ممكن ...عاوزه أفضفض شويه ..تعبانة اوى

**Sara Gamal** · 01-30-2009, 12:38 AM

أنا عارفة إن الموضوع هيكون غريب ..بس بجد حسيت إنى عاوزه اصرخ بصوت عالى أوى ..وملقتش غيركوا قدامى

وخلصت امتحانات ..انتهت الدوامة اللى كانت منسيانى واقع فوقت عليه النهاردة ،دخلت اللجنة وانا سعيدة جدااااااا لان النهاردة اخر يوم وخرجت وانا كذلك حتى التقيت بصحباتى ،ولاول مره اطلع القسم فى الامتحانات ..شعور غريب ..رغبة إنك عاوزة تحضن كل شئ قدامك ..خوف قلق غربة..وكان شئ بيتقطع جوه قلبك
ونزلت تحت ...شريط بيمر قدامى ..تلت سنين ونص عدوا..يااااااااااااااااااااااااااااااااااااااااااا اااه
عارفين يعنى ايه تلت سنين ونص يعدوا قدامك فى دقايق ..وكانهم فعلا دقايق ..كل ركن ليك فيه مشهد من الشريط وكانه بيكلمك ويحكيهولك ...كل وجه شوفته كانى لاول مرة بشوفه...احساس انك عاوز ترتمى فى حضن كل اللى تعرفهم على اختلاف معرفتك بيهم..كلمة ليهم جواك مش عارف تقولها,,ضياعه منك وسط الكلام
وخرجت من الكليه ...وانا حاسه انى كنت بتفرج على فيلم انا فيه وفى نفس الوقت بتفرج عليه...او زى كتاب قعدت تقراه لحد لما عيشته وبعدين خلص...
كل ده وانا بين الوعى واللاوعى ..ماشية وبتحرك بدون ارادة ...وفضلنا ماشين نضحك ونهزر وناكل ولسه عندى احساس انى نفسى احضنهم اوى
وبدانا نخلص واحدة ورا واحدة ..لحد لما لقيت نفسى لوحدى فى اوضتى ...ببص فى المرايا ومبقتش عارفة اذا كان كل ده حصل ولا ......
يااااااااااااااااااااااااه...خلاص كدا
مهو كل حاجة لازم تخلص ...حتى عمرنا
عارفين النهاردة...لاول مره من تلت سنين افوق اوى كدا...من تلت سنين (بالضبط الا يومين) كان ليا صاحبة يمكن شويه عليها كلمة صاحبة ..كانت كل حاجه وكل حد ليا رغم انها كانت اكبر منى ب 13 سنة اتوفت يوم 2/2/ 2006 ......اتوفت فى حادثة العبارة هى وزوجها واولادها التلاته..... تعرفوا انى من تلت سنين مبكتش عليها ولا مرة
والنهاردة اول مرة احسها ماتت بجد
على فكرة انا مش عارفة بكلم كدا ليه....انا بجد اسفة على النكد ده من اول يوم اجازة

بس مش عارفة انا يمكن مقدرش اقول الكلام ده تانى
بس انا فعلا كل الناس اللى عرفتهم بحبهم اوى حتى لو مقدرتش اوصلهم ده لحد لما اموت

ورغم ان الايام خلاص قربت اوى .....بس بجد اكتر حاجة بتمناها دلوقتى ..ارجع تانى سنة اولى

رغم انى من اربع سنين علت اوى انى دخلت المكان ده...بس بجد انا دلوقتى بحب كل جزء وكل شخص فيه اوى لانه بقا بيمثل جزء منى

اعذرونى مرة تانى...احيانا بتبقا رغبتنا فى الحديث اقوى بكتير من اى شئ تانى

بجد بحبكوا اوى

**mr.lonly** · 01-30-2009, 12:56 AM

دى سنه الحياة يا انسه سارة والفضفضة صدقيني مالهاش معاد ولا اجازة ولا صيف حتي بس بجد انتى فكرتينا بحاجات غايبة عننا -يمكن اليومين دول بس_ بس حاولي تنسي الفكرة دى وتطرديها من خيالك واستمتعي بكل لحظة ليكي مع اصحابك وانسي كل لحظات الحزن عشان تقدري تعيش الفرح

**اسامه البنا** · 01-30-2009, 01:24 AM

إنك عاوزة تحضن كل شئ قدامك ..خوف قلق غربة..وكان شئ بيتقطع جوه قلبك

ورغم ان الايام خلاص قربت اوى .....بس بجد اكتر حاجة بتمناها دلوقتى ..ارجع تانى سنة اولي

والله كلامك مقارب لحلتي خالص يا ساره

والله مش عارف ازاي هيعدي يوم عليا من غير ما اشوف اصحابي

خلاص خرجين لدوامه الحياه

كان الواحد بيتولد او بيخرج من مرحله لمرحله يعني لما كنا بنخرج من ابتادئي لاعداي وثانوي

غير كده خالص المفروض انه يكون فرحان انه هيخلص

لكن العكس انت بتبدا مش بتخلص

الله المستعان يا ساره

وياااااااااااااااااااااااارب اشوف اصحابي دول علي طول في سعاده وهنا

**م/ احمد فاخر** · 01-30-2009, 01:55 AM

ساره اكيد
انتى جواكى حاجات كتير اةى غير اللى انتى قولتيه
بس انتى عافه لمجرد الفضفضه بتحسى بارتياح جامد
فياريت تكون عنديك اصحاب كتير تستريحى معاهم
وكل ما تفضفضى اكتر كل ما هترتاحى اكتر

**free eagle** · 01-30-2009, 02:57 AM

سارة بجد والله ربنا يستر

مش عارف ليه الواحد حاسس بالوحدة خالص كدة ليه وهو بيشوف الناس كلها بتودعوا

حتى لو هيتقابله تانى كفاية انك خلاص تفكري ف اليوم اللي انتى ممكن متشوفوش بعض غير صدفة

مش عارف بجد انا اوصلك الاحساس اللي جوايا ازاى بس نعمل ايه

دى سنة الحياة

وكفى الدنيا زما انها تاخذ من امام اعيننا كل شخص يحبنا ونحبه

وبجد بجد انتى خلتينى افكر ف اليوم اللي هلاقي نفسي اكنى مش اعرف حد خالص

بجد ربنا يستر

**farida** · 01-30-2009, 03:01 AM

الناس كلها بتفضفض و بييجي علي الواحد لنه نفسه يعمل اي حاجة
بيجري علي اعز الناس اليه و بفضفضله
و 3 سنين و نص كتير بس لما تحسيهم و تفتكري مواقف فيها
حتقدري السنين ديه كلها و يكون نفسك ترجعي سنة اولي تاني و ترجعي لنفس المواقف تاني و هي فعلا احلي الايام و اللحظات
و نفسك الزمن يرجع بيكي لورا زيي بس انا في اولي بس نفسي ارجع ثانوي عشان كانت فعلا احلي ايامي
فالفضفضة شيء طبيعي و انتي لما كنتي عايزة تفضفضي كلمتي المنتدي و احنا فعلا زي اسرتك
و الله يرحم صحبتك بس يبختها عشان هي دلؤتي من الشهداء و اللهم اجعلنا من امثلهم
و طبعا اسامة و احمد و مستر لونلي علي حق
و فعلا كل ما تفضفضي اكتر حترتاحي اكتر

**ميرا مار** · 01-30-2009, 10:25 AM

صباح الخير يا ساااااااااااااااااااااااارة
ههههههههههههههههههههههههههههههههههههههه

ماشى يا عم..تلاقيكى دلوقت فى الطريق(يارب توصلوا بالسلامة)
ههههههههههههههه ولا فاكرة حاجة من الكلام دا..واعتقد ان النهاردة بداية احلى اسبوع فى حياتك
ههههههههفى الصحرا والسقعة ..بس بين الناس اللى عرفتيهم فى احلى مرحلة فى حياتك
يالا يارب ترجعولنا بالف سلامة

**سلمي جمال** · 01-31-2009, 08:32 PM

سارة بجد مش عارفة اقولك اية
احاول اطيب خاطرك ة اهدي من مشاعرك الجميلة دية
ولا اقولك علي الواقع الي حتشوفيه اخر يوم الكلية

دة نفس احساسي والله اخر يوم ليا في المشروع و اخر يوم امتحانات
و قلت لنفسي لاء صحابي مش حينسوني و حنفضل علي طول صحاب
طول العمر

بس بعد كدة
...
...
....
.....
.....
......
.......
مفيش حد
كلة بيمشي و مش بيرجع

الحمد لله
ربنا يسعدك و يخليكي تتحملي كل لحظاتك القاسية

**free eagle** · 01-31-2009, 08:37 PM

معلش يا سلمى خلاص احنا بقي اصحابك واخواتك

ومتزعليش لان كله الدنيا بتنسيهم بس لما تشوفوا بعض تانى هتفتكروا الايام الحلوة

بس برده معلش يعنى بالنيابة عن كل اصحابك اللي انتى بتتكلمى عليهم

انا بتاسف بالنيابة عنهم وبقولك ادنيا اخديتنا

الموضوع: ممكن ...عاوزه أفضفض شويه ..تعبانة اوى

أدوات الموضوع

عرض

ممكن ...عاوزه أفضفض شويه ..تعبانة اوى

الكلمات الدلالية لهذا الموضوع

المفضلات

المفضلات

ضوابط المشاركة