مش عايز وعد منك

[أ.توفيق سمير]

[]مش عايز وعد منك
ولا عايز قرب منك
عايزك تسبينى احبك
واعيش احساسى بيكى وبقلبك
واشوف سعدى وشقاية فى حبك
مش عايز ولا كلمة من عنيكى
وسيبى اشواقى توصل ليكى
وعنية تخاف عليكى
مش عايز منك كلام
وتخافى علية من الاحلام
واصعب عليكى يوم
وازاى يجيلى نوم وانا بحلم بيكى كل يوم
سبينى وحدى اشوف الويل
وانا بناجى نجوم الليل
وانا بحكى موالى والصبر جميل
دة عشانك حبيت سهر الليل
مش عايز نهاية لشوقى ليكى
ولا تقوليلى قلبك لغيرى
وانى مش ليكى
ولا تحرمينى يوم من حبك

وتفتكرينى مستنى نهاية لحبى
وكفاية علية اشوفك من بيعد لبعيد
فى لحظة لؤى او فى حلم جميل
مش فارقة عنية تيجى فى عنيكى
او اسمع كلمة تطمنى عليكى
وكفاية ولا يوم هينساكى قلبى
وافضل فاكرك اول حب بعمرى
ماله نهاية الا بنهاية عمرى

[أ.توفيق سمير]

ياريت تعجبكو وبشكركم جميعا

[Nhla147]

اهلا وسهلا بيك يا استاذ توفيق

وبجد كلمات حضرتك عجبتنى اوى

اتمنى لك المزيد ان شاء الله

أختـــــــــ نهله ـــــــكم

[احمد عبد الحليم]

ايه الجمال دة بس والله هايل يا توفيق
وحشتنا يا راجل...

[Hassan Mohamed]

جمييييييييييلة قوي

[Youssef Mostafa]

مشكوور ياباشا على الكلمات الجميلة دى واهلا بيك فى المنتدى

[اسامه البنا]

وازاى يجيلى نوم وانا بحلم بيكى كل يوم
سبينى وحدى اشوف الويل
وانا بناجى نجوم الليل
وانا بحكى موالى والصبر جميل
دة عشانك حبيت سهر الليل
مش عايز نهاية لشوقى ليكى
ولا تقوليلى قلبك لغيرى
وانى مش ليكى


الله ينور يا عم ايه؟ الجمال ده

[أ.توفيق سمير]

شكرا نهلة على مرورك وردك وميرسى جدا على زوق حضرتك
كما بشكر حسن واحمد صديقى اللدودويوسف واسامة البنا
ويارب يكون الموضوع عجبكم

[تولين]

رائعة مش عايز وعد منك فعلا يا ا.توفيق
رائعةبجد