اعرف صاحبك و علم عليه

**farida** · 02-23-2009, 10:24 PM

عاوز تعرف صاحبك

الاول لازم تعرف اننا كلنا فينا عيوب ومميزات

يعني كلنا بنجمع بين الصفات المتناقضه

كل شخص جواه جزء من كل الصفات

يعني حتلاقي جواك صفه الكرم والبخل

وحتلاقي الذكاء والغباء والشهامه والنداله

وكل الصفات موجوده بنسب متفاوته

والصفه اللي بتطغي علي باقي الصفات هي دي الصفه المميزه للشخصيه

مفيش شخص خير على طول الخط مفيش حد ملاك ناقص له جناحين ويطير

ومفيش شخص شرير على طول الخط عنده ديل وبقرون

تعالي بقي طبق الكلام ده علي صحابك

وحدد كل واحد ايه الصفه المسيطره فيه

صاحبك البخيل

تلاقيه دايما اخر واحد يحط ايده في جيبه وانتم قايمين من علي القهوه
علشان تحاسبوا القهوجيه

صاحبك الغبي

اخر واحد يضحك علي نكته قالها واحد تاني وتلاقيه بيضحك بصوت عالي

صاحبك المغرور

دايما يتكلم عن انجازاته اللي عملها
ودائم التحدث عن المهارات اللي عنده
ومش عند غيره وتلاقي امكانياته اقل بكتير من الي بيحلم يحققه

صاحبك البكاش

الكذاب نسااي يعني يحكي لك حاجه النهارده
وتاني يوم يحكي لك نفس الحاجه بصوره تانيه خالص

صاحبك الندل

اول واحد يستخبي منك لما تحتاجه وبتكون فى الحزن مدعي والفرح منسي متلقهوش ومايقفش معاك فى اي مشكله او خناقه او محنه

صاحبك الخاين

تلاقيه دايما بيمدح فيك قوي بس تلاقي بيزمك فى ضهرك وكل شويه حد يجيلك يقولك صاحبك بيشتمك من وراك

صاحبك الحقود

قليل الكلام علي وجهه ابتسامه مالهاش ملامح

ديما بيقولك يا الغالي
يفرح فوي لما تتمسك في خانه اليك

وانت بتلعب طاوله وهو بيتفرج عليك او حد بيكون بيغلط فيك قدامه

صاحبك اللي تصاحبه

هو اللي تلاقيه وقت الضيق
اللي يحب لك الخير
اللي ما يزعلش لما يلاقيك ناجح
اللي ينصحك ويشدك ناحيه الخير والالتزام
اللي يزعل لزعلك ويفرح لفرحك
اللي يرد غيبتك
اللي تحس انه اكتر من اخوك

والمثل بيقول

اعـرف صـاحــبك وعـــلم علـــيه
منقول

**Marwa Mahmoud** · 02-23-2009, 11:36 PM

شكرا ليكى يا فرفورتى
موضوع جميل جدااااااااااااااااااا
تسلم أيدك
وأنا عجبنى المثل دة

اعـرف صـاحــبك وعـــلم علـــيه

**farida** · 02-24-2009, 01:03 AM

ميرسي يا مرمر

منوراني دايما

**free eagle** · 02-24-2009, 01:07 AM

الله يا فرفر

وانا خلاص كدة عرفت صاحبي

بس لسه معلمتش عليه
ههههههههههههههههههههههههههههههه

موضوع جامد يا فرفر

**Zooma** · 02-24-2009, 01:07 AM

شكرا يا فرفر على الموضوع الجميل ده
وفعلا اعرف صحبك وعلم عليه

**farida** · 02-24-2009, 02:08 AM

المشاركة الأصلية كتبت بواسطة free eagle

الله يا فرفر

وانا خلاص كدة عرفت صاحبي

بس لسه معلمتش عليه
ههههههههههههههههههههههههههههههه

موضوع جامد يا فرفر

انت مكنتش عارفه ولا ايه يا ياسو
هههههههههههههههههههه
نورت التوبيك

**farida** · 02-24-2009, 02:11 AM

المشاركة الأصلية كتبت بواسطة zooma

شكرا يا فرفر على الموضوع الجميل ده
وفعلا اعرف صحبك وعلم عليه

شكرا يا زيزو علي مرورك

و عندك حق لازم تعرف صاحبك و علم عليه

بس مش لازم تعلم علي كي عيوبه بس و دور كمان علي مميزاته

نورت التوبيك يا ازيزووووووووو

**احمد عبد الحليم** · 02-24-2009, 02:14 AM

عجبني اوى العنوان عارفة تحسي انه مستوحي من لغة القهوة والصحاب
واللمة ساعتها بتتقال كتييييييييير اوى اعرف صاحبك و.......
تسلم ايدك يا فريدة

**farida** · 02-24-2009, 02:30 AM

المشاركة الأصلية كتبت بواسطة احمد عبد الحليم

عجبني اوى العنوان عارفة تحسي انه مستوحي من لغة القهوة والصحاب
واللمة ساعتها بتتقال كتييييييييير اوى اعرف صاحبك و.......
تسلم ايدك يا فريدة

ههههههههههههههههه
من القهوة ؟ هههههههههه
طب والعنوان وعجبك والتوبيك بقي يا احمد؟
بس ميرسي يا احمد علي مرورك نورتني

**amiran** · 02-24-2009, 02:35 AM

والله موضوع كويس وشكرا عالمجهود بس دلوقتى مفيش حد بيخاف على حد وبيفرح لفرحه ولنجاحه الا قليل اوووووى .وفعلا الواحد طول ماهو ماشى فالدنيا بيعرف صحاب كتير وبيعلم على كتير منهم

الموضوع: اعرف صاحبك و علم عليه

أدوات الموضوع

عرض

اعرف صاحبك و علم عليه

الكلمات الدلالية لهذا الموضوع

المفضلات

المفضلات

ضوابط المشاركة