امتي يجي اليوم دة ؟؟
و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـي؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)
و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة ... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...
و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...
لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياماما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟
قالتلى عندى 3 سنين
رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض
+ إنشاء موضوع جديد
النتائج 1 إلى 10 من 31
الموضوع: امتي يجي اليوم دة ؟؟؟
-
11-25-2009, 11:16 PM #1Status
- Offline
- تاريخ التسجيل
- Oct 2008
- الدولة
- On My Moon
- المشاركات
- 1,154
مشرفة الاقسام الترفيهية
- معدل تقييم المستوى
- 6944
امتي يجي اليوم دة ؟؟؟
التعديل الأخير تم بواسطة Night Moon ; 11-25-2009 الساعة 11:21 PM
-
11-26-2009, 12:29 AM #2Status
- Offline
- تاريخ التسجيل
- Sep 2009
- المشاركات
- 420
عضو محترف 50%
- معدل تقييم المستوى
- 5792
هههههههههههههههههههههههههههههه
زى العسل ايه كل ده
-
11-26-2009, 12:44 AM #3Status
- Offline
- تاريخ التسجيل
- Oct 2008
- الدولة
- On My Moon
- المشاركات
- 1,154
مشرفة الاقسام الترفيهية
- معدل تقييم المستوى
- 6944
-
11-26-2009, 12:45 AM #4Status
- Offline
- تاريخ التسجيل
- Oct 2008
- المشاركات
- 6,688
عضو ملكى 100%
- معدل تقييم المستوى
- 12409
هههههههههههههههههههه
جميله جداا تسلمى يا قمر
-
11-26-2009, 12:49 AM #5Status
- Offline
- تاريخ التسجيل
- Mar 2009
- المشاركات
- 133
عضو مجتهد 40%
- معدل تقييم المستوى
- 5673
ههههههههههههههههههه بتعيشى علينا يا نايت مون بس حلوة بس مكنتش بحب العب مع بنات وانا صغير
-
11-26-2009, 01:50 AM #6Status
- Offline
- تاريخ التسجيل
- Oct 2008
- الدولة
- الاسكندرية
- العمر
- 33
- المشاركات
- 1,320
مشرفة قسم المناسبات الاجتماعيه
- معدل تقييم المستوى
- 7050
ههههههههههههههههههههههه
ههههههههههههههههههههههه
يا نهار ابيض روفيده طلعت 3 سنوات
هههههههههههههههه
مشكله والله انتى يا اسماء
-
11-26-2009, 01:56 AM #7Status
- Offline
- تاريخ التسجيل
- Oct 2009
- الدولة
- عند لوحة مرحبا بك فى الاسكندرية
- المشاركات
- 623
عضو مميز 70%
- معدل تقييم المستوى
- 6179
وانا كمان عايز ابوس روفيدة
اشمعنى انا
-
11-26-2009, 02:03 AM #8Status
- Offline
- تاريخ التسجيل
- Oct 2008
- الدولة
- On My Moon
- المشاركات
- 1,154
مشرفة الاقسام الترفيهية
- معدل تقييم المستوى
- 6944
-
11-26-2009, 03:03 AM #9Status
- Offline
- تاريخ التسجيل
- Apr 2009
- الدولة
- عروس البحر المتوسط
- العمر
- 32
- المشاركات
- 3,591
مشرفة قسم آدم و حواء
- معدل تقييم المستوى
- 9263
هههههههههههههههههههههههههههههههههههههههههههههههههه ههههههههههههههههههههههههههههههه
يلهوى عليكى يااسماء
هههههههههههههههههههههههه
لا جامدة بجد
انا اندمجت اوى فى القصة وفى الاخر الاقية بيشيلها
هههههههههههههههههههههههههههههههههههههههههههههههههه هههههههههههههههههههههههههه
لا جامدة مووووووووووووووووت
تسلم ايدك.
.
...لاَ أسْمح أنْ تطل إمْرَأتِي عَلى العَالَم
.
.
فَيتَغزلُ الرجَالُ فِي جمَالِهَا ،!
دَمي لاَ يَحتملُ و لاَ هَكذا عَلمنِي دِيني~
فهَل تقبَلِين برجُل غَيُور مِثْلي؟
.
.
.
.
فقَالَت : أنَا إمْرأة أعشَقُ فِي الرجُل تِلك الحميَة ،
و أرتْجِي مَن كَان حَاميا للدِين وأكتفِي بكَ مِن العَالِم معْجباً~
اللَّهُم أرْزقنَا الأزوَاج الصَّالِحَة ...يأخُذُون بأيْدينَا إلَى الجَنة
اللَّهُم إهْدِنَا ، و رُدنا إليكَ ردًا جَمِيلاً
-
11-26-2009, 08:07 AM #10Status
- Offline
- تاريخ التسجيل
- Apr 2009
- المشاركات
- 1,126
عضو ذهبى 90%
- معدل تقييم المستوى
- 6805
انا بقي لحد ما شالها بحسبها كبيرة
يعيني ع السباب ونبي بيكبروا ويخيبوا
هو عارف نفسه
مش هيقدر بالامكانيات المادية يجيب روفيدة
ولا امها حتي
ههههههههههههههههه
كده يا اسماء
بس حلوة اوي
يقطع روفيدة علي سنين روفيدة
:cc_scooter:
رد مع اقتباس
المفضلات