رضا وفريق ولاد البطه السوداء

**reda_bebo99** · 02-19-2009, 03:55 PM

فية فكرة هتخلق جيل نشط وايجابى جدا من الشباب

ملخص الفكرة ان كل مشرف من حقة يكون فريق من الاعضاء

وهنسمى كل فريق باسم

مثلا فريق البطة السودة

وفريق الوزة المستفزة

الخ الخ

مهمة المشرف دة ان يخلى فريقة اقوى فريق فى المنتدى

من حيث المشاركات والردود والمواضيع والافكار وجذب الاعضاء

وممكن يخلية فريق نشط فى الاعمال الخيرية وكمان فى الحياة الواقعية

يعمل مثلا حملة عن الاخلاق وكل عضو يعمل فى الحياة عمل صالح يقولة

اكيد غيرة هيغير ويتشجع ويعمل زية حتى ولو تقليد ليه

ومن حق كل فريق انه يتخذ له شعار

وقدام ممكن نخلى كل فريق بلون ولقب مميز

ومن هنا هنقدر نكون نواة جديدة وقوية جدا لشباب فعال

حتى ممكن نعمل منافسات بيننا وبين منتديات تانية

باسم فريق( منتدي مساحه ) الى هننقية من صفوة الفرق الى عندنا

كل مشرف ممكن يبدأ بس بثمان اعضاء اعضاء وميزودش

وكل فريق يختار رئيس ليهم منهم

والى عايز ينضم لفريق معين لازم يعمل اعمال مميزة ترشحة انه يتقبل فى الفريق

لان كلمة عضو فى فريق ده شىء قيم ومش اى حد يبقى فى فريق

وهتبقى المنافسة قوية جدا جدا

عايز ارائكم فى الفكرة دى علشان هبتدى اختار اعضاء فريقى

و الى يحب ينضم لفريقى يقول

فريق ولاد البطه السوداء

**free eagle** · 02-19-2009, 03:58 PM

الله ينور يا رضا بجد موضوع جامد جدا

يا رب التنفيذ السريع للفكرة

تسلم ايدك يا رضا

**Night Moon** · 02-19-2009, 04:02 PM

فكرة حلوة يارضا وبجد هاتكون فعلا خطوة ايجابية جدا مننا كلنا

**reda_bebo99** · 02-19-2009, 04:02 PM

يا رب تكون الفكره حلوه وتسعدوني علي تنفيزها

**free eagle** · 02-19-2009, 04:06 PM

انت بقي شكلك منظم فريق البطة السوداء

هههههههههههههههههههههههههههههههههههههههههه

ربنا يكرمك كدة والفكرة تنفذ

**Youssef Mostafa** · 02-19-2009, 04:12 PM

ماشى يارضا بس نشوف راى حسن بردو عشان
احنا لو خلينا المتندى كله فرق حييجى حد من برة مش حيلاقى مكان ليه حيلاقى نفسه تايه فحيمشى

**reda_bebo99** · 02-19-2009, 04:15 PM

لا مهو لو الفكره نجحت هنكون فرق من جديد وعلي مجال اوسع وكل 8 اعضاء هيكونو بعض مع بعض والزائد هيكون فريق جديد ويا رب اعضاء المنتدي يزيدو كمان و كمان ويتكون اكتر من 1000 فريق