نكته رخمة

**Rania Ismail** · 09-29-2008, 10:48 AM

كان فى مره واحد معاه ربع جنيه قال لصاحبة اروح اشرب بيه عصير ولا اركب بيه الاتوبيس
قالو لو شرب العصير مفيش مشكله لكن لو ركبت الاوتوبيس حيحصل حاجه من الاتنين
يا اما حقف يا اما حقعد
لو وقفت مفيش مشكله لكن لو قعدت حيحصل حاجه من الاتنين
ياحقعد جنب ست يا حقعد جنب راجل
لو قعدت جنب راجل مفيش مشكله لكن لو قعدت جنب ست حيحصل حاجه من الاتنين
يا حتبقى متجوزه يا اما حتبقى مش متجوزه
لو متجوزه مفيش مشكله لكن لو مش متجوزه حيحصل حاجه من الاتنين
يا حعجب بيها يا اما لاء
لو ماعجبتش بيها مفيش مشكله لكن لو اعجبت بيها حيحصل حاجه من الاتنين
يا اما حتجوزها يا اما لاء
لو متجوزتهاش مفيش مشكله لكن لو اتجوزتها حيحصل حاجه من الاتنين
يا حنخلف يا اما لا
لو مخلفناش مفيش مشكله لكن لو خلفنا حيحصل حاجه من الاتنين
يا اما حتطلع بنت يا اما حيطلع ولد
لو طلعت بنت مفيش مشكله لكن لو طلع ولد حيحصل حاجه من الاتنين
يا حيطلع مؤدب يا اما لاء

لو طلع مؤدب مفيش مشكله لكن لو طلع صايع حيحصل حاجه من الاتنين
يا حيسرق يا حيقتل
لو سرق مفيش مشكله لكن لو قتل حيحصل حاجه من الاتنين
يا حيقتل حد غريب يا اما حيقتلنى
لو قتل حد غريب مفيش مشكله لكن لو قتلنى

لا يا عم انا حروح اجيب بالربع جنيه عصير احس

**Mimi** · 09-29-2008, 10:57 AM

بصي يارانيا عندك حاجة من حاجتين

يااما أضحك ع النكتة من سكات

يااما أعلقك في النجفة واموتك ههههههههههههههههههههه

فخلينا احسن في الضحك ههههههههههههههههههههههههه ايه بس الرخامة دي ع الصبح الراجل دا لو قدامي كنت قتلته هههههههههههههه

حلوة ياقلبي ،، زي السكر منك

**Rania Ismail** · 09-29-2008, 11:15 AM

مرسى يا جودى على مرورك بس كنت عاوزه اقولك حاجه لما تقريها غير لما تسمعيها لو سمعتيها حتبقى احلى وارخم

**Mimi** · 09-29-2008, 11:19 AM

طيب بصي انا هقولها دلوقتي ياخويا واحاول ابقى رخمة وانا بحكيهالو

يمكن استرخم نفسي ومكملش ههههههههههههههههههه

**Mimi** · 09-29-2008, 11:21 AM

هههههههههههههههههههههههههههههههههههههه رانيا اخويا زهق مني من اول كلمة اتوبيس

**tiger** · 09-29-2008, 11:30 AM

ههههههههههه أنتى عايزه كلمه واحد مش أثنين أوعى تقولى نكت تانى علشان الأعصاب ومحدش يهرب من المنتدى ده وأكيد أولهم أنتى 0
شوفتى الكلمه الواحده معبره أزاى0

**Rania Ismail** · 09-29-2008, 11:42 AM

اخص عليك يا اشرف وانا اللى قولت حتعجبك ده انا حطاها مخصوص علشانك

**tiger** · 09-29-2008, 11:58 AM

ههههههههههه خص أيه وجرجير أيه هى دى نكت ولا عايزه تجيبى للمنتدى شلل جماعى وكمان حطهالى مخصوص يعنى طب أهداء فى الأخر ولا حاجه علشان لما أتشل أتشل لوحدى مش المنتدى كله هههههههههه 0

**Rania Ismail** · 09-29-2008, 12:01 PM

اضحك ولا ازغزغ نفسى وبعدين انا قولت اصلح الموقف ده واحطلكم سلسله نكت حلوه ونزلت اول جزء منها ادخل وتبقى قولى ايه رئيك الواحد ميعرف يغلس عليكو فى المنتدى ده