فكر معانا

**Hassan Mohamed** · 09-07-2008, 08:16 PM

السلام عليكم

طبعا البداية في اي عمل كبير دايما بتكون صعبة اكيد لازم نحط ادينا علي ايد بعض عشان نقدر نوصل لهدفنا
الموضوع مش صعب احنا لسه في البدايات ومحتاجين نعرف افكاركم لتطوير المنتدي والموقع ياريت اللي عندو اي فكرة ميبخلش علينا ويطلب منا اننا ننفزها بادر بأقتراحك وان شاء الله اللي هتتطلبو هيتعمل

يلا مستني اقتراحتكم

**Mimi** · 09-08-2008, 08:29 PM

في الأول الف مبروك على افتتاح المنتدى المثمر بأقسامه المتنوعة دي

وان شاء الله حسن احنا محتاجين نتفاعل الاول مع الاقسام الموجودة عشان نقدر نلمس اذا كان لينا احتياجات تانيه او لاء

ولو اني خايفة نوعا ما من السيستم هنا لانه كله متناول تخصصات المساحة فقط فممكن قريبا تتحط بعض الاقتراحات في شؤون تانية

وشكرآ ليك وللادمنز على جهودكم

**Hassan Mohamed** · 09-09-2008, 01:09 AM

المشاركة الأصلية كتبت بواسطة judy

في الأول الف مبروك على افتتاح المنتدى المثمر بأقسامه المتنوعة دي

وان شاء الله حسن احنا محتاجين نتفاعل الاول مع الاقسام الموجودة عشان نقدر نلمس اذا كان لينا احتياجات تانيه او لاء

ولو اني خايفة نوعا ما من السيستم هنا لانه كله متناول تخصصات المساحة فقط فممكن قريبا تتحط بعض الاقتراحات في شؤون تانية

وشكرآ ليك وللادمنز على جهودكم

في البداية بحب اشكرك جودي

انا بوعدك ان السيستم ده كله هيتغير بس احنا مستنين نشوف الانطباع الاول يوم الافتتاح الرسمي للموقع وللمنتدي مع بداية الدراسة وانا شخصيا واثق ان الطلبة هتفضل تغيير نظام المنتدي لان الناحية العلمية دي بتبقي معقدة شوية بالنسبة للطلبة بس نعمل ايه السلطات العليا هيا اللي طالبة الموضوع ده بس اكيد احنا لينا رأي وان شاء الله هننتصر

**ميرا مار** · 09-09-2008, 11:10 PM

اولا شكرا لكل من شارك فى المنتدى الجميل دة وعشان يبقى احلى اكيد فى اقتراحات كتير .. باطلب منك انك تضيف قسم اجتماعى فى المنتدى .. وبعدها اتمنى تتقبلوا مشاركاتى لانى باهتم جدا بالجزء الروحى والنفسى للانسان وعلاقاته وتجاربه واهتماماته وباتأمل كثيرا فى كل ما ومن حولى .. وبكدا هتشوفوا انى استحق بعدها جزء خاص اسمعكم فيه .. تحكولى لانى بجد باحب اغوص فى اغوار النفس البشرية .. اللى عندة حكاية اللى عندة تجربة.. اللى عندو سؤال .. وعايز يفضفض .. انا بادعوكم كلكم لمعنى جميل غاب عنا .. لان اللى عنده صديق فى الزمن دة محظوووووووووووووووظ .. واوعدكم انكم دايما هتلاقوا اجابة لكل اسئلتكم لانى هاجتهد اجاوبها ..

**Hassan Mohamed** · 09-09-2008, 11:18 PM

ان شاء الله بوعدك يا بشمهندسة بتلبية كل طلباتك وانتظري القسم اللي عاوزاه في منتدي الحوارات واللقاءات ومستني دايما افكارك الجميلة واللي غرضها الإرتقاء بالمنتدي

**shimo** · 09-19-2008, 02:07 AM

بجد بجد المنتدى تحفه ومواضيعوا كلها تجنن وافكاروا حلوة موت
بس انا عندى فكرة جديدة
ايه رأيكم عشان كل حد فينا يعرف عن التانى اكتر نعمل حاجه زى كرسى اعتراف كدا لكل عضو مرة فالاسبوع
يعنى كل واحد عايز يسال سؤال للعضو اللى هنتفق انه يكون صاحب كرسى الاعتراف الاسبوع دا يتسأل ويجاوب طبعا بمنتهى الصراحه
ايه رأيكم ؟؟؟؟؟؟؟؟؟؟

**Hassan Mohamed** · 09-19-2008, 02:10 AM

الفكرة موجودة يا شيمو وكل شئ بوقته اوعدك بمزيد من المفاجأت

**Wild_Angel** · 09-19-2008, 07:23 PM

السلام عليكم ورحمة الله وبركاته

بالفعل اهنئكم على اتاحة وافتتاح هذا المنتدى

لى اقتراحين مهمين جدا

اولا المنتدى معمول اصلا للخدمه العلميه ومفيش مانع وجود منتديات ترفيهيه هنا
يعنى انا مع السلطات العليا ان يكون الوضع هنا فى المنتدى يكون ذو صوره علميه اكثر

ثانيا شئ مهم جدا لازم نتخذه عشان نقدر ندير المنتدى هنا
اولا انتو محتاجين مشرفين لكل قسم وده ممكن تحددوه حسب مثلا اكبر اشتراك لعضو معين فى قسم معين او زى ما تحبوا يعنى ده مجرد اقتراح لتنظيم ادارة المنتدى

واتمنى قبول اقتراحاتى

مع جزيل الشكر والعرفان

**Wild_Angel** · 09-19-2008, 07:24 PM

ممكن على فكرة نعمل انتخابات لموضوع كل مشرف للقسم
عموما دى اقتراحات لتسهيل العمل هنا

**Hassan Mohamed** · 09-19-2008, 07:34 PM

شكرا ليكي يا Wild

فعلا اقتراحاتك موجودة

بالنسبة للناحية العلمية دي موجودة بس نعمل ايه كل واحد ليه مطلق الحرية في انه يشارك فيها او لا وبالنسبة للاقسام العامة انا شايف انها ناجحة بطريقة كبيرة

اما بالنسبة لموضوع الاشرافات فده شئ مطروح بالطبع وهينزل له شروط قريب قوي

شكرا لمساهمتك وننظر المزيد من افكارك

الموضوع: فكر معانا

أدوات الموضوع

عرض

فكر معانا

الكلمات الدلالية لهذا الموضوع

المفضلات

المفضلات

ضوابط المشاركة