زحمة يا دنيا زحمة

[ahmedko]

مين فينا مبيكرهش الزحمة
بجد مين فينا و هو راكب المواصلات رايح الكلية الصبح مبيلاقيش السكة مقفولة
يا ترى فيها اية حادثة
ولا عبدو مشتاق معدى

ولا المصيفين ولا اية
انا عن نفسى بكرة اسكندرية فى الصيف عشان الزحمة و ما بقدرش امشى و اتحرك بالساهل

[Mimi]

ياااااه يااحمد انت جيت ع الجرح والله

مصــر مفيهاش زحمة يابني ولا حاجة ، مصــر حاليآ عبارة عن قنبلة موقوتة وهتنفجر دا اذا مكنتش انفجرت فعلآ

والله شئ يكسف اللي بيحصل في بلدنا دا ، ولا أتعشم ان قوانين المرور الجديدة هتصلح حاجة

المشكله في الآخر ييجي يقولك ايه ، ما انتو ما بتعملوش حساب لعدد السكان وبتخلفو عيال كتيره ، هيا البلد خربانه من شوية .. ما هي منكم

والله انا بيغيظني اوي الرد دا هو احنا كمان هنتدخل في ارادة ربنا ونحدد النسل عشان نقلل السكان وبكدا المرور هيتحل ؟



دي اليابان فيها 128 مليون مش 80 مليون زينا واتفرج على النظام اللي يخلينا ننتحر باه من بعد ما نقارنه بينا ، ليه احنا شعب بيخلق الاعذار بس ؟ ومنحاولش نزبط نفسنا ونحل مشكلتنا دي

طيب شوفو الصين ، بكين لوحدها فيها اضعاف اضعاف شعب مصر كله ومع ذلك النظام في المرور رهيب جدآ وأظن الاولمبياد كان أكبر صورة مشرفة ليهم وأثبتت دا

يقولك ياعم الصين دي شوف أكبر مننا بـ قد ايه ؟ وهو حضرته ميعرفش ان في حاجة اسمها كثافة سكانية ونسبة وتناسب والصين مصنفة من اكتر البلاد كثافة سكانية

انا نفسي والله منفضلش نضرب مثل بالشعوب والبلاد التانية

[الشبح]

بحبك يا مصر .......... هههههههه

[tiger]

موضوع جامد يا أبو أحمد لو فى تنظيم جيد فى المرور زى الدول الطبيعيه الأمور حتبقى كويسه 0

[Rania Ismail]

ان شاء الله لما امسك منصب كبير فى الوزاره ححللك المشكله ديه يا ابو حميد ولا تزعل نفسك

[Wild_Angel]

No Comment

على الزحمه وتعبها وخصوصا انها فى كل مكان

طوابير العيش والمواصلات وحتى محطات الوقود

[ahmedko]

بجد با جماعة الموضوع لا يطاق
الواحد عشان يروح مشوار من سيدى بشر مثلا لحد المنشية ينزل قبليها بساعة ونص تقريبا
لية هو اليوم فية كام ساعة!!!!!!!!!!!
و على فكرة يتهيألى ان الموضوع دة ليه اثر نفسى عند الناس كلها
يعنى ممكن لو الواحد رايح الامتحان مثلا و الدنيا زحمة التوتر بتاع الوقت اساسا و ان هو هيتأخر ممكن يسببله مشاكل و ينسىحاجات فى الامتحان

حاجات كتيرة اوى ممكن تسببها الزحمة

[Hassan Mohamed]

ايه اللي دخل البنزيم في الموضوع ده مش فاهم

[ahmedko]

معاكى حق يا جودى و الله المشكلة ان احنا اساسا مش منظمين
يعنى الصين تقريبا 1.2 مليار نسمةتقريبا قد عدد سكان مصر 15 مرة
شوفى الدنيا عندهم عاملة ازاى
بلاش الصين و اليابان دى دول من كوكب تانى
شوفى اوخنا العرب الامارات ،البحرين ،قطر
دا حتى الدكتور على ذكى كان بيحكيلنا على البحرين و على النظام فيها و الله كنا بنتحسر على المهانة اللى احنا فيها

[ahmedko]

ايو يا ابو على
صباح الفل
انتى مش عايش معانا ولا اية
مبتشوفش الطوابير اللى فى محطا ت الوقود على بنزين 80
و الله دى التكسه بتبقى بالميات فى شارع ابوقير