع ينال اعجابكم ...

انتظروا الجزء الاول من الموضوع قريبا بأذن الله تعالي
بس ياريت اشوف رأي حضراتكم في الموضوع

تحياتي

وكل عام وانتم بخير

.

**خالد أبوسعده** · 08-11-2009, 12:13 PM

طيب

انا مستنى اهه و مش ماشى من هنا الا لما تعرضى الجزء الاول

يلا اعرضى

هههههههههههههههههه

بجد فكره الموضوع جميله يا ايمو و ان شاء الله نتابعها

**samomran** · 08-11-2009, 12:17 PM

و انا كمان مستنى يا شيمو

يلا اعرضى

**emu** · 08-11-2009, 12:25 PM

المشاركة الأصلية كتبت بواسطة خالد أبوسعده

طيب

انا مستنى اهه و مش ماشى من هنا الا لما تعرضى الجزء الاول

يلا اعرضى

هههههههههههههههههه

بجد فكره الموضوع جميله يا ايمو و ان شاء الله نتابعها

ههههههههههههههههههههههه
شكرا ليك يا خالد منورني والله
وان شاء الله الموضوع هيعجبك

**emu** · 08-11-2009, 12:30 PM

المشاركة الأصلية كتبت بواسطة samomran

و انا كمان مستنى يا شيمو

يلا اعرضى

ساااامو
منور التوبك بمشاركتك يا سمسم

بس ماليش دعوه انت لازم تجبلي فانوس وخالد كمان ماليش دعوه

**samomran** · 08-11-2009, 12:41 PM

هههههههههههههههههه

طب وعد منى اول ما ندخل الجامعه ليكى فانوس و لمروه كمان

و ليكم شوقه يا شباب 2010

**خالد أبوسعده** · 08-11-2009, 12:43 PM

ياسلام بس كدا

فانوسين مش فانوس واحد

يلا غنيلنا بقى حته وحوى يا وحوى

**samomran** · 08-11-2009, 12:45 PM

هههههههههههههههههههه
اليوحا و كمان وحوى

**emu** · 08-11-2009, 12:53 PM

بس كدا
الاغنيه كلها علشان خاطركم ....

وحوي يا وحوي
أياحة
روحت يا شعبان
وحوينا الدار جيت يا رمضان
هل هلالك و البدر أهوه بان
يالا الغفار
شهر مبارك و بقاله زمان
يالا الغفار
شهر مبارك و بقاله زمان
محلا نهارك بالخير مليان
وحوي يا وحوي
محلا صيامك فيه صحة و عال
يالا الغفار
محلا صيامك فيه صحة و عال
نفدي و صاللك بالروح و المال
وحوي يا وحوي
أياحة
روحت يا شعبان
وحوينا الدار جيت يا رمضان
طول ما نشوفك قلبنا فرحان
يالا الغفار
يكتر خيرك أشكال و ألوان
يالا الغفار
يكتر خيرك أشكال و ألوان
بكرة في عيدك نلبس فستان
وحوي يا وحوي
أياحة
روحت يا شعبان
وحوينا الدار جيت يا رمضان
هاتي فانوسك ياختي يا إحسان
يالا الغفار
أه يا ننوسك في ليالي رمضان
يالا الغفار
أه يا ننوسك في ليالي رمضان
ماما تبوسك و باباكي كمان
وحوي يا وحوي
أياحة
روحت يا شعبان
وحوينا الدار جيت يا رمضان

انا مستنيه الفانوسات بتاعتكم

**خالد أبوسعده** · 08-11-2009, 12:57 PM

هههههههههههههههه

لا دا كدا عداكى العيب و ازح

الموضوع: .•:¨`:•.رمضـــــان ايام زمان كان عامل ازاي؟؟ .•:¨`:•.

أدوات الموضوع

عرض