ازاى يا بنوتات تغلسوا على الاولاد...(ممنوع دخول الاولاد )

[zoro313]

متدخلش يا أخينا




اوف بقا




يعنى انت مصر






تعجبنى


ندخل فى الموضوع

البنت تتصل بالولد الساعة 5 الفجر وتفضل ترن ترن لحد ما يرد عليها
فتقوله:هو انت نايم يا حبيبى

يبقوا رايحين اى مشوار مع بعض وهيركبوا الباص او المنى باص
تروح هى بسرعة تشاور على تاكس
وتقوله:سورى يا حبيبى نسيت اننا هنركب الباص
(عايزة تغرمه باى شكل)

داخلين كافيه على اساس انك انتى الى هتعزميه اطلبى اغلى حاجة
موجودة وخلاص هتمشوا والمفروض ان انتى الى هتدفعى طبعا
قوليله:معلش يا حبيبى ادفع انت عشان انا نسيت الفلوس فى الشنطة الحمرا بتاعتى

عايزة تكلمى مامتك ومش معاكى كرديت خدى منه الموبايل وقوليله هكلم ماما دقيقة واحدة عشان اقولها انى هتأخر
واقعدى اتكلمى براحتك لحد ما الكرديت يخلص واديله الموبايل
هيقولك:الكرديت خلص
قوليله:معلش مختش بالى

النهاردة عيد ميلادك ومجبلكيش كادو تعملى ايه؟؟
قوليله:حبيبى انا حلمت بيك امبارح
هيقولك:خير ان شاء الله
حلمت انك واقف فى اكبر محل كادوهات وبتجبلى احلى واغلى هدية موجودة
هيقولك:آآه طبعا يا حبيبتى ان شاء الله
تقوليله:وبما انى عارفة انك مشغول ومش فاضى طول اليوم فقلت انزل واجيب الكادو مكانك
وخديه على المحل من غير ما يعرف وقوليله:ايه رأيك فى الكادو دى انا جهزتهالك عشان تجبهالى
(طبعااااااااا تدبيسه انما ايه)

متفقين هتروحوا السينما النهاردة وحسيتى انك ملكيش مزاج تعملى ايه؟

سيبه واقف ملطوع بعد معادكم بساعة ونص هيتصل بيكى
قوليله:معلش يا حبيبى اصل جالى دور برد ومكنش معايا كرديت عشان اتصل بيك
(ساعتها عيقول يوم اسود يوم ما عرفتك)

بتتمشوا فى الشارع ولقيتى سنترال قريب منكم تعملى ايه؟
قوليله حبيبى ممكن تروح تجبلى كرديت
طبعااا هيروح يجبلك........
ولما يجى قوليله:سورى يا حبيبى انا افتكرت انى جبت واحد امبارح
خده انت بقا

بكره فرح صحبتك ولازم تجيبلها كادو شيك تعملى ايه؟
قوليله:حبيبى بكره فرح صحبتى وعزماك ومأكدة عليا انك لازم تروح وطبعا لازم تجبلها كادو تحفة وشيك
هيقولك:آآه طبعا وانتى مش هتجبلها
قليله:لا انا جبت خلاص هديهالها بكره بقا
فى الفرح خدى منه لاكادو واديها لصحبتك
وقوليله:سورى يا حبيبى اصل انا نسيت الكادو فى التاكس وانا جايه


محمد حليم

[Rania Ismail]

مرسى يا حليم على الكلام الحلو ده شااااااطر ايوه كده حاااااااااول تصلح اللى انت بتعملو علشان ابقى واقفه معاك ومنبقاش ضد بعض
بس جميل جدا الموضع

واحب اقول انهم لازم يعملو كده غصب عنهم

[zoro313]

انا اعترض على غصب عنهم دى

[samomran]

ياااااااااااااااااااه يا حليم انت مال مواضيك كده فقدت الحماسه بتاعتها فين الهجوم المضاد بتاع زمااااااااااااااااااااان

[zoro313]

انا مش قايل ممنوع دخول الولاد ولا انت ايه يعنى
هههههههههههههه
وبعدين ده تمويه يابنى

[Rania Ismail]

انا مش قايل ممنوع دخول الولاد ولا انت ايه يعنى
هههههههههههههه
وبعدين ده تمويه يابنى

قفشتكو وانتو بتخططو لا مش هنا مش فى قسمى
وعلى فكره ولا تقدرو تعملو حاجه

[sarah]

حلووووو يا حليم , بس دى بنت غلسه اوووووى
هيه غلاسة اوفر هتخلى البنات تعنس اكتر هيه دى الفكرة يا بنات اوعوا تعملوا كده .هههههههههههه

[samomran]

تاااااااااااااااااااااااانى يا رانيا تااااااااااااانى تعال يا حليم انا و انت نخطط لعمل هجوم اقوى من هجوم 11 سبتمبر

[اسامه البنا]

موضوع جميل بس مش اغلابهم كده
البعض منهم بس

[sarah]

مش قالو للبنات بس دخلين ليه بقى.:confused:
هه يا اسلام هه يا اسامة .