مــاذا تفعل لـــو كنـــت مكــانى.×.×النهاردة.. حيرة المراة امام سى السيد

[tiger]

علشان أول حاجه هو مش عمو ده قريب من سنى تقريبا وكمان أنا لو دخلت فى مشكله ممكن تكون دمويه شويه ههههههههه وكمان كانت ساعه فطار وكنت بدور على أنى أروح بسرعه ومعايا صاحبى ومن الأحراج والزهزل أندهشت ومعرفتش وقتها غير أنى أغير الطلب واغلس عليه ولا أنتى رأيك أيه0

[Hassan Mohamed]

الغيرة يا بشمهندسة من اسؤء الطباع اللي في الانسان واعتقد ان ده بيكون انسان مريض ده طبعا في حالة الغيرة اللي فيها نوع من الحقد

[ميرا مار]

امممممممممممممم
سؤال صعب يا اشرف والله .. الواحد بيحتار ..
بس بافتكر حكاية الحسن والحسين لما جم يعلمو واحد اكبر منهم الوضوء .
.وحاولو يحكموة مين بيتوضى صح
والراجل فهم الاشارة..
لكن دة كان وضوء

اللى بيغش بقى
تفتكر ممكن يفهم اشارة .. هو كان شكلة شرير قوى؟؟؟؟؟؟؟

[tiger]

ههههههههههههه شرير ولا طيبهو كان غلطان فى وقت أذان المغرب وقت الفطار ده راجل الضمير عنده راح خلاص بس نعمل أيه هى دى الدنيا فيها الصالح والطالح والمطلوب الأحتمال والسيطره على الأعصاب والمشكله الى فيه أنى لو الأعصاب فلتت خلص الكلام هههههههه0

[ميرا مار]

لا ماهو لو طيب تفهمه بالزوق
ولو شرير ترمى الكوباية ف وشه وتطلع تجرى
هههههههه اوعى تعمل كدة

[sarah]

انا فى مشكله حقيقيه يا بشمهندسة,
بدأ تفاهمى مع صحابى يقل خاصة الفترة الاخيرة مش لقيه اللى يساندنى رغم انى عمرى مطلبت من حد مسانده ,كنت انا بس اللى بساند, انا مش قادرة اوضح اكتر للاسف عشان الدفعه هنا ياما عرفينى ,بس وجهينى عمل ايه ؟
انا وصل تفكيرى انى ابعد عنهم بس للاسف عندى مبدا لو تركت صحبك مهما كان السبب يعتبر خيانة.
اعمل ايه؟؟؟:confused:

[ميرا مار]

اولا انا اسفة جدا يا سارة واللة اول مرة اشوف المشاركة دى
الفترة اللى فاتت كان عندى لخبطة فى النت ومش كنت ملاحقة ع الاشراف..
لا يا سارة.. اعكسى الوضع ليه صحابك مايبقوش جنبك انتى فى الوقت اللى انتى احتاجتى لهم فيه
وبالعكس بقى
هو دا الوقت المضبوط اللى تختبرى فيه صداقاتك..
والصديق مطلوب منه ايه اكتر من المساندة؟؟؟
مش هيستاهل صداقتك غير اللى وقف جنبك بجد..
طمنينى عليك عشان انا بجد عايزة اعرف وصلتى لايه..

[ميرا مار]

طيب

جايبالكم مشكلة جديدة وموجودة كتيييييييييييير

الميراث

وحيرة المراة بين الزوج والاخوات

يعنى واحدة اعرفها.. جوزها طلب منها حاجة معينة تبقى من نصيبها فى الميراث

وطلي منها تطلب من اخواتها.. وهى رفضت وقالت اللى اخواتى يشوفوه يعملوه

وانا مش هاخسر اخواتى عشان اى حاجة فى الدنيا

كبرت المشكلة..وكل واحد مصمم على موقفه

وماحدش يقوللى وهو الزوج ماله

انا معاكم لكن فى مجتمعنا التحفة دا.. الزوج سى السيد يقول:cool:
انا ادرى بمصلحتك ومصلحة ولادى :mad:.. ولازم اشوف مصالحك وانا لااازم اخد لك حقك من اخواتك:confused:

ليه هو شايف نفسه ادرى ؟؟ مش عارفة:confused::confused::confused:

ها

لو انتو مكان الزوجة دى تعملوا ايه؟؟؟

[Zooma]

تروح لاخواتها وتقولوهم ويوزعوا الميراث عليهم
بالحق وزى ما الدين مابيقول ولو ده هيعمل مشاكل بينهم
تقول ان توزيع الميراث كأن لم يكن يعنى ماحدش ياخد حاجه فعليه
الا بعد عمر طويل ان شاء الله لاخوها الكبير او لابوها او كبير العيله يعنى
يتوفى وتسكت جوزها

موضوع جميل اوى يا ميرا

[ميرا مار]

ميرسى يا زوما..

بس مش شايف ان الحل دا مستحيل فى زمننا دا؟؟

الكل عايز فلوس..حتى اللى عنده وعايش كويس عايز يعيش احسن

ودى مشكلة