انا والبطيخ... وهواك .(الجزء الثانى )

**احمد عبد الحليم** · 12-17-2008, 02:12 AM

انا والفسيخ وهوااك .. برنامج .. للحب.. و عن الحب

مع اوووسامه منير

الحب
ذلك الشعور السهلبيسي الذي يزعزغ عقول البشر
و يهشك قلوبهم

مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها

دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...

اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساورس يشوفنا

او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك

و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع
مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي

مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها

نستقبل اول اتصال تليفوني و نقول الوو

الوو

الووو

الووووو

واضح ان الخط قطع

- الوو ايوا يا اثامه

اهلا نتعرف بيكي ..

- بثمه

اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..

هو بيضحك وفاتح بقه اهوه و بيقولك
مرسي ليكي يا بسمه

- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة

جميل

- اهـء اهـء اهـء

لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

اححمم
حتى الموبايل

- يا اثامه بقولك كل حاجة
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالط و بهديلك اغنية السوبر ستار عمرو دياب ....

يا قاعدة علي الترعه و بتغسلي المواعين
جاتك ستين وكسه دا شرفك بقا في الطين

نص ساعة اعلانات ..

انتظروا المذييييييييييييييييييد

**مى الشورى** · 12-17-2008, 02:23 AM

موضوع جميل يا احمد
واكتر حاجه ضحكتنى
هى ماسك ايديها يفعس
فيها وهما قاعدين فى الشارع

شكلك كنت شايفهم
فى انتظار المزيد

**اسامه البنا** · 12-18-2008, 03:29 AM

المشاركة الأصلية كتبت بواسطة مى الشورى

موضوع جميل يا احمد
واكتر حاجه ضحكتنى
هى ماسك ايديها يفعس
فيها وهما قاعدين فى الشارع
شكلك كنت شايفهم
فى انتظار المزيد

الواد قاعد لحظه رومانسيه
تقطعي عليه ليه؟

**احمد عبد الحليم** · 12-19-2008, 01:16 AM

شكرا مي علي مرورك وردك

ويارب تكون عجبتك....

**مى الشورى** · 12-19-2008, 01:38 AM

ايه يا عم اسامه
انت كنت معاهم
هو متنفعش الرومانسيه غير كده

**Night Moon** · 12-28-2008, 10:49 PM

لا بجد جامدة انا بقالي مدة كبيرة مش متابعة البرنامج انت كدة هتخليني اتابعة تاني بس علي المنتدي مستنيه منك حلقات جديدة

**Youssef Mostafa** · 12-31-2008, 03:24 PM

برنامج جامد موووووووووت ياحليم اللهينور ننتظر المزيد

**Rania Ismail** · 12-31-2008, 10:56 PM

انت مصيبه يا حليم والله
بس بجد الله ينور عليك ومستنييين منك حلقات تانيه
يا فاااااااااااالح

**احمد عبد الحليم** · 01-04-2009, 11:12 PM

شكرا نايت مون علي مشاركتك وردك

وشكرا يوسف علي مرورك وتشجيعك الدائم
تملي منورنى والله

وشكرا انسه رانيا صديقتي اللدودة ومنورانى...

وانتظروا باقي الحلقاااااااااااااات قريبا.....

**white_heart** · 01-14-2009, 01:31 AM

اية الحقد دة كلة يا عم

ما تسيبة يستهبل قصدى يتكلم عن الحب

انت خسران حاجة

موضوع جميل

بس الحب مش استهبال

هو اسامة منير دة بيستهبل اة بس

مش كل الحب هبل

تسلم ايديك ومستنية الباقى

الموضوع: انا والبطيخ... وهواك .(الجزء الثانى )

أدوات الموضوع

عرض

انا والبطيخ... وهواك .(الجزء الثانى )

الكلمات الدلالية لهذا الموضوع

المفضلات

المفضلات

ضوابط المشاركة