ما بين الجبن وراحة البال؟؟؟؟

[Wild_Angel]

السلام عليكم ورحمة الله وبركاته

ما بين الجبن وراحة البال يا دوبك خيط؟؟؟

جمله سمعتها فى احد مقدمات المسلسلات فى رمضان وشدتنى اوى

وحبيت اسالكم فيها سواء الشباب او البنات

هل بالفعل بينهم ذلك الخيط الرفيع؟؟

هل الآن الناس توجهت الى راحة البال المؤديه للجبن؟؟

اطرحوا الاسباب وياريت لو عندكم حل للمشكله بس يكون حل فعلى ونقدر نعمله تضيفوه فى مشاركاتكم.

انتظر مشاركاتكم...

[tiger]

فى طائفه من الشعب وأسف أقول انها طائفه كبيره عارفه ان طول ما انتى مريحه بالك من المواجهه او المشاركه هى كده فى السليم وممكن أقول أن أغلب الموضوع ده فى التعامل السياسى وأى حد حتلقيه بيقول أسئلى مجرب ولا تسئلى طبيب ولازم الى يتكلم فى الحق وخصوصا فى الأيام دى يكون مسنود ودخلت راحة البال جميع مجالات حياتنا عن طريق الباب ده وخليها راحة بال وخافى على نفسك ههههه

[Wild_Angel]

ربنا خلقنا وهو اللى يحفظنا ولو الناس كانت بتفكر صح كان متهيقلى سابتها على ربنا ومريحتشششششش بالها الى حد الجبن اللى مخلينا متداريييين
بس نعمل ايه منهم لله اللى كانوا السبب...حسبى الله ونعم الوكيل...حسبى الله ونعم الوكيل...الراجل صاحب البيت الله يكرمه ....ومع انه عنده قرايب كتير فى الحكومه بس مرضاش ياذينى (من فيلم جاءنا البيان التالى)

شكرا لمرورك

[eslam mamdouh]

فى فرق كبير بين الجبن والحرص والصبر
الجبن غير مقبول على الاطلاق لانه نوع من انواع الضعف

اما الصبر فهو صبر القوى غير العاجز عن فعل الشئ

لاحظى ان فى فرق كبير ما بين راحه البال والسلبيه وعدم الامبالاه

اسوء شى السلبيه


لكن اما مش عارف انت ليه رابط ما بين الاتنيين مع ان شايف ان مفيش تشابه بينهم

[Mimi]

هو دا كان مسلسل ايه أرجوكي قوليلي

انا مخي مشتت ومش عارفه اقول حاجة لاني عايزه افتكر اسم المسلسل :(

[Eng Amr Adel]

كان مسلسل قلب ميت :);)

[Mohamed Gaber]

وخيط بين الهروب و الميش جمب الحيط

[ميرا مار]

بص
هما ماحددوش نوع الخيط ايه
اصلها تفرق
والله ماباهزر
طب فكر شوية وهارجع تانى ارد فى الروقان كدة بعد الفطار

[AYMAN GAMAL]

مع الاسف انا بكرة المسلسلات كره العمى
مع ذلك عمر الجبن ما يوصل لراحة البال ابدا عشان فية حاجة اسمها تانيب الضمير
وعمر راحة البال ما توصل للجبن عشان ملهاش محل من الاعراب(مفيش علاقة عكسية يعني)
يبقى لو سحبنا الشعرة اللي بينهم
هنلاقي تنافر
اذا المسلسلات هجاصة
وهو المطلوب اثباتة

[shimo]

لا لا لا لا المسلسلات مش هجاصه
اقولك ليه المسلسل دا بالذات بيناقش قضيه فعليه وحقيقيه
عارف ايه هى ؟؟؟؟؟؟؟
الافترا على الغلابه
لما الواحد مش يكون مسنود او ملوش ضهر وعلى فكرة بتحصل كتير
نصهم بيسلم ويقول وانا مالى خلينى جمب الحيط
صح كلامى ولا لاء يا جماعه ؟؟؟؟؟؟؟؟؟؟؟؟ مش دا كلام بيحصل اصلا فالحقيقه ؟؟؟؟؟؟؟؟