طريقة تفكير المصريين ومقارنة بالصين

**hossam** · 02-12-2009, 05:45 PM

طريقة تفكير المصريين ومقارنة بالصين صلى على رسول الله لا بنشحت ولا بنقول لله قرب يابية قربي ياهانم

معانا طاقم ولاعات من النوع الاصلي بتتبتاع فى بلدها الولاعه الوحده بواحد دولار وعلشان ولاد بلدي

الجدعان هنبيع الاربعه بجنية والوحده بربع جنية وعلى التجربة اتفرج يابيه جرب ياكبتن شوفي كدا ياهانم

شوف يابية الساعه اتفرجي ياهانم كلها مركات عالمية فى بلدها بتتباع بـ 100 دولار

علشان ولاد بلدي الغليييين هنبيعها بخسارة الساعه بـ 10 جنية ملحوظه بعد الفصال ممكن تشتريها بـ 2 جنية

يلا خلى الغلابة يلبسوا سعات وبلاش احنا حد هيستفتحنا مين هيقول هات

هنروح عند واحد تانى

اي حاجه بـ اتنين ونص وتعالى بص قرب واتفرج بـ اتنين ونص بنيبع مسروق بتنين ونص هنضارب السوق بتنين ونص

طيب بتنين وبس انتين وبس قلب واتفرج اتنين وبس ..........................

وهتلاقى عند ابو اتنين ونص ما تشتهي الانفس وكله تحت شعار صنع فى الصين

سؤال محيرني ومجننى ومجنن الدنيا كلها

السؤال هوا
ليه الولاعه الصيني بربع جنيه ؟
ياتري هيا فى بلدها تكاليف التصنيع بتعتها كانت كام والشحن كام
ودخلت مصر عند المستورد بكام وراحت للتاجر القطاعي بكام
وتيجي تتباع بـ 25 قرش ويوم لما تكون غاليا تتباع بـ 50 قرش اقصي شئ
ولو روحت املاها غاز هاملاها بـ 25 او 50 قرش
طيب لو جينا صنعناها هنا فى مصر ليه هتكون التكلفة بتعتها اربعه خمسة جنية على الاقل
والبديل الوطنى الموجود الكبريت والعلبة بـ 15 قرش دا الردئ
فى حد فاهم الصينيين بيعملوا كدا ليه
طيب بلاش الولعات ليه الساعه الكاسيوا الصيني بـ 2.5 جنية واليبانى بـ 60 او 70 جنية على الاقل
الفرق شاسع ومفيش ولا واحد يقدر يفرقهم من بعض والاتنين بيشتغلوا بكفاءه عليا هيا اليباني بتعيش فتره اكتر
بس فرق السعر شاسع

انا قولت الكاسيوا مثال بسيط هتلاقي فى جميع الانواع روليكس كارتز وكل الانواع تقريبا والسعر مش هيعدي 10 جنية على الاكثر
بلاش الحجات دي ليه البنطلون والقميص الملابس عموما الصيني ارخص من المصري اضعاف وجيد الى حدا ما وبيمشي يعنى

ياتري العيب فى مين فينا ولا فيهم علشان هما شيفين شغلهم صح وبيشتغلوا بضمير ؟

ولا عرفين احتيجات كل شعب او كل منطقة تحديدا ؟

دا ميمنعشي ان عندهم صناعه متقدمه ومتطورة جدا وذات كفاءه عالية جدا ؟

ياتري نقدر نعمل زيهم ؟

اي حد عنده اجبات للاساله دي يتفضل مشكورا يجاوب عليها ؟

واي واحد عنده عنده اساله يتفضل ويقولها ونشوف انا وهوا حد يجاوب عليها اجابة مقنعه

**Marwa Mahmoud** · 02-18-2009, 09:57 PM

شكرا ليك يا حسام موضووع جميل جداااااااااااااااااا

وعجبتنى فكرتة ..
المصريين مش أقل من حد

المصريين لو جينا نشوف هنلاقى أنهم بيشكلوا معظم العلماء
وان المصريين عندهم ملكة الذكاء قوية جدااااااااااااااا
بس للأسف أحنا مش بنستغل الثروات البشرية اللى عندنا
زى مهما بيستغلوها ويوظفوها صح
وهم عندهم كل شئ بجدية وعرفين هما بيعملوا أيه
وبيمشوا على تخطيط مسبق .
أما نحن للأسف عكس ذالك تماما

وأتمنى أن ينشئ جيلا جديدا ينهض بمصر
يكون أفضل مما هو موجود الان

عذرا للأطالة

**هدى على** · 02-22-2009, 06:04 PM

السبب فينا احنا يعنى لو ركزنا شويا وبطلنا كسل واتحدنا اكيد هنلاقى نتيجة لكن كل واحد مصرى بيقول مصلحتى اولا وانا مالى ولا زم يكون فى مراعاة ضمير فى الشغل بنلاقى معظم المصريين الى فى الخارج بيشتغلوا طحن والوقت قليل على العكس فى بلدةبمعنى اصح بيشتغلوا بزمة برة لكن جوة فية خلل علشان هو عارف مصيرة لكن برة لو قصر فى حاجة يضمن انة ضاع .

**hossam** · 06-15-2009, 10:25 PM

ميرسى ليكى يا ميرو انتى و هدى

وعلى رأيكم

**ALY ELSAYED** · 09-17-2009, 05:41 PM

الله ينور يا حسام

موضوع جامد اوي

وفعلا الصين غزت العالم كله

بس الناس دي عندها ضمير صاحي وده الفرق

لان للاسف بلدنا غنيه وفيها خير كتير بس منهوبه

جزاك الله كل خير

**اسامه البنا** · 09-17-2009, 07:41 PM

والله الحكايه ديه هتجنني برضه

لما تروح بقي في الجمله بتاعت الاكسسوار بتلاقيه بالكيلو

والساعات الي جملتها 10ج

ولو تغيرلها حجر في مصر بخمسه جنيه

والله انا نفسي افهم الناس ديه بتكسب ازاي

اكيد في العدد الكبير

وموضوع هايل الله ينور

الموضوع: طريقة تفكير المصريين ومقارنة بالصين

أدوات الموضوع

عرض

طريقة تفكير المصريين ومقارنة بالصين

الكلمات الدلالية لهذا الموضوع

المفضلات

المفضلات

ضوابط المشاركة