ياباشمهندس .. يا دكتور سيد .. انا شغال من الصبح وعايز مرتبى ؟!؟!

[KAREEM]

[gdwl]

الى صاحب المنتدى فين المرتب ؟؟
انا شغال فى المنتدى دا
من يجى اكتر من سنة

كم راتبك في المنتدى ؟؟؟؟؟؟

تساءلت بيني وبين نفسي ,,ترى كم راتبي من المنتدى ؟؟

وما الذي يجعلني أتمسك بالمنتدى بالرغم من كل الضغوط ومشاغل الحياة التي تؤرقني ؟؟

وهل لو كانت هنالك رواتب للمنتديات كنا سنقدم ربع ما نقدمه الآن من دون مقابل مادي؟؟؟

أقول لكم نعم هنالك راتب من المنتدى !!!

وهو راتب حسي ومعنوي أكثر مما يكون مادياً,

إن العضو عندما يقدم موضوعاً فإنه يجتهد في أختياره حتى لو كان منقولاً ,,

وعندما يجتهد العضو في البحث والتنقيب ,,فهو بدوره يستفيد من هذا البحث ,,

فاجتهاده يكسبه فائدة

ومشاركته لها فائدة

ولقراءته لمواضيع غيره لها فائدة

ومتابعته لردوده وردود غيره لها فائدة

لكن عندما يكون العضو ملزماً بعمل ما .. وبمقابل ..فإنه يقدمه بلا روح طيبة..

بدون نفس زكية.. بغير ذلك النشاط.. وذلك البحث المستشري عن الأجمل والأفضل..

سيقدم مادة بلا ذوق.. بلا طعم.,و. بلا نفس

لكن عندما يضع شيئا في المنتدى .. ويرتبه.ويهندمه,,.يضعه ونفسه طيبة .

.و يضعه لنفسه ثم لنفسه ثم لنفسه

فغيري هو أنا وأنا هو غيري,, لأنني المستفيد الأول والأخير من هذا المنتدى

راتبي هو أني أخاطِب طبقة المثقفين من الناس

أناس طالما حلمت بلقاءهم ,,أو حتى تحيتهم ..

راتبي هو إطلاعهم على ما أضع..

راتبي هو توجيههم لي..

راتبي هو شكرهم..

راتبي هو تقبل نصيحتهم القيمة..,

راتبي هوإهدائهم نصائحي المتواضعة,

راتبي أن أكتشف ذاتي من خلال غيري..

راتبي معرفة معادن الناس..

راتبي أن أجعل في كل أرض لي أخاً و صديقاً..

وفى كل مكان رفيقاً..
راتبي أنني اكتسبت أخوه وأخوات أعزاء..

راتبي أنني أضفت لرصيدي الكثير من الحسنات ..

بتوعية غيري وشغل نفسي بما ينفعني وينفع غيري ..

راتبي أنني ازددت معرفة وعلماً من هؤلاء الأحباء..

راتبي أنهم سعوا لمساعدتي. لأنهل من ينبوع المعرفة..

راتبي أنني سعيت لكي أساعد غيري .

.بلا مقابل غير كلمة شكر تسعدني .



شكرا لك
صاحب منتدانا الغالي
" اللى هو انت وانا "
على هذا الراتب
الرائع
الذي بفضلالله
ثم بفضلك
حصلنا عليه
حقا شكرا لك
من أعماق قلبي

[/gdwl]

م
ن
ق
و
ل

[حفيد سيف الله المسلول]

بجد يا كريم no comment

مش عارف فعلا اقولك ايه

[Ahmed Waheed Shalaby]

دائما الاحظ ان المكتبة يكون بجوارها الخزنة

لذلك التمس من سيادتك يا كريم يا امين المكتبة ان تصرف لنا رواتبنا المتأخرة

بجد موضوع جميل وهايل

وحب الناس بس لوحدة دة مايتقدرش بكنوز الدنيا

شكرا يا كيمو

[KAREEM]

الشكر لله يا جماعة
وانا اللى بشكركو على مروركو الكريم دا

شكرا
محمد فاروق
احمد وحيد

وبتمنى روح الاخوة والمحبة تدوم ما بيننا
وبالنسبة للرواتب
ففى اوفر تايم نازل قريب جدا
بس اصبرو عليا شويا
الباشمهندس بس يقبضنى

[mohamed ali]

موضوع جااااامد ياكيمو و منسناش اما تقبض يابرنس

اخوك واقع من ال18 بس موضوع جميل جدا

وجزاااك الله خيرا

[ALY ELSAYED]

جامد اكيمو من يومك

ووجهه نظر جميله فعلا

لان منتدانا هدفه الاول انه علمي

يعني نستفاد ونفيد منه

بجانب الروح الطيبه الي بتجمع الاعضاء والمشرفين

وشخصيات كتيره اتعرفنا عليها من خلال المنتدي

الواحد فعلا فخور جدا بمعرفتهم

ربنا يديم روح المحبه والاخوه

[KAREEM]

آمين يارب العالمين
ربنا يجازينا وإياكم كل خير

نورتو الموضوع يا رجالة
شكرا محمد على
شكرا كارموووو

[Heba Bebo]

اولا موضوع جميل جدا جدا

منقول بقي معمول


المهم انه فعلا رائع

عارف والله انا كان عندي عيب رهيب وبدا ينتهي اني متصفحة جيدة جدا



ولكن اشارك بكلمة ابدا

تقولش هخس 2كيلو ولا هبقي بصوبعين بس


المهم اني سعيدة جدا دلوقتي لاني فعلا باخد راتبي من كل ما سبق قوله

وكل شخص فرحنا او زعلنا او مشي من هنا او لازال موجود فهو معلم لنا افادنا حتي باخطاؤه

المهم ان موضوع جميل فعلا


بس يعني مافياش حاجة لو عشة جنيه كلهم ورق بميات ولا حاجة تحفيز مش اكتر

فيها حاجة دي

او نوبايل او فسحة بدل ما هنطلع عقارب من كتر قاعدة البيت

[Wild_Angel]

مممم
لو على المرتب
فكفاية دعوات الناس يا كريم بجد
والله بتبقى أجمل مرتب
ولما تكون من القلب مش مجاملات يعنى

وبعدين بتشتكى من دلوقتى يعنى
امال لو كملت سنتين او تلاته حتعمل ايه

بيبو
ممكن شحن على الهوا برضه يبقى شغال

جزى الله كل من يكتب حرف يفيد به الاخرون خيراً

[KAREEM]

هبة بيبو
واسراء وايلد
مرررررة واحدة
دا كتييييييييير والله
طب عشان ردكو دا
فى زيادة فى مرتباتكو انتو الاتنين
بنسبة 1% لكل واحدة منكو
الشهر الجاى باذن الله