رحلة علميه فى الساحل الشمالى مع دكتور محمد راشد ( دفعة 2011 )

[KAREEM]

سلامو عليكو

فى يوم الاربعاء
الموافق 22/11/2010
قمنا نحن
طلاب الفرقه الرابعه
شعبة نظم معلومات جغرافيه
برحله علميه الى الساحل الشمالى
بصحبة الدكتور محمد راشد
فى اطار اهتمامنا بالخروج من حيز
الجغرافيا النظريه الى حيز الجغرافيه العمليه
بصحبة كلا من
الاستاذه نعمة رشاد
والاستاذه مى كامل


وكان يوم علمى ترفيهى رائع
وكل الناس اللى موجوده اتبسطت

فى الطريق ( اوعو حد فيكو يزعل امى )

هههههههههههههههههههههههههههههههههههههه

كان برنامج الرحله متمثل فى 3 أماكن رئيسيه
1 ) محميه العوميد
2 ) مدينه أثريه امام بورتو مارينا
3 ) متحف العلمين الحربى

أولا بالنسبه للمحميه
محمية العوميد
وسميت بهذا الاسم
لانه اثناء الحرب العالميه الثانيه
قام الانجليز بعمل عامود كبير للمراقبه
وعندما قام اللمان بضربه أصبح ( عٌميد )
كتصغير لكلمة عامود

عرفنا معلومات عامة عن المحميات
من خلال مسئول امن المحميات بمصر
- فى مصر يوجد 29 محميه طبيعيه = 150 ألف كم2
- احدث هذه المحميات السلوم البحريه 2010
- اكبر محميه الجلف الكبير = 48 ألف كم2
معلومات عن محمية العوميد
- مساحتها = 700 كم 2 = 166 ألف فدان
- تمتد من الكيلو 700 : 100 كم فى طريق اسكندريه مطروح
- أعلنت كمحميه لان المطر فيها شحيح جدا فى وقت أنها بها
ثانى اكبر تجمع نباتات بعد جبل علبه الى جانب اهميتها الحضاريه
- بها 255 نوع نبات غير مكررين فى مصر ولا فى العالم كله لاختالاف الظروف
- مصر الاولى على العالم صحراويا ( اخير طلعنا الاول فى حاجه )

* نجد فى المحميه 6 بيئات مختلفه وهى :
1 - البيئة البحريه ( البحر المتوسط )
2 - البيئة الرمليه الساحليه
3 - بيئة المنخفضات الملحيه
4 - بيئة المنخفضات غير المحليه
5 - بيئة المرتفعات والهضاب
6 - الارضى والسخول الداخليه ( ويتركز فيها النبات )

- لدينا بالمحميه ابار وصهاريح رومانيه حوالى 12 بئر رومانى

واليكم فيديو صغير عن البئر فى سطح الهضبه

ثانيا : المدينه الأثريه
ودى كانو لسه ما زالو بيحفروا
واكتشفو مقابر قديمه من ايام اليونانين والرومانين
وانقسمت ل 3 أنوع
- مقابر الاغنياء
- مقابر الطبقة المتوسطه
- مقابر الفقراء

ودا فيديو من عند المقابر الاثريه

اما فى الاخر
متحف العلمين الحربى
فدا كان ممنوع التصوير فيه
وكان ينقسم الى
العرض المكشوف
والعرض المغلق

اولا العرض المكشوف
شوفنا فيه دبابات وعربات حربيه
وبعض الطيارات والبقايا
من الحرب العالميه التانيه
اللى دارات على ارض العلمين نفسها
ومع ان التصوير كان ممنوع الا اننا صورنا بعض الصور

اما العرض المغلق
فدخلنا شرحو لنا الحرب العالميه الثانيه
على خريطة مجسمه بمؤثرات صوتيه
وكنت حاجه عظيمه
الى جانب اننا شوفنا أسلحه وتماثيل
وتهيئة لبعض الجنود من ايام الحرب

بعض الصور

ملحوظة
انتظر تحميل الصور للاخر
فقد تظهر كبيره فى البدايه ومع انتهاء التحميل ستظهر بحجمها الطبيعى

وفى الاخر كانت رحله لذيذه جداا
وكان يوم مفيد علميا فى نفس الوقت
دا التقرير اللى قدرت أقدمه
ولو حد عنده صور او فيديوهات
عايز يرفعها فى الموضوع أهلا وسهلا
انا رفعت اللى قدرت عليه تجنبا
لاى فيديوهات او صور فيها بنات
وكتبت ملخص بسيط لاهم المعلومات
عشان الناس تحس كأنها كانت معانا فى الرحله
لو حد عنده استعداد يكتب اكتر يبقى جزاه الله خير
لانى مكنتش مهتم بالكتابه اوى يعنى

دفــــــــــ 11 ــــــعـــــــــــ 20 ـــــــة

احنا الاصل والباقى تقليد

[esraa marey]

ايوة يا عم يا عينى يا عينى

دكتور محمد راشد شرحه كان حلو اوى

انتم السابقون ونحن الاحقون

[mesa7a3]

عمل رائع ياكيمو , سلمت يداك ,

وقمت بتعديل فى اعادة رفع الموضوع لانى كنت موقف كاش الصور الذى يرفع على موقع الرابطة لقيامى بصيانة فى المنتدى

يعنى من الاخر صور الموضوع مرفوعه على موقع الرابطة , كل الود , مع التحية .

[MUHAMED SAMY]

نيس رحلة
عقبال صور وفيديوهات المشروع

[amr mohammed]

الله ينور الى الامام يا كريـم

[حنين الحياة]

[MUHAMED SAMY]

بجد لو دكاترة المواد الطبيعية تعمل رحلات لمناطق زى كده
لاهى مكلفة للطلبة
وفى نفس الوقت يشوف اللى بيدرسه
مش نقضيها تخيلات

ودكتور راشد صاحب فكر مميز

يبقى هو ده التعليم بجد

[Horiaa Swedan]

يوم جااااااااااااااااااااااااااااااااااااااااااااااااا اااااااااااااااااااااااااااااااااااامد اخر حاجه

كان فى البدايه عكننه

انا رحت متاخره ودكتور راشد شخط فيا فى نص الدفعه ههههههههههههه

طلعت الاتوبيس ملقتش مكان اقعد فى نزلت اقول للدكتور شخط فيا هههههههههههههههههه

استنينا لحد ما استازه مى جت وبعدين فى وكبه من الحزن لان معظمنا اتشخط فى

دكتور راشد طيب جددددددددددددددددددا بس اما بيشيل المسؤليه بيبقى صعب وبيتعصب اصراحه

هو لو مكنش بيحبنا مكنش عملنا الرحله دى وعلى فكره جبلنا بسكوت فى الاخر

كان يوم جاااااااااااااااااااااااامد وهيصنا وانبسطتنا كلنا احنا دفعه جاااااااااااااااااااااامده ويارب المشروع يبقى على نفس الشاكله

بجد اتعرفنا على ناس جامده وقربنا من بعض اووووووووى

انا فخوره بالجروب اللى اتعرفت عليه" انجى -هدى -اميره - مروه -منه- مايكل"

وطبعا دنيا دى بت ب100 راجل الواحد مش بيندم لحظه على معرفتها

ربنا ميحرمنى من كل دفعتنا

[medo italia]

ملف مرفق 1090

[KAREEM]

ايوة يا عم يا عينى يا عينى

دكتور محمد راشد شرحه كان حلو اوى

انتم السابقون ونحن الاحقون

لا وفى اكتر من كدا كمان
دا فى حاجات مش راضى انزلها
دكتور محمد تعب معانا جامد جدا اليوم دا
لدرجه ان صوته فى اخر اليوم بقى مفيييش

باذن الله دفعتكو تكمل المسيره
وتكونو أحسن كمان