ليه لما بتقص شعرك مش بتحس بالألم !!

**Mimi** · 09-20-2009, 05:57 AM

ليــه بأه ياجماعة ؟

هقولكم السر:cc_arabia:

احنا ممكن نحس باي ضرب او جرح او أذى على جسمنا ما عدا شعرنا لو قصيناه منحسش بأي ألم

ودا لأن الشعر في الحقيقة هو عبارة عن مجموعة من الخلايا الميتة اللي بتطرد من أماكن وجودها في الجذور

ولأن الشعر ماهو الا خصلات من الخلايا الميتة دي

فبالتالي عديم الاحساس ومش بيألمنا لما نقصه

بس كدا :egypt:

**Mohamed Hashem** · 09-20-2009, 07:26 AM

فعلا والله يا ميمى
معلومة لذيذه جدا ..
انا كنت متخيل اننا مش بنحس بالالم لان مفيش اعصاب فى الشعيرات

جزاكى الله كل خير

**Mahmoud Slem** · 09-21-2009, 10:44 PM

اولا كرا ليكى على المعلومة دى
بس ليه دكاتره الامراض الجلدية
بيقولوا لو عاز تنمى عرك
لازم تنمية من الداخل مش من الخارج
يعنى تهتم بيه عن طريق اكلك
معنى كده انها لو ميته يبقى مش ممكن انها تحيا تانى ابدا ومش هقدر اعالجها
والله
اعلم
انا حبيت اقول رائى
وشكرا ليكى جدا على الموضوعات دى

**AHMED FTIHA** · 09-21-2009, 10:54 PM

معلومه جميله اوى ياميمى الف شكر بس عايزين تفاصيل اكتر عن كلام محمود لوينفع

**Hassan Mohamed** · 09-22-2009, 05:55 AM

ده انا اسود يوم في حياتي لما بروح احلق شعري بيبقا يوم مش حلو عليا

**Mimi** · 09-22-2009, 06:08 PM

Mohammed Hashem

ميرسي لمشاركة حضرتك يابشمهندس واعتقاد حضرتك كان منطقي جدآ وانا عن نفسي أول مرة أعرف المعلومة دي كمان نورتني يابشمهندس

Mahmoud Slem

شكرآ على اهتمام حضرتك بالموضوع وعلى سؤالك أنا هوضح لحضرتك حاجة وهي ان فروة الرأس نفسها هيا اللي بتتخلص من الخلايا الميتة ودا اللي بتثبته وجود القشرة مثلا بس زي ما بتتخلص من الخلايا الميتة بتساعد على تجديد الخلايا واذا مهتميناش بالغذاء وبصحتنا زي ما دكاترة الأمراض الجلدية بيقولو فمش هتساعد الفروة انها تجدد الخلايا بسهولة وتفضل بس الخلايا الميتة واللي هيا القشرة وهيبقى سهل ان خصلات الشعر تقع ومش هتتماسك وعشان كدا احنا بنهتم بالغذا وبنهتم بشعرناباستخدام الزيوت وغيرها عشان نتلاشى ظهور الخلايا الميتة دي .. بكدا يارب أكون جاوبت سؤالك اللي تقصده وميرسي ليك مرة تانية يابشمهندس

Ahmed Ftiha

ميرسي أول حاجة لمشاركتك واهتمامك بزيادة المعرفة وان شاء الله تكون استفدت من ردي على بشمهندس محمود

Hassan Mohammed

ميرسي للغاية لمشاركتك وربنا ما يجعل ايامك سودا ان شاء الله كل ما تروح للحلاق تلاقيه قافل عشان متقصش شعرك عشان يطول بأه وتبقى أشعث :p