في ضيافه فلان ضيف الحلقه ( esraa)

**ahmedko** · 10-18-2008, 08:31 PM

احب اولا امسى عليك
و انا اعلن مساندتى لايمن ضد رانيا المفترية و اشرف اللى بيساعدها
بس دة مش هيحميك من اسءلتى
قولى
مين انتيخك ؟
انا عارف انك مش بتخاف لا من كبير و لاصغير ,,,,,, قولى اكتر موقف عدى عليك و كنت خايف منه ؟؟

قولى اكبر مشكله واجهتك الصيف اللى فات فى شغلك طبعا؟؟
مين هو احب الناس ليك بعد والدك و ووالدتك و خالك ؟
مين اللى انتا متوقع يوقعك من على الكرسى ؟؟؟

**AYMAN GAMAL** · 10-19-2008, 06:52 PM

المشاركة الأصلية كتبت بواسطة مهندسة مها عفيفى

انا اسفة يا محمود ..لو كلامى دة هيبقى متاخر ..
الف سلامة على والدك وربنا يطمنك عليه .. ويقوم بالسلامة ان شاء الله

الف سلامة على والدك يا محمود

وايه ؟؟ ايه يا ايمن .. ربنا يكون فى عونك والله ..
بس الحقيقة اسلام .. اسئلته جميييييييييييييييلة وتخلى الواحد يفكر كتيير ..
وطبعا انت قدها وقدود يا ايمن اجاباتك نموذجية بصراحة ..

ربنا يكرمك يا رب يا موها

انا هاسالك بقى
ايه اكتر سؤال جالك واحترت كتييييييير قدامه .. وكان جواك اجابات متناقضة ؟؟

تعريف الخيانة يا موها خلاني احتار قدامه كتير و فيه سؤال تاني برضه اللي هوة تحب تكون ظالم او مظلوم

شكرا يا موها

**الشبح** · 10-19-2008, 07:06 PM

منور الكرسي والله يا ايمن

ده الكرسي اشتكى من رانيا

عقبالك كده مايشتكي منك

هههههههههههههه

استلقى وعدك بقى

ادي اديلو ادي اديلو

**AYMAN GAMAL** · 10-19-2008, 07:19 PM

المشاركة الأصلية كتبت بواسطة sasa

السلم عليكم يا ايمن

وعليكم السلام يا حبيبي

منور الكرسى

اولا انت ليه دخلت قسم الجفرافيا ؟؟ وليه اختارت مساحة ؟؟

انا دخلت قسم جغرافيا عشان انا لقيت نفسي فيه ..... بحبه و لقيته المجال اللي ممكن ابني منه مستقبلي من خلال اني اتخصص في المساحة بعد كدة.

اخترت المساحة عشان انا بحب الرياضة و بحب الهندسة الفراغية اللي هوة اساس فكرتها بالنسبالي

ايه هو اول حاجه هتعملها لما تخلص وتشتغل ؟؟

اني اتعلم اللغة الالمانية و الفرنسية انشاء الله

مين اكتر واحد مخنوق منه ونفسك تنتقم منه ؟؟

هههههههههههههههههه

مفيش سدقني والله العظيم

مين اعز اصحابك
مش لازم فى القسم ؟؟

اعز اصحابي كل اللي بثق فيهم و بس و همة موجودين في القسم و برة القسم

مين اول واحد وقف جنبك فى حياتك ؟؟

بعد ربنا والدي الله يرحمه و خالي ربنا يديه طولة العمر

ايه اكتر الاماكن بتحبها فى العالم سواء زرتها او لا ؟؟

اسكندرية و خصوصا بحري مش عارف ازاي ممكن ابعد عنهم بعد ما اخلص دراسة و اشتغل انشاء الله

كفاية كده ول ايه

هههههههههههههههههههههههههه مبقتش تفرق و زي ما قولت انا في الاول علقة تفوت

لا لسه شويه
هههههههههههههههههههه

اممممممممممممممممممم مش ناوي تجيبها على بر

مسيرك تبقى مكاني

بتحب تسمع اغانى لمين ؟؟

عمرو ديااااااااااااااااااااااااااااااب

مين اللى تحكيله سرك كله حبيبتك ولا صديقك

فيتوووووووووووووووووو ههههههههههههههههههههه

حتى لو مش عندك حبيبة بعد كده يعنى لو فيه الاتنين اى منهم تحكيله وبصراحة ؟؟

يا محاور يا كبير بطل لف ........الاجابة حبيبتي

رانيا بتمسلك ايه فى المنتدى والقسم ؟؟

هههههههههههههههههههه مش عارف ممكن تقوللي انت ؟ ......... ازيك يا رانيا؟

انا عارف الاجابة لكن عايزها تخلص عليك

هههههههه متجرش شكلها انا ماسدقت مدخلتش تسالني لحد دلوقتي

هههههههههههههههه

كفايه ولا لسه

حرااااااااااااااااااام

اقولك حرام
مسيرى يجينى يوم
هههههههههههههههههه

معلش يا مون
حبه كده
تسالى
هههههههههههههههههههه

يا ويلك مني لو قعدت على كرسي الاتهام ............ قصدي الاعتراف

شكرا يا محمود

**AYMAN GAMAL** · 10-19-2008, 07:25 PM

المشاركة الأصلية كتبت بواسطة samomran

ايمن لو تحب ان ترجع لحظه من زمان تحب اى لحظه ترجع لك

اول ما دخلت مساحة مقولكش بقى عاللي عملته و عاللي في البيت و صحابي عملوه

شكرا يا سولوم بس اية الجمال دة

**AYMAN GAMAL** · 10-19-2008, 07:33 PM

المشاركة الأصلية كتبت بواسطة loleeta_omran

سؤال صغنن بقى ..

تفضلي طبعا

من شوية قلت ان حضرتك مقتنع بنفسك 100% ...

الحمد لله

تقدر تقول لنا ايه اسباب الاقتناع الكامل ده ؟

عشان انا الحمد لله بثق بنفسي

وياترى الاقتناع ده (وهو طبعا ناجم عن ثقتك بنفسك) هل وصل لحد الغرور؟

هوة عمره ما هيوصل لغرور ابدا عشان كل مغرور عارف نهايته هتبقى اية و ساعتها مش هتمنى ابقى مكانه ابدا

ولو لسة ماوصلش .. هتعمل ايه عشان ماتوصلهوش لكدة؟

احترم نفسي طبعا و اعرف حدودي و اعرف حدود غيري و اني اكون حر في تصرفاتي و اخر حدود حريتي متبقاش على حساب حدود حرية غيري.......سؤالك جميل و الله

ولا انت تحب تكون مغرور؟؟؟

هههههههههههههههههه لا طبعا ربنا يسترنا

تقبل مرورى

الف شكر على مرورك و انا فرحان باسئلتك شكرا ليكي

**AYMAN GAMAL** · 10-19-2008, 07:53 PM

المشاركة الأصلية كتبت بواسطة ahmedko

احب اولا امسى عليك
و انا اعلن مساندتى لايمن ضد رانيا المفترية و اشرف اللى بيساعدها

ههههههههههههه ربنا يكرمك يا رب

بس دة مش هيحميك من اسءلتى

غوووووووووووووووووور انت بكدة بتساند مين طيب؟

قولى
مين انتيخك ؟

كان لية زمان ........... و نسيت الحكاية دي اول ما دخلت الكلية بقيت انت و حسن و كلكوا انتيخاتي

انا عارف انك مش بتخاف لا من كبير و لاصغير ,,,,,, قولى اكتر موقف عدى عليك و كنت خايف منه ؟؟

ههههههههههههههه مفيش حد ملهوش كبير ياااااااد.....اكتر موقف عدى علية و كنت خايف منه لما طلع عليا انا و اتنين صحابي اربعة حاولوا يثبتونا عالبحر و كان معاهم مسدس و مطاوي ربنا ستر اليوم دة و دورية (خيالة) كانت معديه و كل الحرمية جريوا........يوم مش هنساه ابدا

قولى اكبر مشكله واجهتك الصيف اللى فات فى شغلك طبعا؟؟

الحمد لله مفيش مشكلة قابلتني عشان كنا ماشيين بروتين ثابت و كان معانا لوح المشروع (مفردها لوحة) و ناس خبيرة جدا و شاطرة

مين هو احب الناس ليك بعد والدك و ووالدتك و خالك ؟

اخواتي و بعد كدة انتوا (صحابي)

مين اللى انتا متوقع يوقعك من على الكرسى ؟؟؟

ههههههههههههه واحد فقط ساعتها بقى هدعي على رانيا و هوة عارف نفسة كويس عشان هوة عارف اسراري

شكرا يا ابو حميد اية الاسئلة الحلوة دي

**AYMAN GAMAL** · 10-19-2008, 07:57 PM

المشاركة الأصلية كتبت بواسطة الشبح

منور الكرسي والله يا ايمن

ربنا ينور عليك

ده الكرسي اشتكى من رانيا

هههههههههههههه رانيا محدش يشتكي منها ابدا

عقبالك كده مايشتكي منك

ههههههههههههه هنشوف راي الكرسي لما انت تعد عليه كدة و تتسال زي الباشا

هههههههههههههه

استلقى وعدك بقى

ادي اديلو ادي اديلو

وانا في الانتظار و ربنا يستر

**eslam mamdouh** · 10-19-2008, 08:19 PM

اهلا يا ايمن , الظاهر ان الكل مستنيك تعد على الكرسى عشان تتسال

اولا احب احيييك على الموقف النبيل اللى انت عملته فى الكليه , واثبت انك بجد شخصيه جميله جدا ونادره فوق الوصف, طبعا انت مكنتش عايز حد يعرف , بس الفيديو اللى انا شفته فهمت منه اللى انت عملته كله.

انت بجد انسان غايه فى النبل:

بس اكيد انا مش داخل عشان كده وبس انا داخل اسالك يا حبيبى:

1- ايه الفرق الغدر والخيانه وهل ممكن تسامح اى حد فيهم؟

2- ايه اللى ممكن يتغلب على الاخر جواك عواطفك ومشاعرك ولا عقلك؟

3- هل فكرت فى يوم ان يكون عندك قلب ميت؟

4- هل تصدق ان ممكن انسان فى الزم ده يضحى بنفسه عشان الحب والصداقه؟ ولو فى ممكن انت تكون الانسان ده بكل صراجه؟

5- اخر يوم فى الكليه..... تقدر توصفلى البك ساعتها اخباره ايه وهو بيفارق اصدقائه؟

كفايه عليك كده, طبعا اسئله بسيطه وسهله عشان نسخن

التقيل جى قريب اوى اوى اوى

**mimo** · 10-19-2008, 08:39 PM

المشاركة الأصلية كتبت بواسطة المهندس ايمن جمال

تعريف الخيانة يا موها خلاني احتار قدامه كتير و فيه سؤال تاني برضه اللي هوة تحب تكون ظالم او مظلوم

شكرا يا موها

من ميمو معلش يامون اسئلتى كانت صعبه عليك عشان كده ليك عندى سوال كمان
ههههههههههههههههههههههههههه

معلش حظك انك وقعت معايا

ممكن تعرفلى كلواحده من دول من وجهة نظركالقلب

العين

الحبيب
الصديق

الصحاب

هل هناك فرق من وجهة نظرك بين الصديق والصاحب
كفايه كدا ولالالالالالالالالالالالا
مارايك في من يتراجع عن موقفه ويتخلى عن اصدقائه

من ميمو الطيب
رابعة مساحة

يا روح قلبى R للابد

الموضوع: في ضيافه فلان ضيف الحلقه ( esraa)

أدوات الموضوع

عرض

الى مونى حبيب فلبى

الكلمات الدلالية لهذا الموضوع

المفضلات

المفضلات

ضوابط المشاركة