نشط معلوماتك الجغرافيا

[surveyedu]

عندي فكره اتمني انها تلاقي اقبال منكم لان الجغرافيا ليس بالعلم النظري فقط لذا جائتني هذه الفكره
وهي ان كل واحد يدخل يجاوب علي السوال الموجود ويكتب سؤال وهكذا وبكده احنا بنكون بندور علي الاجابه وبنزود معرفتنا وفي الاجابه ياريت يدعمها بالمصدر
وانا هبدا بالسؤال السوال مده اسبوع يلا مستني الاجابات
ما هو الخرسان النوبي ؟

\

[AYMAN GAMAL]

الفكرة دي فوق الممتازة

الخرسان النوبي : رواسب قارية سميكة من الحجر الرملي تكونت في الزمن الجيولوجي الثاني وهي بمثابة خزانات طبيعية للمياه الجوفية.

سؤالي بقى:

ما هى أشكال الكثبان الرمليه ؟؟؟؟؟؟

[emu]

علي ما اظن ان الخرسان النوبي ده عباره عن صخور صلبه من الحجر الرملي الذي يرجع الي الزمن الجيولوجي الثاني تقريبا
صح ولا ايه؟؟؟؟؟؟؟؟؟؟؟
ايوا...وكمان بيستند علي طبقات هذا النوع من الصخور كميه هائله من المياه الجوفيه.
يارب تكون الاجابه صح؟؟
وسؤالي للي بعدي..
حدد انواع صخور القشره الارضيه ونسبه كلا منها؟ سؤال سهل جدا يلا بقي عايزه اجابه

[Hassan Mohamed]

فكرة جميلة اتمني الجميع يشترك فيها

[ميرا مار]

والله فكرة جميلة وتنفعنا كلنا
ياللا اشارك بقى

تتكون الكثبان الرملية نتيجة عوامل التعرية وهي تفاعل الصخور الصحراوية مع درجات الحرارة القصوى
وهبوب الرياح المتواصلة مما يؤدى إلى تفكيك الصخور وتفتيتها إلى حبيبات رملية
مختلفة الحجم والشكل. الرمال ذات المنشأ الصحراوي تتكون من حبيبات رملية مختلفة الحجم والشكل.

[ميرا مار]

صح واللا ايه؟؟؟

عموما اسال انا بقى..

مالفرق بين الغيوم والسحاب ؟؟
هههههههههههههههههه يارب يكون سؤال صحيح..

[witch evil]

انا مش عارفه ليه الموضوع ده محطوط هنا اصلا
بس حجاوب

السحابة هي شكل من أشكال التكاثف، تتكون في الغلاف الجوي، بفعل تيارات الحمل التي ترفع كميات من الهواء الرطب إلى طبقات الجو العليا الباردة، فيصبح الهواء مشبعا ببخار الماء، فيتكاثف الزائد منه مكونا الغيوم

يعنى الغيوم تكوين من السحابه مش حاجه منفصله عنها

وسؤال هو
ما الفرق بين نظم المعلومات الجغرافيه ونظم المعلومات الاخرى ؟؟