" وعين بكت من خشية الله"

[ميرا مار]

السلام عليكم..
مين فينا وهو بيقرا القران .. وقف عند اية واثرت فيه قوى وبكى..
بكى خوف من ربنا ..
حبا فيه ..
او رهبة من عظمة الله ..
او قلبه شاف فيها حاجة ماشفهاش قبل كدة فجعلته يتامل فى الله وفى خلقه؟

اكيد كتير مننا .. وعشان كدة فكرت ان اللى وقف مع ايه الوقفة دى
يشاركنا بيها ويقول لنا شاف فيها ايه..

[ميرا مار]

انا هابتدى .. بسم الله الرحمن الرحيم

{وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الأَرْضِ إِلاَّ مَنْ شَاءَ اللَّهُ ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ(68)وَأَشْرَقَتِ الأَرْضُ بِنُورِ رَبِّهَا وَوُضِعَ الْكِتَابُ وَجِيءَ بِالنَّبِيِّينَ وَالشُّهَدَاءِ وَقُضِيَ بَيْنَهُمْ بِالْحَقِّ وَهُمْ لا يُظْلَمُونَ(69)وَوُفِّيَتْ كُلُّ نَفْسٍ مَا عَمِلَتْ وَهُوَ أَعْلَمُ بِمَا يَفْعَلُونَ(70)}

انا بقى باجى عند جملة
"واشرقت الارض بنور ربها"
وابكى بجد..
ازاى هتحمل لحظة رؤية وجة الكريم ..
لما يتجلى للارض عشان يفصل بين المخلوقات بالعدل
باتخيل نفسى فى الموقف دة .. ياااااااااه انا باحب ربنا قوى..

ملحوظة للايضاح ..
مش اى حد هيشوف ربنا غير من رضى عنه الله.. ويكون فى الجنة ..
يقول ربنا من وراء حجاب

بعد دخولنا الجنة باذنه .. يا عبادى هل رضيتم اليوم..
نردوا احنا يارب فى اكتر من كدة ايه؟
يقول حبيبى ربى .. بلى .. لازيدنكم .. ويكشف الحجاب فاذا بنا نراه
يااااااااااااااااااااااه
يارب متعنا بلذة النظر الى وجهك الكريم
اللهم امين

[AYMAN GAMAL]

اية الكرسي

اتحدى اي حد يقف قدام عظمة اية الكرسي

بيبينلك ان ربنا سامعك و شايفك و مبيغفلش عن اي حق

كفاية انه بيعلم الغيب و يعرف اية اللي ناوي تعمله وكل دة مش مؤمن ياللي بتكفر باياته

[ميرا مار]

ربنا يكرمك يا بشمهندس ايمن .. وجزاك الله خيرا

[eslam mamdouh]

بسم الله الرحمن الرحيم

احب احيى حضرتك على حسن اختيارك الدائم للمواضيع , ونتمنى نرى منك دائما المزيد من المواضيع المفيده والمميزه



انا شايف ان كافه الايات القرانيه تؤثر بشكل كبير على روحانيات الانسان.

ولكن انا فى راييى الشخصى ان ايات العذاء هى الاكثر تاثير والتى تؤدى الى وجود دموع الخوف من خشيه الله

ومن اهم تلك الايات:


ايات سوره ق


ايات سوره الصفات


ايات سوره مريم



ايات سوره ص


وبالتاكيد ايات سوره يوسف



وغيرها الكثير من السور


الكهف



ومن الصعب حصرها

لان كل ايات القرات لها اثر بالغ على نفس الانسان

[eslam mamdouh]

بككر بالغ شكرى لحضرتك مره اخرى

[onon]

شكرا يا مها علي الموضوع الحلو ده
بس فعلا آيات القرآن الكريم كلها لها تأئير كبير اوي علي حياتنا
بس من السور القريبه ليا وبقراها علي طول هي سوره ( يس ) فيها آيات كتير اوي بحبها وبحس بيها اوي وطبعا في اكيد حجات تانيه كتير اوي مش حنقدر نحصرها كلام ربنا كله حلو

[ميرا مار]

شكرا ليك يا يمنى على مشاركتك

[ميرا مار]

عندك حق يا بشمهندس اسلام

بس دا بالضبط اللى انا عايزاه

النهاردة وقفت عند ايه اكتبها وبكرة وبعده

كل يوم مش اية واحدة فقط.. انا باشكرك جدا لانك لفتت نظرى

اوضح النقطة دى

[ميرا مار]

فى اية فى غاية الروعة والتاثير على نفسى

فى سورة ق


من الاية 19

وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ

وَنُفِخَ فِي الصُّورِ ذَلِكَ يَوْمُ الْوَعِيدِ

وَجَاءتْ كُلُّ نَفْسٍ مَّعَهَا سَائِقٌ وَشَهِيدٌ

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ


يعنى ربنا يخفف عنا تلك اللحظة
بس انتوا متيخيلين؟؟

والله اعلم ان هى لحظة بين الحياه الدنيا والموت

ربنا يكشف عنا الغطاء نشوف اللى ماشوفناهوش ولا تخيلناه

متخيلين؟؟ سائق وشهيد..
على فين؟؟

يا سبحان الله..اللهم اغفر لنا وتوفنا وانت راض عنا