هل سهل عليك انك تقول اسف

**eslam mamdouh** · 10-07-2008, 09:20 PM

بسم الله الرحمن الرحيم

زملائى الافاضل يعتبر البعض ان كلمه انا اسف اصعب كلمه فى الوجود فهى تعنى انه انسان ضعيف , وتقلل من هيبته امام الناس, وبيعتبر بعض الرجال انها نقص فى الرجوله

ولكن يرى البعض الاخر ان كلمه اسف هى البلسم الذى من خلاله يمكن ان تشفى جراح اى شخص

وانا اطلب من حضراتكم اجابه على سوال محدد؟

يا ترى لما تغلط سهل عليك انك تعتزر؟ يا ترى سهل انك تقول لانسان انت غلط فى حقه انا اسف ولا ده صعب جدا عليك؟

وانا منتظر معرفه ردرود حضراتكم

**eslam mamdouh** · 10-07-2008, 09:31 PM

اتمنى من حضراتكم لتفاعل مع الموضوع بشكل جدي لتعم الافاده

**AYMAN GAMAL** · 10-07-2008, 09:35 PM

ياااااااااااااااااااااه

كلمة اسف يا سلم

الكلمة اللي بقت قيمتها زي عدمه عند ناس كتير

مع ذلك لسه في ناس كتير مؤمنه بيها
انا منهم

شكرا يا اسلام

**ميرا مار** · 10-07-2008, 10:22 PM

طبعا كلمة اسف صعبه عليا جدا اقولها
لكن باحاول اتصرف ناحية الشخص اللى عايزة اعتذر له تصرف يبين اعتذارى بالفعل وليس الكلام

لكن عموما الانسان اللى يقول انا اسف بعد تفكييييييير دا انسان محترم وجدير بحب الناس

**Mimi** · 10-07-2008, 10:27 PM

لالالالالا انا بقولها يسهولة وبدون تردد

هو المفروض الواحد بتصرفاته ميوصلش نفسه لمرحلة الاعتذار يعني كان من الاول يحسن تصرفه بدل ما يغلط ويروح يعتذر

ومش بقول كدا عشان يتجنب كلمة آسف ، لا ابدآ والله بس عشان ممكن اللي قدامه باه يقفله ويرفض آسفه واعتذاره

بس لاء انا في فترة بتزيد عليا الضغوط بزعل ناس كتير وبتأسفلهم من قلبي وبطلب سماحهم ، دي أقل كلمة تعبر عن اسفك للي قدامك ولكل واحد أذيت مشاعره

دي كلمة ، كلمة والناس مستتقلاها امال لو فعل هنعمل ايه؟

ياترى انت يااسلام بتقولها بسهولة ؟

**Rania Ismail** · 10-08-2008, 01:40 AM

والله يا سولوم انا فى الاول بكون شايفه نفسى مش غلطانه بس لما بقعد مع نفسى واشوف وجهة نظر اللى قدامى واقتنع انى غلطانه بتاسف

**tiger** · 10-08-2008, 01:45 AM

موضوعك جامد يا سلم وفعلا فى ناس دلوقتى تبقى غلطانه ومش عايزين يتأسفو والى بيتأسف دلوقتى يبقى تعبان وعبيط0

**sarah** · 10-08-2008, 01:57 AM

إزاى يا اشرف اللى يتاسف يكون تعبان وعبيط ,
ليه يعنى نخبط فى الناس وكمان منتاسفلهمش . ايوه الناس حتبقى وحشة .
الاسف ده بيشيل حواجز كتير بين الناس خاصة لو كان واحد حبيبك ويهمك زعلوه,
مع العلم ان حكاية واحد يتاسف لحد مبشوفهاش كتير كله بيهون عليه صحبة ولا بيهمه .

usama · 10-08-2008, 02:00 AM

بالعكس انا شايف المشكله مش في كلمة اسف وانما في تقبل الاسف

**shimo** · 10-08-2008, 02:00 AM

انا اللى عايزة اقول حاجه
هو اى حد فينا لو خبط بدون قصد فشخص فالشارع هيلتفت وهيقولو ايه ؟
مش هيقول برضو ليه سورى ؟!! وطبعا دى ابسط كلمه
صح ولا لاء
انا عن نفسى لو لحد بعزوا اوى اوى بقولو اسفه لما اكون غلطانه فعلا
بس لو حد عادى بقول اوعدك مش هكررها تانى مش تزعل منى وكدا يعنى

الموضوع: هل سهل عليك انك تقول اسف

أدوات الموضوع

عرض

هل سهل عليك انك تقول اسف

الكلمات الدلالية لهذا الموضوع

المفضلات

المفضلات

ضوابط المشاركة