حوار يحرق الدم

**zoro313** · 10-15-2008, 10:05 PM

جبتلكو اليوم حوار لطيف جدا بين زوج مع زوجته

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة ؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟؟ّ

هى:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكره

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي :

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا بالتونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلي؟

هي :

ليه لأ ؟

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:
يمكن وقتها أكون مش جعانة فتاكلها انت

ملاحظه

محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"

**Mimi** · 10-15-2008, 10:20 PM

شكل نفس المحكمة ونفس القاضي هيبرأك يازورو مني دفاعآ عن النفس

عشان لو كنت قدامي كنت قتلتك 5 مرات ورا بعض :D

**Rania Ismail** · 10-15-2008, 11:00 PM

المشاركة الأصلية كتبت بواسطة judy

شكل نفس المحكمة ونفس القاضي هيبرأك يازورو مني دفاعآ عن النفس

عشان لو كنت قدامي كنت قتلتك 5 مرات ورا بعض :D

انا بقى القاضى مش حيعرف حتى ينطق بالحكم
علشان حكون قتلت زورو
لما القاضى حيشوفنى حيتخرس من الصدمه
انى قتلت زورو بابشع الطرق

**samomran** · 10-15-2008, 11:33 PM

اووووووووووووووووووووووووووووووووووووووووووووووووو وووووووووووووووووووووووووووووووو
حليـــــــــــــــــــــــــــــــــــــــــــــــ ـــــــــــــــــــــــــــــــم و الله يا بنى انا ذات نفسى اللى عندى صبر طويل اتشليت منها الله عليك يا واد